Read ewe Psalmowo 106 Bible Online

Psalmowo 106 - ewe bible

Psalmowo 106

¹Mikafu Yehowa! Miɖa akpe na Yehowa, elabena eƒe dɔme nyo, eye eƒe amenuveve li tegbee!

²Amekae ate ŋu agblɔ Yehowa ƒe nutsuwɔwɔwo ade goe, eye wòaɖe gbe ƒã eƒe ŋkɔxɔxɔwo katã?

³Woayrã amesiwo léa se la me ɖe asi, eye wowɔa nu dzɔdzɔe ɣeawo katã ɣli.

⁴Yehowa, ɖo ŋku dzinye le wò amenuveve, si nèɖe fi wò dukɔ la nu; tsa wò xɔname va kpɔm ɖa,

⁵ne makpɔ wò ame tiatiawo ƒe dzɔgbenyuie, dzi nadzɔm ɖe wò dukɔ ƒe dzidzɔ ŋu, eye maƒo adegbe akpe ɖe wò domenyinu ŋu!

⁶Míewɔ nuvɔ̃ kpe ɖe mía fofowo ŋu, míeɖa vo, eye míewɔ nu vɔ̃ɖi.

⁷Mía fofowo melé ŋku ɖe wò nukunuwo ŋule Egipte o, womeɖo ŋu wò amenuveve geɖeawo o, eye wosẽ to le ƒu la nu, le Avaƒu la nu.

⁸Ke exɔ na wo le eƒe ŋkɔ la ta, ne yeaɖe eƒe ŋusẽ afia.

⁹Eblu ɖe Avaƒu la ta wòmle, eye wòkplɔ wo to tɔ gɔme abe tagba ene.

¹⁰Exɔ na wo tso ketɔ la si me, eye wòɖe wo mo futɔ la ƒe ŋusẽ me.

¹¹Tsi nye tsyo woƒe adikãtɔwo dzi, wo dometɔ ɖeka hɔ̃ hã mekpɔtɔ o,

¹²eye woxɔ eƒe nyawo dzi se hedzi ha le eƒe kafukafu ŋu.

¹³Woŋlɔ eƒe dɔwɔwɔwo be kaba, eye womekpɔ eƒe tameɖoɖo sinu o.

¹⁴Wodzro nu le gbedzi, eye wote Mawu kpɔ le gbedadaƒo.

¹⁵Ewɔ woƒe didi dzi na wo, eye wòdɔ ƒuɖiɖi glaŋglaŋ ɖe wo ŋu.

¹⁶Eye woʋã ŋu Mose le asaɖa me kple Yehowa ƒe ame kɔkɔe Aron.

¹⁷Anyigba ke nu hemi Datan, eye wòtsyɔ Abiram ƒe amehawo dzi.

¹⁸Dzo bi woƒe amehawo, eye dzoƒaɖe fiã ame vɔ̃ɖiawo.

¹⁹Wowɔ nyivi le Xoreb gbɔ, eye wode ta agu na legba kɔkɔ la.

²⁰Eye wotsɔ woƒe ŋutikɔkɔe ɖɔ li nyitsu, si ɖua gbe, ƒe nɔnɔme.

²¹Woƒe ŋku dzo le Mawu, woƒe xɔnametɔ ta dzi, amesi wɔ nu gãwo le Egipte,

²²amesi wɔ nukunuwo le Xam-nyigba dzi kple nu dziŋɔwo le Avaƒu la nu.

²³Tete wòbe, yeatsrɔ̃ wo, ɖe menye eƒe ame tiatia Mose ye tsi tre ɖe gbagbãƒe le eŋku me, ne wòafa eƒe dziku nu, be magagblẽ nu o la!

²⁴Wodo vlo anyigba nyo la, eye womexɔ eƒe nyawo dzi se o,

²⁵woli liʋiliʋi le woƒe agbadɔwo me, eye womeɖo to Yehowa ƒe gbe o.

²⁶Tete wòkɔ eƒe asi dzi ɖe wo ŋu, be yeaxlã wo ɖe anyi le gbea dzi,

²⁷yeakaka wo viwo ɖe dukɔwo dome, eye yeahlẽ wo de anyigbawo dzi.

²⁸Woku ɖe Baal-Peor ŋu, eye woɖu eme kukuwo ƒe vɔsa,

²⁹wotsɔ woƒe nuwɔwɔwo ɖo dziku nɛ, eye fuwɔame ɖo wo dome.

³⁰Tete Pinexas tso hetso nyo la me, eye fuwɔame la nu tso.

³¹Eye wobui dzɔdzɔenyenye na eya kple eƒe dzidzimeviwo katã tegbee.

³²Wodo dziku nɛ le dzrewɔtsi la gbɔ, eye le woawo la eme menyo na Mose o ɖo.

³³Wodo dziku na eƒe gbɔgbɔ, eye nya ge le enu.

³⁴Wometsrɔ̃ dukɔwo, abe alesi Yehowa gblɔe na wo ene o,

³⁵ke boŋ wotsaka kple dukɔwo, eye wosrɔ̃ woƒe nuwɔwɔwo.

³⁶Wosubɔ woƒe legbawo, eye wotre zu mɔ na wo,

³⁷Eye wotsɔ woƒe ŋutsuviwo kple woƒe nyɔnuviwo sa vɔ na gbetsiwo.

³⁸Wokɔ nu maɖifɔ ɖi, si nye woƒe ŋutsuvi kple woƒe nyɔnuvi, siwo wotsɔ sa vɔ na Kanaan-legbawo la, ƒe ʋu, ale be wotsɔ hlɔ̃dodo gblẽ kɔ ɖo na anyigba la.

³⁹Wotsɔ woƒe dɔwɔwɔwo ƒo di wo ɖokui, eye wozu ame dzegowo to woƒe nuwɔwɔwo me.

⁴⁰Tete Yehowa ƒe dɔmedzoe bi ɖe eƒe dukɔ la ŋu, eye wònyɔ ŋu eƒe ɖomeuyinu la.

⁴¹Etsɔ wo de asi na dukɔwo, be woƒe ketɔwo naɖu fia ɖe wo dzi.

⁴²Woƒe futɔwo xaxa wo ɖo, ale be wobɔbɔ ɖe woƒe ŋusẽ te.

⁴³Exɔ na wo zi geɖe; ke woawo se to le woƒe aɖaŋudedewo nu, eye woyi to le woƒe vodadawo me.

⁴⁴Ekpɔ woƒe hiã la ɖa, eye wòse woƒe ɣli.

⁴⁵Eɖo ŋu eƒe nubabla le wo ta, eye wòvee le eƒe amenuveve geɖe la nu.

⁴⁶Eye wòna amesiwo katã ɖe aboyo wo la, kpɔ nublanui na wo.

⁴⁷Yehowa, mía Mawu, xɔ na mí, eye naƒo mía nu ƒu tso dukɔwo dome, ne míakafu wò ŋkɔ kɔkɔe la, eye míatsɔ wò kafukafu aƒo adegbee!

⁴⁸Woakafu Yehowa, Israel ƒe Mawu, fa, tso mavɔ me yi mavɔ me, eye dukɔ blibo la negblɔ be: Nenɔ alea, mikafu Yehowa!