Read ewe Psalmowo 142 Bible Online

Psalmowo 142 - ewe bible

Psalmowo 142

¹Dawid ƒe nufiameha, esime wònɔ agado me; gbedodoɖa.

²Metsɔ nye gbe do ɣli na Yehowa, nye gbe metsɔ ƒo koko na Yehowa.

³Metrɔa nye nuxaxa kɔna ɖe eŋku me, eye meɖea nye hiãwo fiana le eŋku me.

⁴Ne nu te nye gbɔgbɔ ŋu la, ènyaa tonyeƒe. Woɖo adoboli ɖe mɔ, si dzi metona la dzi nam.

⁵Ɖe ŋku ɖe ɖusi me, eye nakpɔ nu, nye ame nyanyɛa ɖeke meli o, eye sitsoƒe bu dem; amea ɖeke meli, si biaa tanye sena o.

⁶Yehowa, wòe mele ɣli dom na le gbɔgblɔm be: Wòe nye nye sitsoƒe kple nye gome le agbagbeawo ƒe anyigba dzi.

⁷Le to ɖe nye nuxaxa ŋu, elabena nu ti kɔ nam ŋutɔ; ɖem tso yonyemetilawo si me, elabena wotri akɔ wum.

⁸Ɖe nye luʋɔ tso gaxɔ me, ne makafu wò ŋkɔ. Ame dzɔdzɔewo aƒo ƒu ɖe ŋunye, nenye be, nèwɔ nyuie nam.