Read ewe Psalmowo 116 Bible Online

Psalmowo 116 - ewe bible

Psalmowo 116

¹Melɔ̃ Yehowa, elabena eɖo to nye gbe kple nye kokoƒoƒo.

²Elabena eƒu to anyi ɖe ŋunye, eyata mayɔe le nye agbe me ŋkekewo me.

³Ku ƒe kawo ɖe to ɖem, tsiẽƒe ƒe ŋɔdzi lém, eye mekpe hiã kple nuxaxa.

⁴Tete meyɔ Yehowa ƒe ŋkɔ be: Oo Yehowa, ɖe nye luʋɔ!

⁵Amenuvela kple dzɔdzɔetɔ enye Yehowa, nublanuikpɔla enye Mawu.

⁶Yehowa kpɔa amesiwo ŋu wɔna mele o la ta; megbɔdzɔ, ke exɔ nam.

⁷Nye luʋɔ, gagbɔ ɖe me, elabena Yehowa wɔ nyui na wò!

⁸Elabena eɖe nye luʋɔ tso ku me, nye ŋku tso aɖatsi me kple nye afɔ tso anyidzedze me.

⁹Mazɔ le Yehowa ŋku me le agbagbeawo ƒe anyigba dzi.

¹⁰Mexɔna sena, eyata meƒoa nu; ke wokaa hiãm ŋutɔ.

¹¹Esime dzi ɖe le ƒonye la, megblɔ be: Amegbetɔwo katã nye alakpadalawo

¹²Aleke maɖo dɔmenyo, siwo katã Yehowa wɔ nam la, teƒe nɛ?

¹³Maka xɔname ƒe kplu la dzi ayɔ Yehowa ƒe ŋkɔ.

¹⁴Maxe nye adzɔgbeɖefe na Yehowa le eƒe dukɔ blibo la ŋku me.

¹⁵Eƒe ame kɔkɔewo ƒe ku nye nu xɔasi le Yehowa ŋku me.

¹⁶Oo Yehowa, wò dɔla menye, wò dɔla, si nye wò dɔlanyɔnu ƒe vi la, menye; wòe tu nye bablawo.

¹⁷Wòe mase ekpedavɔ na, eye mayɔ Yehowa ƒe ŋkɔ.

¹⁸Maxe nye adzɔgbeɖefe na Yehowa le eƒe dukɔ blibo la ŋku me,

¹⁹le Yehowa ƒe aƒe ƒe xɔxɔnuwo, le mewò, Yerusalem. Mikafu Yehowa!