Read ewe Psalmowo 56 Bible Online

Psalmowo 56 - ewe bible

Psalmowo 56

¹Dawid ƒe ha ɖe futamee na henɔ la, ne woadzi ɖe „Ahɔ̃ne tsi nu maƒo le didiƒe“ ƒe gbe nu, nu le esime Filistitɔwo lée le Gat.

²Mawu, ve nunye, elabena amegbetɔwo lɔ gbɔgbɔtsixe ɖe ƒo ɖe ŋunye, eye woxaxam ɖo le aʋa wɔm kplim ɣeawokatãɣi!

³Nye ketɔwo lɔ gbɔgbɔtsixe ɖe ƒo ɖaa; eye amesiwo tsɔ dada le aʋa wóm kplim la, sɔ gbɔ ŋutɔ.

⁴Ne vɔvɔ̃ ɖom la, meɖoa ŋu ɖe ŋuwò.

⁵Mawu ana be, makafu yeƒe nyia la; Mawu ŋu maɖo ŋu ɖo, nyemavɔ̃ o, nuka ŋutilã awɔm ma?

⁶Wole nya trɔm nam gbesiagbe; eye woƒe susuwo katã nye be, woawo vɔ̃ ɖe ŋunye.

⁷Wokpe ta, wode xa, eye wole ŋku ɖem ɖe nye afɔkpodzi, abe alesi wole nye luʋɔ yome dimee ene.

⁸Ɖe woasi le woƒe nu vɔ̃ɖi wɔwɔ la ta? Mawu, xlã dukɔwo ɖe anyi le dɔmedzoe me!

⁹Wòe xlẽ nye sisiƒewo, eɖe nye aɖatsiwo wò goe me! Ɖe mèŋlɔ wo ɖe wò agbalẽ me oa?

¹⁰Ekema nye futɔwo agbugbɔ ɖe megbe le gbesigbe mayɔ wo. Menya esia be, Mawu le dzinye.

¹¹Mawu ana be, makafu nya la, Yehowa ana be, makafu nya la.

¹²Mawu ŋu mele ŋu ɖom ɖo, nyemavɔ̃ o; nuka amegbetɔ awɔm ma?

¹³Mawu, menyi adzɔgbeɖefe le asiwo, matsɔ akpeɖavɔsa axee na wò.

¹⁴Elabena èɖe nye luʋɔ tso ku me, eye nèxɔ na nye afɔwo tso nukikli me, ne mazɔ le Mawu ŋku me le agbagbeawo ƒe kekeli me.