Read ewe Psalmowo 136 Bible Online

Psalmowo 136 - ewe bible

Psalmowo 136

¹Mida akpe na Yehowa, elabena eƒe dɔme nyo, eye eƒe amenuveve li tegbee.

²Mida akpe na mawuwoƒe Mawu la, elabena eƒe amenuveve li tegbee.

³Mida akpe na aƒetɔwo dzi Aƒetɔ la, elabena eƒe amenuveve li tegbee.

⁴Eya, amesi ɖeɖeko wɔa nukunuwo, elabena eƒe amenuveve li tegbee!

⁵Eya, amesi wɔ dziƒo de nunya me, elabena eƒe amenuveve li tegbee!

⁶Eya, amesi keke anyigba de tsiwo dzi, elabena eƒe amenuveve li tegbee.

⁷Eya, amesi wɔ nu keklẽ gãwo, elabena eƒe amenuveve li tegbee;

⁸ɣe naɖu ŋkeke dzi, elabena eƒe amenuveve li tegbee;

⁹ɣleti kple ɣletiviwo naɖu zã dzi, elabena eƒe amenuveve li tegbee.

¹⁰Eya, amesi wu Egiptetɔwo ƒe ŋgɔgbeviwo, elabena eƒe amenuveve li tegbee;

¹¹eye wòkplɔ Israel tso wo domee, elabena eƒe amenuveve li tegbee;

¹²kple asi sesẽ kpakple abɔ, si wodo ɖe dzi, elabena eƒe amenuveve li tegbee.

¹³Eya, amesi mã Avaƒu ɖe eve, elabena eƒe amenuveve li legbee;

¹⁴eye wòna Israel to wo domee yi, elabena eƒe amenuveve li tegbee;

¹⁵eye wòʋuʋu Farao kple eƒe aʋakɔ de Avaƒua me, elabena eƒe amenuveve li tegbee.

¹⁶Eya, amesi na eƒe dukɔ la to gbedzi, elabena eƒe amenuveve li tegbee.

¹⁷Eya, amesi si fia gãwo, elabena eƒe amenuveve li tegbee;

¹⁸eye wowu fia xɔŋkɔwo, elabena eƒe amenuveve li tegbee;

¹⁹Amoritɔwo ƒe fia Sixon, elabena eƒe amenuveve li tegbee;

²⁰Og, Basan-fia, elabena eƒe amenuveve li tegbee;

²¹eye wòtsɔ woƒe anyigba wɔ domenyinui, elabena eƒe amenuveve li tegbee;

²²domenyinu na eƒe dɔla Israel, elabena eƒe amenuveve li tegbee.

²³Eya, amesi ɖo ŋku mía dzi, esime wòbɔbɔ mí ɖe anyi, elabena eƒe amenuveve li tegbee;

²⁴eye wòɖe mí tso míaƒe ketɔwo si me, elabena eƒe amenuveve li tegbee.

²⁵Eya, amesi na nuɖuɖu ŋutilãwo katã, elabena eƒe amenuveve li tegbee.

²⁶Mida akpe na dziƒo Mawu la, elabena eƒe amenuveve li tegbee!