Read ewe Hiob 35 Bible Online

Hiob 35 - ewe bible

Hiob 35

¹Eye Elihu xɔ edzi gblɔ bena:

²Nya nyui enye sia gblɔm nèle be: „Tɔnye dzɔ wu Mawu tɔa?“

³Elabena ele gbɔgblɔm be: Viɖe ka wònye nam? Eye ne nyemele nuvɔ̃ wɔm o hã la, viɖe ka gɔ̃ wònye nam?

⁴Maɖo eŋu na mia kple xɔ̃wòwo!

⁵Fɔ kɔ te, nalé ŋku ɖe dziƒo, eye kpɔ alilikpo, siwo le tawòme boo la ɖa!

⁶Ne éwɔ nuvɔ̃ la, nuka nèwɔe, eye newò nu vɔ̃ɖi wɔwɔ sɔ gbɔ la, edomee nagblẽa?

⁷Ne ènye ame dzɔdzɔe la, nuka tsɔm nèle nɛ? Alo nuka wòaxɔ le asiwò?

⁸Ame abe wò ene, wò vɔɖiwɔwɔ ava dziwò ke; eye wò amegbetɔvi, wò dzɔdzɔenyenye ava dziwò!

⁹Wodoa ɣli le ameteɖeanyi geɖewo ta, eye wodoa boboe le ŋusẽtɔ ƒe alɔkpa ta;

¹⁰ke womegblɔna be: Afika Mawu, nye wɔla, amesi na kafukafuhawo le zã me,

¹¹amesi fia nu mi wu anyigba dzi lãwo, eye wòde nunya tagbɔ na mí wu dziƒoxewo la le o.

¹²Wodo ɣli le ame vɔ̃ɖiwo ƒe dadaa ta, ke meɖo eŋu o.

¹³Yakanyawo koe Mawu mesena o, eye ŋusẽkatãtɔ la meléa ŋku ɖe eŋu o.

¹⁴Azɔ nèle gbɔgblɔm hã be, yemele ekpɔm o. Nya la le eŋku me, dzɔ esi nu ko!

¹⁵Ke azɔ, esi eƒe dɔmedzoe mehe to na ame, eye metsɔ ɖeke le vodada geɖewo ƒe nya me o la,

¹⁶eyata Hiob ƒo nu yakatsyɔ, eye wòlɔ nyawo ƒo ɖi, nunyaa ɖeke mele wo me o.