Read ewe Hiob 6 Bible Online

Hiob 6 - ewe bible

Hiob 6

¹Tete Hiob do ŋu gblɔ bena:

²Ne woaxada nye dziku, eye woatsɔ nye fukpekpe ade nudanu me kpakplii ɖe!

³Ke azɔ la ele kpekpem wu ƒutake, eyata nye nyawo le mɔ tram ɖo.

⁴Elabena ŋusẽkatãtɔ ƒe aŋutrɔ le nye lã me, eye nye gbɔgbɔ no eƒe aɖi; eye Mawu ƒe ŋɔdzidodowo kpe aʋa kplim.

⁵Ɖe gbetedzi xlɔ̃na le gbe mumu gbɔa? Alo de nyitsu ɖea gbe le eƒe nuɖuɖu gbɔa?

⁶Ɖe nu vɔvɔ nya ɖuna, ne womekpɔ dze oa? Alo ɖe vivi le azi ƒe ɣia mea?

⁷Nye luʋɔ gbe asiɖeɖe eŋu: nuɖuɖu nyɔŋu wònye nam.

⁸Oo, ɖe nye didi nava me, eye Mawu nawɔ nye mɔkpɔkpɔ dzi nam!

⁹Ɖe wòadze Mawu ŋu, be wòagbãm gudugudu, wòaɖe ka eƒe esi, eye wòasẽ nye agbeka ɖa la!

¹⁰Anye ne nye akɔ afa tso, be nyemesẽ nu le kɔkɔetɔ ƒe nyawo ŋu o, eye mati kpo le veve heliheli la me.

¹¹Nukae nye nye ŋusẽ, be maɖo dzi, eye nukae nye nye nuwuwu, be magbɔ dzi ɖi?

¹²Nye ŋusẽ la, kpe ƒe ŋusẽ wònyea? Eye nye ŋutilã la, akɔbli wònyea?

¹³Metsi ya me, eye woɖe nu ziɔɖeŋua ɖa le ŋunye.

¹⁴Ne dzi ɖe le amea ɖe ƒo la, ele be, xɔlɔ̃wo nafa tu nɛ, nenye be, edzudzɔ ŋusẽkatãtɔ la vɔvɔ hã.

¹⁵Nɔvinyewo wɔ alakpanu abe tɔsisi ene; woɖi ta, siwo gbagba go,

¹⁶siwo tsi babla na woblu, eye sno ɣla ɖe wo me.

¹⁷Ɣeyiɣi, si dzo ɖo wo me la, womiena, eye ne ŋdɔkutsu nu la, wohuna le wo teƒe.

¹⁸Asihawo dze gbe to tagba, eye wotsrɔ̃.

¹⁹Temamɔzɔhawo le afima kpɔm, eye Saha-sihawo le ŋu ɖom ɖe wo ŋu;

²⁰ke woƒe mɔkpɔkpɔ zu ŋukpe, eye esi wova afima la, woƒe mo tsi dã.

²¹Alea miawo hã miele ɖeke mee o; miekpɔ ŋɔdzi, eye vɔvɔ̃ ɖo mi.

²²Ɖe megblɔ be: Mina num, eye mitsɔ miaƒe kesinɔnuwo wɔ nunanae nam,

²³miɖem tso ketɔ la si me, eye mixɔm le ŋlɔmitɔ si me loo?

²⁴Mifia num, eye mazi kpoo; eye mlɖe nusi me metra le la, me nam!

²⁵Aleke gbegbe ŋusẽ mehele nyateƒe ƒe nyawo mee o! Ke aleke miaƒe nya heɖeameŋuawo le?

²⁶Nya tɔe miebe, yewoaɖia? Amesi ɖo ɖikeke me nyawo la, yae wonye.

²⁷Nu ko wònye miele dzidzem ɖe tsyɔ̃eviwo dzi, eye mietsɔ mia xɔlɔ̃ le dzadzram.

²⁸Azɔ, ne mielɔ̃ la, mitrɔ ɖe ŋunye, nyemaka aʋatso le mia ŋku me akpɔ o.

²⁹Mitrɔ dzro, alakpa megana me o, mitrɔ, tɔnyee nye dzɔdzɔea kokoko!

³⁰Ɖe alakpa le nye aɖe dzia? Eye ɖe nye veme madze si nu vlo oa?