Read ewe Psalmowo 144 Bible Online

Psalmowo 144 - ewe bible

Psalmowo 144

¹Dawid tɔ. Woakafu Yehowa, nye agakpe, amesi fia avuwɔwɔ nye asiwo kple aʋawɔwɔ nye asibidewo;

²nye amenuveve kple nye mɔ̃ sesẽ, nye sitsoƒe kple ɖelanye kpakple nye akpoxɔnu, si gbɔ mebe ɖo, amesi tsɔ nye dukɔ la ɖe tenye.

³Yehowa, nuka nye amegbetɔ be, nèdze sii, kple amegbetɔvi be, nèlé ŋku ɖe eŋu?

⁴Amegbetɔ le abe ƒuƒu ene, eye eƒe ŋkekewo le abe vɔvɔli, si va yina ene.

⁵Yehowa, viã wò dziƒo, eye naɖi ɖe anyi; ka asi towo ŋu, ne woatu adzudzɔ.

⁶Da wò dzikedzo, eye naka wo ahlẽ, ɖo wò aŋutrɔ ɖa, eye natɔtɔ wo.

⁷Do wò asi ɖa tso dzi, eye nahem ado goe, ɖem tso tɔ gãwo me kple amedzroviwo si me,

⁸amesiwo ƒe nu daa alakpa, eye woƒe nuɖusi nye aʋatsoka nuɖusi!

⁹Mawu, madzi ha yeye na wò, eye maƒo ha na wò le kasaŋku ka ewo tɔ dzi;

¹⁰wò, amesi na dziɖuɖu fiawo, eye nèɖe wò dɔla Dawid tso yi gblẽnu la nu.

¹¹Hem do goe, eye naɖem tso amedzroviwo si me, amesiwo ƒe nu daa alakpa, eye woƒe nuɖusi nye aʋatsoka nuɖusi;

¹²ne mía viŋutsuwo natsi le woƒe ɖevime abe numiemiewo ene, eye mía vinyɔnuwo nanɔ abe dzogbesɔti, siwo ŋu woŋlɔ le fiasãwo me ene;

¹³ne míaƒe nudzraɖoƒewo nayɔ kpaŋ ahaɖe nuwo tsyo ƒomevi anɔ nanam; míaƒe alẽwo nadzi akpe, eye woadzi ɖe dzi akpe nane le míaƒe lãnyiƒewo;

¹⁴ne míaƒe nyiwo natsɔ agba, ne gli gbagbã kple aboyoɖeɖe meganɔ anyi o, ne nuxaxa magaɖi le míaƒe ablɔwo me o.

¹⁵Woayra dukɔ, si wòanɔ na alea! Woayra dukɔ, si ƒe Mawu Yehowa nye!