Read ewe Psalmowo 79 Bible Online

Psalmowo 79 - ewe bible

Psalmowo 79

¹Asaƒ ƒe ha. Mawu, dukɔwo nye zi de wò domenyinu dzi, wogblẽ kɔ ɖo na wò gbedoxɔ kɔkɔe la, eye wotsɔ Yerusalem wɔ anyiglãgoe.

²Wotsɔ wò dɔlawo ƒe kukuawo na dziƒoxewo, ne woaɖu, kple wò ame kɔkɔewo ƒe lã na gbemelãwo.

³Wokɔ woƒe nu ɖe Yerusalem ŋu goɖoo abe tsi ene, eye amea ɖeke meli aɖi wo o.

⁴Míezu ŋukpe na míaƒe aƒelikawo kple alɔmeɖenu kpakple vlododo na amesiwo ƒo xlã mi?

⁵Yehowa, ɣekaɣi nado dziku ɖaa ase ɖo, eye wò ŋuʋaʋã nabi abe dzo ene?

⁶Trɔ wò dziku heliheli la kɔ ɖe dukɔ, siwo menya wò o, kpakple fiaɖuƒe, siwo meyɔ wò ŋkɔ o la dzi!

⁷Elabena womi Yakob, eye wodo aƒedo enɔƒewo.

⁸Megaɖi tsãtɔwo ƒe vodadawo na mí o! Netsɔ, nakpɔ nublanui na mí, elabena míegbɔdzɔ ŋutɔ!

⁹Mía xɔname ƒe Mawu, xɔ na mi le wò ŋkɔ ƒe bubu la ta; ɖe mí, eye natsɔ mía nuvɔ̃wo ke mí le wò ŋkɔ la ta!

¹⁰Nukaŋuti dukɔwo anɔ gbɔgblɔm be: Afika woƒe Mawu la le? Wò dɔlawo ƒe ʋu, si wokɔ ɖe anyi, ƒe hlɔ̃biabia nedze le mía ŋku me ɖe dukɔwo ŋu!

¹¹Gatɔwo ƒe ŋeŋe nede gbɔwò! Le wò alɔ ƒe sesẽ la nu na kuviwo nakpɔtɔ ɖi!

¹²Oo, Aƒetɔ, ɖo míaƒe aƒelikawo ƒe vlo, si wodo wò la, teƒe ɖe akɔnu na wo zi adre!

¹³Ke mí, wò dukɔ kple wò lãnyiƒe ƒe alẽwo, míada akpe na wò tegbee, eye míaxlẽ wò ŋkɔxɔxɔ afia le dzidzimewo katã me.