Read ewe Hiob 41 Bible Online

Hiob 41 - ewe bible

Hiob 41

¹Kpɔ ɖa, eƒe mɔkpɔkpɔ azu dzodzro: ne ekpɔe tete ko la, aɖo baba ɖe anyi.

²Amea ɖeke meɖoa nu tamee, be wòaʋuʋui o; eye ameka ate ŋu anɔ te ɖe nunya?

³Ameka tre nu nanam, ne maɖo eteƒe nɛ? Nusiwo le dziƒo blibo la te la, tɔnye wonye.

⁴Nyemazi ɖoɖoe le eƒe ŋutinuwo, eƒe ŋusẽ gbogboawo kple eƒe nɔnɔme dzeani la ŋu o.

⁵Ameka aklo ava le eŋu, eye ameka aɖo eƒe aɖuwo domee?

⁶Ameka aʋu eƒe ŋku me ʋɔtruwo? Ŋɔdzi ƒo xlã eƒe aɖuwo.

⁷Eƒe akpoxɔnu trikpawo nye adegbeƒonu, eye wolè ɖe wo nɔewo ŋu kpaɖikpãɖi.

⁸Womimi ɖe wo nɔewo ŋu, ale be ya metoa wo domee o.

⁹Ɖesiaɖe ku ɖe nɔvia ŋu, eye wode alɔ wo nɔewo me, ale be womate ŋu amã o.

¹⁰Eƒe nyenyẽ kea dzo, eye eƒe ŋkuwo le abe agudzedze ƒe aɖabawo ene.

¹¹Kakati bibiwo dona tsoa eƒe nu me, eye dzoxiwo hlẽna ŋeŋeŋe.

¹²Dzudzɔ dona tsoa eƒe ŋɔti me, abe alesi wòdona tsoa ze, si te wotsɔ keti do dzo ɖo wòle fiefiẽm la me ene.

¹³Ne egbɔ la, akawo léa dzo, eye dzoƒaɖewo dona tsoa eƒe nu me.

¹⁴Ŋusẽ le eƒe kɔ me, eye ŋɔdzi le ɣe ɖum le eŋgɔ.

¹⁵Eƒe dɔyi medzɔ gblɔyi o, ke boŋ edo akpa ɖe eŋu kpaɖikpaɖi.

¹⁶Eƒe dzi do akpa abe kpe ene, edo akpa abe te ene,

¹⁷Ne etso la, dzidzi ƒoa ŋusẽtɔwo, eye ŋɔdzi nana woluluna.

¹⁸Ne wotsɔ lãnu ɖe eŋu, eɖanye yi alo akplɔ o, eɖanye fiavi alo aŋutrɔ o la, exɔa akpo.

¹⁹Ebua ga yibɔ abe gbe ƒuƒu ene kple akɔbli abe ati nyunyɔ ene.

²⁰Aŋutrɔ menyãnɛ o, eye akafokpewo nɔna nɛ ahe ahɔ̃liti ene.

²¹Ebua kpoviakpoe abe ahɔ̃liti ene, eye ne akplɔ le ʋɔ lũm la, eɖia kokoe nɛ.

²²Eƒe dɔmegbɔ nye sonugaglɛ ɖaɖɛwo, eye wòɖena ɖe ba me abe luƒotasiaɖam ene.

²³Enana tɔ gɔme fiẽna wlɔwlɔwlɔ abe nuɖaze me ene, eye wòblua atsiaƒu abe amiɖaze me ene.

²⁴Eyome dea mumutsi, eye tɔa dzi funa tii.

²⁵Etɔgbea ɖeke mele anyigba dzi o; nuwɔwɔ, si ŋɔ medzina o la, wònye.

²⁶Eklẽa ŋku ɖe nu gãwo katã; eya nye fia ɖe lã ɖaɖadzratvo katã dzi.