Read ewe Psalmowo 34 Bible Online

Psalmowo 34 - ewe bible

Psalmowo 34

¹Dawid tɔ, esime wòdo aɖaoatɔ eɖokui le Abimelex ŋku me, eye wònyãe wòdzo.

²Makafu Yehowa ɣeawokatãɣi, eye eƒe kafukafu ano nunya me ɖaa.

³Nye luʋɔ atsɔ Yehowa aƒo aɖegbee, hiãtɔwo asee, eye woakpɔ dzidzɔ.

⁴Mido kɔkɔ Yehowa ɖem ti, eye mina miaƒo kpli ado eƒe ŋkɔ ɖe dzi!

⁵Medi Yehowa, etɔ nam, eye wòdem tso nye ŋɔdziwo katã me.

⁶Amesiwo tsɔ ŋku ɖo eŋu la, dzidzɔ ɖo mo na wo, eye woƒe mo metsi ɖã o.

⁷Esi hiãtɔ sia yɔe la, Yehowa ɖo toe, eye wòɖee tso eƒe hiãwo katã me.

⁸Yehowa ƒe ɖɔla ƒua asaɖa anyi ɖe amesiwo vɔ̃nɛ la ŋu, eye wòhea wo doa goe.

⁹Miɖɔe kpɔ, eye miakpɔ be, Yehowa ƒe dɔme nyo; woayra ŋutsu, si sii tso.

¹⁰Mivɔ̃ Yehowa, mi eƒe ame kɔkɔewo, elabena amesiwo vɔ̃nɛ la, hiã metua wo o.

¹¹Hiã tua dzataviwo, eye dɔ wua wo, ke amesiwo dia Yehowa la, kesinɔnua ɖeke mehiãa wo o.

¹²Viwo, miva, milé to ɖe ŋunye, ne mafia Yehowa-vɔvɔ̃ mi!

¹³Amekae le agbe dim, amesi lɔ̃a ŋkeke geɖe, be yeakpɔ dzɔ gbenyuie?

¹⁴Kpɔ wò aɖe dzi ɖe vɔ̃ ŋu kple wò nuyiwo dzi, ne womagagblɔ alakpanya o!

¹⁵Te ɖa le vɔ̃ ŋu, eye nawɔ nu nyui: di ŋutifafa, eye nati eyome.

¹⁶Yehowa ƒe ŋkuwo le ame dzɔdzɔewo ŋu, eye eƒe towo le woƒe ɣlidodo ŋu.

¹⁷Yehowa klẽ ŋku ɖe amesiwo le vɔ̃ wɔm la, ne yeatsrɔ̃ woƒe ŋkɔ ɖa le anyigba dzi.

¹⁸Wodo ɣli, Yehowa see, eye wòɖe wo tso woƒe xaxawo katã me.

¹⁹Yehowa tsɔ ɖe amesiwo ƒe dzi gbã gudugudu le gbɔ, eye wòxɔna na amesiwo ƒe gbɔgbɔ woƒo ƒu anyi.

²⁰Ame dzɔdzɔe ƒe fukpekpewo sɔ gbɔ, ke Yehowa ɖenɛ tsoa wo katã me.

²¹Ekpɔa eƒe ƒuwo katã ta, womaŋe wo dometɔa ɖeke o.

²²Dzɔgbevɔ̃e wua eme vɔ̃ɖi le eye amesiwo lé fu ame dzɔdzɔe la la, woakpɔ woƒe dzidada tɔ nua.

²³Yehowa neɖe eƒe dɔlawo ƒe luʋɔ, eye amesiwo katã sii tso la, womakpɔ woƒe dzidada tɔ nua o.