Read ewe Psalmowo 7 Bible Online

Psalmowo 7 - ewe bible

Psalmowo 7

¹Dawid ƒe konyifaha, si wodzi na Yehowa, le Benyamintɔ Kus ƒe nyawo ta.

²Yehowa, nye Mawu, mesi wò tso, xam tso yonyemetilawo katã si me, eye naɖem,

³ne womagalem avuvu abe dzata ene, eye xɔnametɔa ɖeke manɔ anyi o!

⁴Yehowa, nye Mawu, ne mewɔ nusia, nu tovo le ɖe asi ŋu nam,

⁵eye mewɔ vɔ̃ ɖe xɔ̃nye ŋu la, — eva wonye meɖe amesi lé fum yakatsyɔ la hafi —

⁶ekema futɔ neti yonyeme, eye wòatum, nefanyam ɖe anyigba, eye wòate nye bubu ɖe ke me! Sela.

⁷Tsi tre, Yehowa, le wò dɔmedzoe me; tso ɖe nye ketɔwoƒe agbodzedze ŋu, eye nadzɔ ŋunye, wò amesi ɖo ʋɔnudɔdrɔ anyi la!

⁸Dukɔwo ƒe amehawo ɖe to ɖe wò, to wo dzi nagbugbɔ ayi dziƒo!

⁹Yehowa enye dukɔwo ƒe ʋɔnudrɔ̃lã. Drɔ̃ ʋɔnum, Yehowa, de nye dzɔdzɔenyenye kple fɔmaɖimaɖi, si le ŋunye la nu!

¹⁰Na ame vɔ̃ɖiwo ƒe nu vɔ̃ɖi wɔwɔ nu natso, eye nali ke ame dzɔdzɔe la; elabena wò, Mawu dzɔdzɔe la, édzroa dziwo kple ayikuwo me kpɔna.

¹¹Nye akpoxɔnu le Mawu si, eya xɔna na amesiwo ƒe dzi toa mɔ ɖeka la.

¹²Mawu enye ʋɔnudrɔ̃la dzɔdzɔe kple Mawu, si dzi kuna daa.

¹³Ne amea de metrɔ tame o ta, enyrea eƒe yi, evua eƒe da me ɖi, eye wònɔa adeklo dzi.

¹⁴Edzidzenɛ kple lãnuwo, eye wòdraa dzo eƒe aŋutrɔwo.

¹⁵Kpɔ ɖa, nu vɔ̃ɖi wɔwɔ ƒe fu le eɖum; efɔ dzɔgbevɔ̃e ƒe fu, eye wòava dzi alakpa.

¹⁶Eɖe ʋe, eye wòwlu eme, ke ege dze do, si wòɖe la me.

¹⁷Eƒe dzɔgbevɔ̃e trɔ va eƒe ta dzi, eye eƒe ŋutasesẽ gbugbɔ va dze eƒe dzodome.

¹⁸Makafu Yehowa le eƒe dzɔdzɔenyenye ŋuti, eye menyɔ Yehowa, dziƒoʋitɔ la, ƒe ŋkɔ.