Read ewe Psalmowo 75 Bible Online

Psalmowo 75 - ewe bible

Psalmowo 75

¹Megagblẽ nu o! Hadzidzi, Asaf ƒe ha na henɔ la.

²Míeda akpe na wò, Mawu, míeda akpe na wò, wò ŋkɔ mo kpuiƒe, eye wole wò nukunuwo xlẽm fia.

³Elabena ne ɣeyiɣi, si meɖo, de la, madrɔ̃ nɔnu ɖe eteƒe.

⁴Ne anyigba kple edzi nɔlawo katã lolo hã, nyee li ke eƒe sɔtiwo. Sela.

⁵Megblɔ na adegbeƒolawo be: Miganɔ adegbe ƒom o! eye na ame vɔ̃ɖiwo be: Migakɔ miaƒe dzo dzi o!

⁶Migaka míaƒe dzo ɖe dzi o, eye migalia kɔ anɔ nya baɖa gblɔm o!

⁷Elabena menye ɣedzeƒe alo ɣetoɖoƒe alo gbedzie dodoɖedzi tsona o,

⁸ke boŋ Mawue nye ʋɔnudrɔ̃la; eyae bɔbɔa amesi ɖe anyi, eye wòdoa ame keme ɖe dzi.

⁹Elabena kplu le Yehowa si, wein le fu tem le eme, eye aha tɔtɔ yɔe banaa; eku aha tso me, anyigba dzi ame vɔ̃ɖiwo akplɔ keke ahaƒã ke hã, eye woanoe ƒiaƒiaƒia.

¹⁰Ke nye la matsɔe aɖe gbe ƒãe tegbee, eye madzi kafukafuha na Yakob ƒe Mawu la.

¹¹Malã ame vɔ̃ɖiwo ƒe dzowo katã; eme dzɔdzɔewo ƒe dzowo ade dzi.