Read ewe Psalmowo 115 Bible Online

Psalmowo 115 - ewe bible

Psalmowo 115

¹Menye míawo o, Yehowa, menye míawo ŋu nade bubui o, ke boŋ wò ŋkɔ la ŋue le wò amenuveve kple wò nyateƒe la ta!

²Nukaŋuti dukɔwo anɔ gbɔgblɔm be: Atike ga woƒe Mawu la le?

³Mía Mawu le dziƒo, nusianu, si dze eŋu la, wòwɔna.

⁴Woƒe legbawo nye klosalo kple sika, amegbetɔ ƒe asinudɔwɔwɔwo wonye.

⁵Nu li na wowomeƒoa nu o; ŋku li na wo, womekpɔa nu o;

⁶to li na wo, womesea nu o; ŋɔti li na wo, womeʋẽa nu sena o;

⁷asi li na wo, wometea nu kpɔna o; afɔ li na wo, womezɔa azɔli o, eye womeƒoa nu toa ve me o.

⁸Amesiwo wɔa wo kple amesiwo katã ɖoa dzi ɖe wo ŋu la, sɔ kpli wo.

⁹Israel ɖo dzi ɖe Yehowa ŋu; woƒe xɔname kple akpoxɔnu wònye!

¹⁰Aron ƒe aƒe, miɖo dzi ɖe Yehowa ŋu; woƒe xɔname kple akpoxɔnu wònye!

¹¹Mi amesiwo vɔ̃a Yehowa, miɖo dzi ɖe Yehowa ŋu; woƒe xɔname kple akpoxɔnu wònye!

¹²Yehowa ɖo ŋku mía dzi; ayra Israel ƒe aƒe la, ayrae; ayra Aron ƒe aƒe la;

¹³ayra amesiwo vaa Yehowa, ɖeviwo kple tsitsiawo siaa.

¹⁴Yehowa adzi mia kple mia viwo de dzi.

¹⁵Yehowa, dzikple anyigbawɔla, ƒe ame yayrawo mienye.

¹⁶Dziƒo enye dziƒo na Yehowa, ke etsɔ anyigba na amegbetɔviwo.

¹⁷Menye ame kukuwoe akafu Yehowa o, alo amesiwo katã yi aʋli me la o;

¹⁸boŋ míawoe akafu Yehowa tso fifia vaseɖe mavɔ me. Mikafu Yehowa!