Read ewe Psalmowo 35 Bible Online

Psalmowo 35 - ewe bible

Psalmowo 35

¹Dawid tɔ. Yehowa, wɔ avu kple amesiwo le avu wɔm kplim, wɔ aʋa kple amesiwo le aʋa wɔm kplim!

²Tsɔ wò akpoxɔnu ɖagbitɔ kple lolotɔ, eye tso, naxɔ nam!

³Di wò akplɔ̃, naxe mɔ na yonyemetilawo; gblɔ na nye luʋɔ be: Xɔname menye na wò!

⁴Ŋukpe kple vlododo ava amesiwo le nye luʋɔ dim la dzi, eye amesiwo le nye dzɔgbevɔ̃e bum ɖe tame la, agbugbɔ ɖe megbe, eye woƒe mo atsi dã.

⁵Woana abe tsro le ya nu ene, eye Yehowa ƒe dɔla atutu wo ɖa.

⁶Woƒe mɔ dzi nedo viviti, edzi neɖiɖi, eye Yehowa ƒe dɔla neti wo yome!

⁷Elabena yakatsyɔ woɖo dɔ de ŋunye, eye yakatsyɔ woɖe ʋe na nya luʋɔ.

⁸Gbegblẽ nedo ɖe edzi kpoyi; eƒe ɖɔ, si wòɖo la, neɖe eye ŋutɔ, eye nege dze gbegblẽ la me!

⁹Ke nye luʋɔ atso aseye ɖe Yehowa ŋu, eye wòakpɔ dzidzɔ le eƒe xɔname ŋu.

¹⁰Nye ƒuwo katã agblɔ bena: Yehowa, amekae ɖe nuwò? Wò amesi ɖe hiãtɔ tso amesi tri akɔ wui la si me, kpakple hiãtɔ kple ame dahe tso amesi ɖa adzoe la si me.

¹¹Ɖasefo ŋutasẽlawo tsi tre, eye wole nusi nyemenya o la biamem.

¹²Wotsɔ vɔ̃ ɖo nyui teƒe nam, eye wodo tsyɔ̃evim.

¹³Ke ne wole dɔ lém la, nyea metaa akpanya, metsɔa nutsitsidɔ wɔa funyafunya nye luʋɔ, eye nye gbedodoɖa ɖoa ta nye akɔme,

¹⁴abe xɔ̃nye kple nɔvinyeŋutsu wonye ene; meƒo ɖi ɖo dɔgɔ̃e le yiyim, abe amesi le fu nyim na dada ene.

¹⁵Ke esi memu dze enyi la, wokpɔ dzidzɔ, eye woƒo takpli, ame ɖigbɔ, siwo nyemenya o la, kpe ta ɖe ŋunye, eye wole alɔme ɖem numaɖemee.

¹⁶Apayɔlawo le alɔme ɖem, eye wole aɖukli ɖum ɖe ŋunye.

¹⁷Aƒetɔ, ɣekaɣi nanɔ ekpɔm kple ŋku ava se ɖo? Ɖe nye luʋɔ tso woƒe gbegblẽ me, kple nye tenu la tso dzatavi si me!

¹⁸Ekema manyɔ wò ŋkɔ le ameha gãwo me, eye makafu wò le eme geɖewo dome.

¹⁹Megana nye ketɔ aʋatsotɔwo nakpɔ dzidzɔ ɖe ŋunye o, eye amesiwo lé fum yakatsyɔ la, nate ŋku ɖem o!

²⁰Elabena womegblɔa ŋutifafanya o, eye woɖo alakpadanya ɖe anyigba dzi ame fafawo ŋu.

²¹Woke woƒe nu baa ɖe ŋunye le gbɔgblɔm be: Ehɛ̃, ehɛ̃, míaƒe ŋkuwo kpɔe!

²²Yehowa, èkpɔe, megazi kpi o; Aƒetɔ, meganɔ adzɔge tso gbɔnye o!

²³Mawunye kple Aƒetɔnye, nyɔ, eye nana ŋute ɖe nye ʋɔnudɔdrɔ̃ kple nye nya ŋu!

²⁴Yehowa, nye Mawu, ɖrɔ̃ ʋɔnum ɖe wò dzɔdzɔenyenye la nu, ne womagakpɔ dzidzɔ ɖe ŋunye o!

²⁵Megana woegblɔ le woƒe dzi me be: Ehɛ̃, alea dim míele o! Megana woagblɔ be: Míemii o!

²⁶Ŋu nekpe amesiwo le dzidzɔ kpɔm le nye dzɔgbevɔ̃e ŋu la, eye woƒe mo netsi dã: vlododo kple ŋukpe nenyẽ tsyɔ amesiwo le asi ƒum akɔ ɖe ŋunye la!

²⁷Amesiwo ŋu nye dzɔdzɔenyenye dze la, atso aseye, eye woakpɔ dzidzɔ ahanɔ gbɔgblɔm ɖaa be: Yehowa, amesi ŋu eƒe dɔla ƒe ŋutifafa dze la, lolo!

²⁸Nye aɖe aƒo nu le wò dzɔdzɔenyenye ŋu, eye wòakafu wò gbesiagbe.