Read ewe Psalmowo 64 Bible Online

Psalmowo 64 - ewe bible

Psalmowo 64

¹Dawid ƒe ha na henɔ la.

²Mawu, se nye gbe le nye konyifafa me, eye nakpɔ nye agbe ta tso futɔ la ƒe ŋɔdzidodo me!

³Ɣlam tso eme vɔ̃ɖiwo ƒe takpekpe kple ame vlowo ƒe howɔwɔ me!

⁴Amesiwo nyre woƒe aɖe abe yi ene, eye wovu woƒe aŋutrɔ, si nye woƒe nya veve heliheli la me,

⁵ne woaɖa ame maɖitɔ la le vivi me; zi ɖeka kasia wodae, eye dzika metso wo ƒo o.

⁶Woɖe dzi ƒo na wo ɖokui ɖe nu vɔ̃ɖi wɔwɔ ŋu, eye woɖo be, yewoatre mɔ̃ ɖe vivime hele gbɔgblɔm be: Amekae le ekpɔ ge?

⁷Woɖo nu vɔ̃ɖi ɖe ta me gblɔ be: Míewu tame nyui ɖoɖo ia nu vɔ! Ŋutsu ƒe dɔme kple eƒe dzime goglo.

⁸Tete Mawu te wo kple da, eye woxɔ abi enumake.

⁹Woawo ŋutɔ ƒe aɖe atsɔ wa aƒu anyi, eye amesiwo katã kpɔ wo la, woaʋuʋu ta.

¹⁰Tete vɔvɔ̃ aɖo amewo katã, woaɖe gbe ƒã Mɔwu ƒe nuwɔwɔ, eye woadze si eƒe nuwɔwɔ.

¹¹Ame dzɔdzɔe ekpɔ dzidzɔ ɖe Mawu Yehowa ŋu, eye woasii atso; emesiwo katã ƒe dzi to mɔ ɖeka la, woaƒo adegbe.