Read ewe Psalmowo 80 Bible Online

Psalmowo 80 - ewe bible

Psalmowo 80

¹Asaf ƒe ha na henɔ la, ne woadzi ɖe „dzogbenya ƒe ɖasediɖi“ ƒe gbe nu.

²Wò, Israel kplɔla, see! Wò, amesi kpɔ Yosef dzi abe alẽ ene, eye nèbɔbɔ nɔ kerubiwo dzi gli la, do!

³Na wò ŋusẽ nana azɔli dzi le Efrayim, Benyamin kple Manase ŋgɔ, eye ya xɔ na mí!

⁴Mawu, gaɖo mí te, na wò ŋku me naklẽ, ne míakpɔ xɔname!

⁵Yehowa, Mawu Zebaot, ɣeka ɣi nado dziku ɖe wò dukɔ ƒe gbedodoɖa ŋu ase ɖo?

⁶Ena aɖatsibolo wo woɖu, eye nèna aɖatsi wo taŋtaŋ wono.

⁷Etsɔ mí ɖo dzrenui na míaƒe aƒelikawo, eye míaƒe futɔwo le alɔme ɖem.

⁸Mawu Zebaot, gaɖo mí te, na wò ŋku me naklẽ, ne míakpɔ xɔname!

⁹Eho weinka tso Egipte, eye nènyã dukɔwo ɖa hetsɔe do.

¹⁰Edzra eŋu ɖo, eye wòɖe ke hexɔ anyigba.

¹¹Eƒe vɔvɔli do ɖe towo dzi, eye wòɖe alɔ ɖe Mawu ƒe sedertiwo ŋu.

¹²Eɖe alɔ do keke atsiaƒu nu ke, eye eƒe ɖɔ de tɔsisi la nu.

¹³Nukaŋuti nèvuvu kpɔ le eŋu, be amesiwo katã to mɔ dzi yina la, nanɔ ekem?

¹⁴Gbeha vuvui, eye gbemelãwo ɖui.

¹⁵Mawu Zebaot, trɔ dzro, do kɔ ɖa tso dziƒo, kpɔ nu, eye galé ŋku ɖe weinka sia,

¹⁶kple alɔ, si wò nuɖusi tsɔ ɖo, kpakple dzedze, si dzi nèkpɔ wòtsi la ŋu!

¹⁷Dzo fiã wo, wolã wo, eye wò ŋku me ŋɔdzidodo na wotsrɔ̃.

¹⁸Wò asi nenɔ wò nuɖusi ƒe ame kple amegbetɔvi, si dzi nèkpɔ wòtsi la ŋu,

¹⁹ekema míate ɖa le ŋuwò o! Gbɔ agbe mí, eye míayɔ wò ŋkɔ!

²⁰Yehowa, Mawu Zebaot, gaɖo mí te, na wò ŋku me naklẽ, ne míakpɔ xɔname!