Read ewe Hiob 8 Bible Online

Hiob 8 - ewe bible

Hiob 8

¹Tete Suaxtɔ Bildad xɔ edzi gblɔ bena:

²Zi nenie nanɔ nu ƒom alea, eye wò nu me nya nanye ya ʋuduʋudu?

³Ɖe Mawu atrɔ gbo nya dzɔdzɔea? Eye ɖe ŋusẽkatãtɔ atrɔ gbo dzɔdzɔenyenyea?

⁴Nenyo ɖe viwòwo wɔ nuvɔ̃ ɖe eŋu la, ekema eyata wòtsɔ wo ɖe asi na woƒe dzidada ɖo.

⁵Ke ne èdi Mawu vevie, eye nèƒo koko na ŋusẽkatãtɔ la,

⁶ne èdza, eye nèwɔ nu dzɔdzɔe la, ekema adzɔ ŋuwò, eye wòagaɖɔ wò dzɔdzɔenyenye ƒe nɔƒe la ɖo.

⁷Eye ne ele nyaŋui gbã la, ekema àdzi ɖe edzi emegbe.

⁸Elabena bia ƒome tsãtɔ se kpɔ, eye nalé ŋku ɖe nusiwo me wo fofowo dzro la ŋu!

⁹Elabena míatvo la etsɔviwo míenye, eye ame makpɔnuteƒewo míenye; elabena míaƒe ŋkekewo le ahe vɔvɔli ene le anyigba dzi.

¹⁰Woawoe afia nu wò, woagblɔe na wò, eye woahe nyawo ado goe tso woƒe dziwo me be:

¹¹Ɖe nyɔnufɛgbe miena ɖe afisi sii mele oa? Eye ɖe aƒla miena tsi makpɔmakpɔea?

¹²Egale mumu ko, eye meɖo sisi me o, ke etrea ƒuƒu na gbewo katã.

¹³Alea wonona na amesiwo kalã ŋlɔ Mawu be la, eye ame vlowo ƒe mɔkpɔkpɔ ɖoa agu.

¹⁴Eƒe dziɖoɖo ɖe nu ŋu mele naneke me o, eye eƒe mɔkpɔkpɔ le abe yiyiɖɔ ene.

¹⁵Eziɔna ɖe eƒe xɔ ŋu, ke menɔa tsitrenu o, ekuna ɖe eŋu, ke melina ɖe te o.

¹⁶Ewɔna mlɔmlɔmlɔ le ɣetotoe nu, eye wòɖea ka ɖe eƒe abɔ me.

¹⁷Edoa ke ɖe kpewo dzi, eye wòtoa kpewo me.

¹⁸Ne eɖee da le eteƒe la, ekema teƒe la sẽa nu le eŋu be: Nyemekpɔ wò kpɔ o.

¹⁹Kpɔ ɖa, ale eƒe mɔ ƒe dzidzɔ le enye si eve bubu miena tso ke me.

²⁰Kpɔ ɖa, Mawu medoa vlo mawuvɔ̃lawo o, eye meléa nu vɔ̃ɖi wɔlawo ƒe asi o.

²¹Agana nu koko nayɔ wò nume, eye aseyetsotso nano wò nuyi nu.

²²Ŋukpe ale wò ketɔwo, eye nu tovo wɔlawo ƒe agbadɔ maganɔ anyi o.