Read ewe Psalmowo 86 Bible Online

Psalmowo 86 - ewe bible

Psalmowo 86

¹Dawid ƒe gbedodoɖa. Yehowa, ƒu to anyi, eye naɖo tom, elabena hiã tum, eye mede ahe.

²Kpɔ nye luʋɔ ta, elabena ame kɔkɔe menye; nye Mawu, xɔ na wò dɔla, si ɖoa dzi ɖe ŋuwò la!

³Aƒetɔ, ve nunye, elabena wò yɔm mele gbawotsyogbe.

⁴Do dzidzɔ na wò dɔla ƒe luʋɔ, elabena Aƒeto, wòe mekɔ nye luʋɔ dzi na!

⁵Elabena Aƒetɔ, wò dɔme nyo, eye nèlɔ̃a tsɔtsɔke; amenuveve bɔ ɖe asiwò na amesiwo katã yɔa wò la.

⁶Yehowa, se nye gbedodoɖa, eye nalé to ɖe nye kokoƒogbe ŋu!

⁷Mayɔ wò le nye xaxagbe, elabena àɖo tom.

⁸Amea ɖeke mede nuwo le mawuwo dome o, eye naneke mede wò dɔwɔwɔwo nu o.

⁹Aƒetɔ, dukɔ, siwo katã nèwɔ la, ava de ta agu na wò, eye woade bubu wò ŋkɔ ŋu.

¹⁰Elabena èlolo, eye nèwɔa nukunuwo; wò ɖeɖe koe nye Mawu.

¹¹Yehowa, fia wò mɔm, ne mazɔ le wò nyateƒe la me; tsa nye dzi ɖo nu ɖeka kolia ŋu, ne mava wò ŋkɔ!

¹²Makafu wò Aƒetɔ Mawu tso dzi blibo me, eye made bubu wò ŋkɔ ŋu ɖaa.

¹³Elabena wò amenuveve sɔ gbɔ ɖe dzinye, eye nèɖe nye luʋɔ tso keke tsiẽƒe ʋi ke.

¹⁴Mawu, dadalawo tso de ŋunye, eye ŋutasẽlawo ƒe ha le nye agbe yome tim, eye womele buwòm ɖa o.

¹⁵Ke wò, Aƒetɔ la, Mawu nublanuikpɔla kple amenuvela nènye, ègbɔa dzi blewu, eye amenuveve kple nyateƒe bɔ ɖe asiwò.

¹⁶Trɔ ɖe ŋunye, eye nave nunye, na wò ŋusẽ wò dɔla, eye naxɔ na wò dɔlanyɔnu vi!

¹⁷Wɔ dzesi le ŋunye hena nyui, ne nye ketɔwo nakpɔe, ŋu nakpe wo, elabena wò Yehowae kpe ɖe ŋunye, eye nèfa akɔ nam.