Read ewe Hiob 36 Bible Online

Hiob 36 - ewe bible

Hiob 36

¹Eye Elihu ƒo nu yi dzi gblɔ bena:

²Kpɔ asinyenu vie, eye mafia nu wò, elabena nya gali woagblɔ ɖe Mawu ŋu.

³Mahe nye nunya tso adzɔge vɛ, eye matso na nye wɔla.

⁴Elabena nytateƒee, alakpa mele nye nyawo me o, eye nunyala kpamkpam enye si le gbɔwò.

⁵Kpɔ ɖa, Mawu lolo, eƒe nunya ƒe ŋusẽ tri akɔ, ke medoa vlo amea ɖeke o,

⁶Menana ame vɔ̃ɖiwo nɔa agbe o, eye wòtsona na hiãtɔwo.

⁷Meɖea eƒe ŋku ɖa le ame dzɔdzɔewo ŋu o, eye wònana wobɔbɔ nɔa fiawo gbɔ le fiazikpuiwo dzi ɖaa, ne woatsi kɔkɔƒe.

⁸Ne wode kɔsɔkɔsɔ wo, eye wole hiã ƒe ka me la,

⁹eɖea woƒe nuwɔwɔ kple woƒe dzidadawo fiaa wo, le esi wodo wo ɖokui ɖe dzi ta:

¹⁰eʋua to na wo ɖe tohehe la ŋu hegblɔna be, woatrɔ tso woƒe nu vɔ̃ɖi wɔwɔwo me.

¹¹Ne woɖo to, eye wosubɔe la, ekema woawu woƒe ŋkekewo nu le dzɔgbenyuie me kple woƒe ƒewo nu le dzidzɔ me.

¹²Ke ne womeɖo to o la, ekema woatsi aŋutrɔ nu, eye wo nu ayi le numanyamanya me.

¹³Dɔmedzoe le dzi ta na eme vlowo, eye ne ede ga wo la, womeƒoa koko o,

¹⁴ale be wokuna le ɖekakpui dzodzoe me, eye woƒe agbe nɔna abe matrewɔla tɔ ene.

¹⁵Ke etsɔa hiã ɖea hiãtɔwoe, eye wòtsɔa xaxa nua to na woe.

¹⁶Aɖe wò hã tso xaxa ƒe ve me ayi teƒe keke, afisi mexaxa o, eye nusiwo ava wò kplɔ̃ dzi la, ada ami nyanyanya.

¹⁷Ke ne ame vɔ̃ɖi ƒe afiatsotso yɔ mewò fũ la, ekema afiatsotso kple tohehe adze dziwò.

¹⁸Elabena dɔmedzoe megaflu wò nayi fewu ɖu ge o, eye tawòƒlega gbogboawo megakplɔ wò trae o.

¹⁹Ɖe wò ɣli, si nèɖo le hiã me kple wò kutrikukuwo katã ate ŋu ade nane nua?

²⁰Zã si kplɔ dukɔwo ɖa le wo teƒe ƒiaƒiaƒia la, meganɔ dzrowòm o.

²¹Kpɔ ɖokuiwò dzi nyuie! Megatrɔ ɖe yakanu ŋu o, elabena èlɔ̃a eya wu hiã.

²²Kpɔ ɖa, Mawu tsɔa eƒe ŋusẽ wɔa nu tsuwo; eye ameka nye nufiala abe eya ene?

²³Ameka ɖo eƒe mɔwo nɛ, eye ameka kpɔ mɔ agblɔ nɛ be: Ewɔ nu manyomanyo?

²⁴Ke boŋ ɖo eƒe nuwɔwɔ, siwo ŋu amegbetɔwo dzia ha le la, ɖe dzi!

²⁵Amegbetɔwo katã kpɔa dzidzɔ le eŋu, eye kodzogbea kpɔnɛ tsoa adzɔge.

²⁶Kpɔ ɖa, Mawu tri akɔ, mele nyanya me na mí o, eye eƒe ƒewo gɔmedidi meli o.

²⁷Elabena ehea tsi toŋtoŋwo yia dzii, eye eƒe afuwo dzaa tsi,

²⁸woɖuɖuna tsoa alilikpowo me, eye wonyɔna ɖe ame geɖewo dzi.

²⁹Ɖe amegbelɔa ɖe nya, alesi wokekea alilikpowo me, kple alesi eƒe agbaɖɔ dzena kprrr… laea?

³⁰Kpɔ ɖa, ekeke kekeli ɖe eɖokui dzi, eye wòtsɔ afu, si ɖo tso atsiaƒu me la, tsyɔ eɖokui dzi.

³¹Elabena eya wòtsɔna hea to na dukɔwo, eye wònaa nuɖuɖu wo kpaekpaŋ.

³²Eɣla dzikedzo ɖe eƒe asiawo kple eve me, eye wòdɔe ɖa ɖe eƒe ketɔwo ŋu.

³³Eƒe gbeɖeɖe le boblo domi, eye eƒe dɔmedzoe le ŋu ʋãm ɖe nu vɔ̃ɖi wɔwɔ ŋu.