Read ewe Psalmowo 41 Bible Online

Psalmowo 41 - ewe bible

Psalmowo 41

¹Dawid ƒe ha na henɔ la.

²Woayra amesi léa fɔ ɖe hiãtɔ ŋu! Yehowa aɖee le dzɔgbevɔ̃eɣi.

³Yehowa akpɔ eta, eye wòaxɔe ɖe agbe, ne woanyo nɛ le anyigba dzi; matsɔe ade asi na eƒe futɔwo ƒe adãwɔwɔ o!

⁴Yehowa akpe ɖe eŋu le dɔba dzi; ne ele dɔ lém la, atrɔ eƒe aha dzi nɔnɔ bubui.

⁵Nyea mele gbɔgblɔm be: Yehowa, ve nunye, da gbe le nye luʋɔ ŋu, elabena mewɔ nuvɔ̃ ɖe ŋuwò!

⁶Nye futɔwo le nu vɔ̃ ƒom ɖe ŋunye be: Ɣekaɣi ga wòaku, eye eƒe ŋkɔ nabu?

⁷Eye ne amea ɖe va kpɔ ye ge ɖa la, edaa alakpa; eƒe dzi ƒoa nu vɔ̃ɖi nu ƒu, eye wòdona ɖagblɔnɛ.

⁸Nye futɔwo katã le nu dem tenye, eye wole nusi nye nye dzɔgbevɔ̃e la susum ɖe ŋunye be:

⁹Wolɔ gbegblẽ trɔ ɖe edzi, emlɔ anyi, eye magafɔ akpɔ o!

¹⁰Xɔ̃nye kekeake, amesi ŋu meɖoa ŋu ɖo, eye wòɖua nye abolo la, kɔ afɔkpodzi dzi ɖe ŋunye.

¹¹Ke wò Yehowa, ve nunye, eye nafɔm ɖe te, ekema maɖo eteƒe na wò!

¹²Esia me menyae le be, nye nu nyea ŋuwò, ne nye futɔ magatso aseye ɖe ŋunye o.

¹³Ke èlé nyea ɖe asi le nye fɔmaɖimaɖi ta, eye nètsɔm ɖo ŋkuwò me tegbee.

¹⁴Woakafu Yehowa, Israel ƒe Mawu la, tso mavɔ me yi mavɔ me! Nenɔ alea, ẽ, nenɔ alea!