Read ewe Psalmowo 45 Bible Online

Psalmowo 45 - ewe bible

Psalmowo 45

¹Korax-viwo ƒe nufiameha, si nye lɔlɔ̃ha na henɔ la, ne woatsɔ „Dzogbenya“ ƒe gbeɖiɖi adzii.

²Nya nyuiwo le fiefiẽm le nye dzi me wlɔwlɔwlɔ. Mebe: Nye hawo nye fia la tɔ; nye aɖe enye amesi bi ɖe nuŋɔŋlɔ me la, ƒe nuŋlɔti.

³Edze ɖeka wu amegbetɔviwo, wotrɔ amenuveve kɔ ɖe nuyi dzi na wò, eyata Mawu yra wò tegbee!

⁴Ta wò yi, wò bubu kple wò atsyɔ̃ɖoɖo ɖe ali, wò kalẽtɔ!

⁵Nɔ wò atsyɔ̃ɖoɖo me, naho, eye yi le nyateƒenya la kple nya dzɔdzɔe, si wote ɖe to la ta, eye wò nuɖusi afia nu dziŋɔwo wɔwɔ wò!

⁶Wò aŋutrɔ ɖaɖɛwo ƒo ɖe fia ƒe futɔwo ƒe dzi me, dukɔwo dze anyi ɖe tewò.

⁷Mawu, wò fiazikpui li ɖaa tegbee; wò fiaɖuƒe ƒe fiatikplɔ enye fiatikplɔ dzɔdzɔe.

⁸Elɔ̃a dzɔdzɔenyenye, eye nèléa fu nu vɔ̃ɖi, eyata Mawu, wò Mawu le si dzidzɔmi na wò ƒo hawòviwo ta.

⁹Wò avɔwo katã nye lifi, sikɔni kple kotoklobo; saŋkuƒoƒo le dzidzɔ dom na wò le nyiɖufiasã me.

¹⁰Fianyɔnuwo le wò ame veviwo dome; fiasrɔ̃ le Ofir-sikanuwo me tsi tre ɖe wò nuɖusi me.

¹¹Nyɔnuvi, see, kpɔ nu, eye naƒu to anyi, wò ŋku nedzo le wò dukɔ kple fofowò ƒe aƒe dzi,

¹²eye na fia la nadi wò tugbedzedze yome, elabena wò aƒetɔ wònye, eye nade ta agu nɛ!

¹³Tiro-vinyɔnu atsɔ nunana vɛ, eye dukɔwo ƒe kesinɔtɔwo aɖo mo ŋanɛ na wò.

¹⁴Fiavinyɔnu, si le eme la, enye atsyɔ̃ɖoɖo ɖeɖe sɔŋ; sika wotsɔ lɔ̃ eƒe avɔe.

¹⁵Ele avɔ ŋɔŋɔe me wokplɔ yi na fia la, detugbi, siwo nye exɔlɔ̃wo le eyome, wokplɔ vɛ na wò.

¹⁶Wotsɔ dzidzɔ kple aseyetsotso kplɔ wo yii, eye woge ɖe fia ƒe aƒe la me.

¹⁷Viwòŋutsuwo anɔ fofowòwo teƒe, eye atsɔ wo aɖo amegãwoe ɖe anyigba blibo la dzi.

¹⁸Mana woaɖo ŋku wò ŋkɔ dzi le dzidzimewo katã me; eyata dukɔwo akafu wò ɖaa tegbee.