Read ewe Psalmowo 57 Bible Online

Psalmowo 57 - ewe bible

Psalmowo 57

¹Megagblẽ nu o! Dawid ƒe ha ɖe futamee na henɔ la, le esime wòsi le Saul nu yi agado la me.

²Ve nunye, Mawu, ve nunye; elabena gbɔwò meɣla ɖo, eye wò aʋala ƒe vɔvɔli te mehe ɖo, vaseɖe esime gbegblẽ la nu nayi!

³Mele Mawu dziƒoʋitɔ la yɔm, Mawu, amesi awɔe ade goe nom.

⁴Adɔ ɖa tso dziƒo, ne wòaxɔ nam; ne amesi lɔ gbɔgbɔtsixe ɖe ƒo ɖe ŋunye la, le vlo ɖom hã, Sela; Mawu aɖo eƒe amenuveve kple nyateƒe ɖa.

⁵Nye luʋɔ le dzatawo dome, memlɔ amegbetɔvi, siwo nye adzowɔlawo la dome, amesiwo ƒe aɖuwo nye akplɔ kple aŋutrɔ, eye woƒe aɖe nye yi ɖaɖɛ.

⁶Oo, Mawu, kɔ ɖokuiwò ɖe dzi gbɔ dziƒo ŋu, eye wò ŋutikɔkɔe nagbɔ anyigba blibo la ta!

⁷Woɖo ɖɔ ɖi na nye afɔwo, eye wote nye luʋɔ ɖe anyi; woɖe ʋe ɖe ŋkunye me; woawo ŋutɔ kee adze eme. Sela.

⁸Nye dzi dze eme, Mawu, nye dzi dze eme; madzi ha, eye maƒo saŋku.

⁹Fɔ, nye kafukafu; saŋku kple gakasaŋku, mifɔ! Manyɔ agudzedze!

¹⁰Aƒetɔ, makafu wò le dukɔwo dome, madzi ha na wò, eye maƒo saŋku na wò le anyigbadzitɔwo dome.

¹¹Elabena wò amenuveve kɔ ɖatɔ dziƒo, eye wò nyateƒe de alilikpowo gbɔ.

¹²Oo, Mawu, kɔ ɖokuiwò ɖe dzi gbɔ dziƒo ŋu, eye wò ŋutikɔkɔe nagbɔ anyigba blibo la ta!