Read ewe Psalmowo 135 Bible Online

Psalmowo 135 - ewe bible

Psalmowo 135

¹Mikafu Yehowa! Mikafu Yehowa ƒe ŋkɔ, mi Yehowa ƒe dɔlawo, mikafui;

²mi amesiwo tsia tre ɖe Yehowa ƒe me, le mía Mawu ƒe aƒe ƒe xɔxɔnuwo!

³Mikafu Yehowa, elabena Yehowa ƒe dɔme nyo; midzi kafukafuha na eƒe ŋkɔ, elabena vivi le eŋu.

⁴Elabena Yehowa tia Yakob na eɖokui, eye wòtsɔ Israel wɔ eɖokui tɔe.

⁵Elabena menyae be, Yehowa lolo, eye mía Aƒetɔ ƒo mawuwo katã ta.

⁶Nusianu, si dze Yehowa ŋu la, ewɔnɛ le dziƒo kple anyigba dzi, le atsiaƒuwo me kple gogloƒewo katã.

⁷Eya, amesi nana alilikpo hona yia dzi tso anyigba ƒe mlɔenu, ewɔa dzikedzo, ne dzi le wuwum, eye wòkplɔa ya donɛ tso eƒe nudzraɖoƒe;

⁸eya, amesi wu Egipte-ŋgɔgbeviwo tso amewo tɔ dzi vaseɖe lãwo tɔ dzi;

⁹eɖo dzesiwo kple nukunuwo de dowòme, Egipte, ɖe Farao kple eƒe dɔlawo katã ŋu;

¹⁰eya, amesi si dukɔ geɖewo, eye wowu fia sesẽwo;

¹¹Amoritɔwo ƒe fia Sixon, Basan-fia Og kple Kanaan-fiaduƒewo katã,

¹²eye wòtsɔ woƒe anyigba wɔ domenyinui, domenyinu na eƒe dukɔ Israel.

¹³Yehowa, wò ŋkɔ anɔ anyi tegbee, Yehowa, woaɖo ŋku dziwò tso dzidzime yi dzidzime.

¹⁴Elabena Yehowa atso na eƒe dukɔ, eye eƒe dɔme atrɔ ɖe eƒe dɔlawo ŋu.

¹⁵Dukɔwo ƒe legbawo nye klosalo kple sika, amegbetɔwo ƒe asinudɔwɔwɔwo wonye.

¹⁶Nu li na wo, womeƒoa nu o; ŋku li na wo, womekpɔa nu o;

¹⁷to li na wo, womesea nu o; eye gbɔgbɔa ɖeke hã mele woƒe nu me o.

¹⁸Amesiwo wɔ wo kple amesiwo katã ɖoa dzi ɖe wo ŋu la, di woamawo.

¹⁹Israel ƒe aƒe, mikafu Yehowa; Aron ƒe aƒe, mikafu Yehowa;

²⁰Lewi ƒe aƒe, mikafu Yehowa; mi amesiwo vɔ̃a Yehowa, mikafu Yehowa!

²¹Woakafu Yehowa tso Zion, eye amesi le Yerusalem! Mikafu Yehowa!