Read ewe Psalmowo 77 Bible Online

Psalmowo 77 - ewe bible

Psalmowo 77

¹Asaf ƒe ha na henɔ Yedutun.

²Mekɔ gbe dzi na Mawu, eye mele ɣli dom; Mawue mekɔ gbe dzi na, ɖo tom!

³Medi Aƒetɔ la le nye xaxaɣiwo me; meke nye abɔwo me le zã, eye womedo agblɔ o; akɔfafa la, toxa ko nye luʋɔ le esem ɖo.

⁴Mele ŋu ɖom Mawu hele hũ ɖem; mele ŋugble dem, eye nu ti kɔ na nye gbɔgbɔ. Sela.

⁵Eke nye ŋkuyiwo ɖe te, metsi dzodzodzoe, eye gbɔgblɔ bu ɖem.

⁶Mele blema ŋkekewo kple gbaɖegbe ƒewo ŋu bum.

⁷Le zã me le mele tame bum le nye kasaŋkuƒoƒo ŋu, nye dzi le ŋugble dem, eye nye gbɔgbɔ le nu me dzrom.

⁸Ɖe Aƒetɔ la agbe ame tegbee, eye magave ame nu oa?

⁹Ɖe eƒe amenuveve nu yi ɖikaa, eye ɖe eƒe ŋugbedodo nu tsi na dzidzimewo katã?

¹⁰Ɖe Mawu ƒe ŋku dzo le edzi be, wòave ame nua? eye ɖe wòdo ʋɔ ɖe eƒe nublanuikpɔkpɔ nu le dziku mea? Sela.

¹¹Mebe: Nye kokoƒoƒo enye be, dziƒoʋitɔ la ƒe nuɖusi netrɔ!

¹²Yehowa ƒe nuwɔwɔwo anɔ ŋku dzi nam, ẽ, maɖo ŋkuwò blemanukunuwo dzi.

¹³Mabu tame le wò nuwɔwɔwo katã ŋu, eye made ŋugble le wò dɔwɔwɔwo ŋu.

¹⁴Mawu, wò mɔ le kɔkɔe, Mawu kae lolo abe wò Mawu ene?

¹⁵Wòe nye Mawu, amesi wɔ nukunuwo, èɖe wò ŋusẽ fia le dukɔwo dome.

¹⁶Etsɔ abɔ sesẽ ɖe wò dukɔ la, Yakob-viwo kple Yosef-viwo. Sela.

¹⁷Mawu, tsiwo kpɔ wò; esi tsiawo kpɔ wò la, ŋɔdzi lé wo, eye tɔwo gɔme dzo kpekpekpe.

¹⁸Alilikpo ɖuɖu tsi, dziŋgɔ ɖe gbe, eye wò aŋutrɔwo va yi.

¹⁹Wò gbeɖeɖe ɖi le yali me, dzikedzo ke dzo ɖe xexeame; anyigba ʋuʋu, eye wòdzo nyanyanya.

²⁰Wò mɔ le atsiaƒuwo me, wò toƒe le tɔ geɖewo me eye womedze si wò afɔʋeewo o.

²¹Mose kple Aron dzi neto kplɔ wò dukɔ abe lãha ene.