Read ewe Psalmowo 132 Bible Online

Psalmowo 132 - ewe bible

Psalmowo 132

¹Mɔzɔha. Yehowa, ɖo ŋu Dawid ƒe dagbadagbawo katã;

²eya, amesi ka atam na Yehowa, eye wòɖe adzɔgbe na Yakob ƒe ŋusẽtɔ la be:

³„Nyemage ɖe nye aƒe ƒe agbadɔ me o, eye nyemade dɔnyeƒe ƒe abati dzi o,

⁴nyemana nye ŋkuwo nadɔ alɔ̃ o, eye nye aɖabawo nadɔ akɔlɔ̃e o,

⁵vaseɖe esime makpɔ teƒe na Yehowa kple nɔƒe na Yakob ƒe ŋusẽtɔ la.

⁶Kpɔ ɖa, míese eŋkɔ le Efrata, eye míekpɔe le Yaar-gbegbe.

⁷Mina míayi enɔƒe, eye míaɖe ta agu ɖe eƒe afɔɖodzinu ŋgɔ.

⁸Yehowa, mía kple wò ŋusẽ ƒe aɖaka la mitso yi wò gbɔɖemeƒe la!

⁹Wò nunɔlawo neta dzɔdzɔenyenye, eye wò mawumemewo netso aseye.

¹⁰Le wò dɔla Dawid ta megagbe wò amesiamina la ƒe mo o.

¹¹Yehowa ka nyateƒetam na Dawid, eye matrɔe o be: Wò alimevi matsɔ aɖo wò fiazikpui dzi.

¹²Ne viwòwo le nye nubabla kple ɖaseɖiɖi, si mefia wo la, me de esi le ekema wo viwo hã anɔ fiazikpui dzi na wò tegbee.

¹³Elabena Yehowa fia Zion, eye wòdi be, wòanye nɔƒe na ye.

¹⁴Nye gbɔɖemeƒe enye esia tegbee, afii manɔ, elabena eye medi.

¹⁵Mayra woƒe nuɖuɖu, eye matsɔ abolo aɖi ƒo na woƒe ame dahewo.

¹⁶Mata xɔname na woƒe nunɔlawo, eye woƒe mawumemewo atso aseye sesĩe.

¹⁷Gama mana dzo nato ɖo na Dawid, eye matsɔ akaɖi bibi aɖo anyi na nye amesiamina la.

¹⁸Mata ŋukpe na eƒe futɔwo, ke eƒe fiakuku aklẽ le ta nɛ.