Read ewe Psalmowo 89 Bible Online

Psalmowo 89 - ewe bible

Psalmowo 89

¹Ezrax-vi Etan ƒe nufiameha.

²Madzi ha le Mawu ƒe amenuveve ŋu ɖaa, matsɔ nye nu eɖe gbe ƒã eƒe nuteƒewɔwɔ le dzidzimewo kalã me.

³Elabena megblɔ be: Woatu amenuveve la ɖe dziƒo tegbee, eye àli ke wò nuteƒewɔwɔ ɖe afima.

⁴„Mebia nu kple nye ame tiatia, eye meke atam na nye dɔla Dawid be:

⁵Mali ke wò ƒome tegbee, eye maɖo wò fiazikpui anyi na dzidzimewo katã!“ Sela.

⁶Yehowa, dziƒowo le wò nukunuwo kple wò nuteƒewɔwɔ kafum le ame kɔkɔewo ƒe takpekpe me.

⁷Elabena ameka le dziŋgɔli me de Yehowa nu, eye ameka sɔ kple Yehowa le mawuwo ƒe viwo dome?

⁸Ŋɔdzi le Mawu ŋu ŋufɔ le ame kɔkɔewo ƒe adaŋu me, eye vɔvɔ̃ le eŋu na amesiwo katã ƒo xlãe la.

⁹Yehowa. Mawu Zebaot, ameka sesẽ abe wò, Yehowa, ene? Eye wò nuteƒewɔwɔ ɖe to ɖe wò.

¹⁰Wòe ɖu fia ɖe atsiaƒu ƒe agbodzedze dzi; ne eƒe tsotsoewo le mimlim la, wòe tsia wo nu.

¹¹Egbã Raxab gudugudu, abe amesi woda nui ene, eye nèka wò futɔwo hlẽ.

¹²Tɔwòe nye dziƒo, tɔwòe nye anyigba hã, xexeame kple eme nuwo, wòe ɖo wo gɔme anyi.

¹³Wòe wɔ anyiehe kple dziehe; Tabor kple Xermon le aseye tsom de wò ŋkɔ ŋu.

¹⁴Tɔwòe nye ãlɔ sesẽ, ŋusẽ le wò esi ŋu, eye wò nuɖusi ɖe dzi.

¹⁵Dzɔdzɔenyenye kple ʋɔnudɔdrɔ̃ nye wò fiazikpui ƒe anyinɔ; amenuveve kple nyateƒe le tsitre ɖe wò mo.

¹⁶Woayra dukɔ, si nya aseyetsotso! Yehowa, woazɔ le wò ŋku me kekeli me.

¹⁷Woatso aseye le wò ŋkɔ me gbawotsyogbe, eve woado wò ɖe dzi le wò dzɔdzɔenyenye me.

¹⁸Elabena weƒe ŋusẽ ƒe atsyɔ̃ nènye, eye míaƒe dzo kɔ de dzi to wò amenuveve me.

¹⁹Elabena Yehowa tɔe nye míaƒe akpoxɔnu, eye míaƒe fia enye Israel ƒe kɔkɔetɔ la tɔ.

²⁰Ɣemaɣi nèƒo nu to ŋutega me na wò ame kɔkɔewo gblɔ bena: „Mekpe de kalẽtɔa de ŋu, eye medo ɖekakpuia ɖe ɖe dzi le dukɔ la dome.“

²¹Mekpɔ nye dɔla Dawid, eye mesi nye ami kɔkɔe nɛ.

²²Nye asi anɔ eŋu sesie, eye nye alɔ ado ŋusẽe.

²³Futɔ maxaxae ɖo o, eye eme vlo matee ɖe anyi o.

²⁴Magbã eƒe adikãtɔwo le eŋgɔ nyanyanya, eye maxlã nu ɖe eƒe ketɔwo.

²⁵Nye nuteƒewɔwɔ kple amenuveve anɔ anyi kplii, eye eƒe dzo akɔ ɖe dzi to nye ŋkɔ ene.

²⁶Matsɔ eƒe alɔ aɖo atsiaƒu dzi, eye eƒe nuɖusi aɖo tɔsisiwo dzi.

²⁷Ayɔm be: Fofonye nènye, nye Mawu kple nye xɔname ƒe aga.

²⁸Matsɔe aɖo ŋgɔgbevi kple tatɔe ɖe anyigba dzi fiawo nu.

²⁹Madzra nye amenuveve do nɛ tegbee, eye nye nubabla ali di nɛ.

³⁰Mana eƒe ƒome nana anyi tegbetegbe kple eƒe fiazikpui abe dziƒo ƒe ŋkekewo ene.

³¹Ne viawo gblẽ nye nufiame ɖi, eye womezɔ de nye kɔnuwo nu o,

³²ne wogblẽ kɔ do na nye ɖoɖowo, eye womewɔ nye sewo dzi o la,

³³ekema matsɔ ameƒoti ava kpɔ woƒe dzidada ɖae, kple fuɖename ava kpɔ woƒe vodada ɖae.

³⁴Ke nyemana nye amenuveve nadzo le egbɔ o, eye nyemada alakpa le nye nuteƒewɔwɔ me o.

³⁵Nyemagblẽ kɔ do na nye nubabla o, eye nyematrɔ nusi do tso nye nuyiwo me la o.

³⁶Meta nye kɔkɔenyenye zi ɖeka, nyemada alakpe na Dawid o;

³⁷Eƒe ƒome anɔ anyi tegbee kple eƒe fiazikpui abe ɣe ene le ŋkunyie me.

³⁸Ali ke abe ɣleti ene tegbee. Ɖasefo, si le dziŋgɔli me la, enye nyateƒetɔ. Sela.

³⁹Ke ègbe ame, eye nèdo vlo ame; edo dziku ɖe wò amesiamina ŋu.

⁴⁰Eɖi gbɔ wò dɔla ƒe nubabla, ègblẽ kɔ ɖo na eƒe fiakuku hetsɔe ƒu gbe ɖe anyigba.

⁴¹Egbã eƒe gliwo katã, eye nèmu ele mɔ̃ sesẽwo ƒu anyi.

⁴²Amesiwo katã to mɔ dzi yina la, wohae, eye wòzu alɔmeɖenu na eƒe aƒelikawo.

⁴³Ena eƒe adikãtɔwo ƒe nuɖusi ɖe dzi, eye nèdo dzidzɔ na eƒe futɔwo katã.

⁴⁴Ena eƒe yi nu ƒo asa, eye mèna wònɔ te le ana me o.

⁴⁵Etsi eƒe dzadzɛnyenye nu, eye nètsɔ eƒe fiazikpui xlã ɖe anyigba.

⁴⁶Eto eƒe ɖekakpui me ŋkekewo ɖe eme eye nètsɔ ŋukpe tsyɔe. Sela.

⁴⁷Yehowa, ɣekaɣi naɣla ɖokuiwò ɖikaa ase ɖo, eye wò dɔmedzoe heliheli nano bibim abe dzo ene?

⁴⁸Aƒetɔ, ɖo ŋu, alesi nye agbe le kpuie kple alesi nèwɔ amegbetɔviwo katã dzodzroe!

⁴⁹Ŋutsu kae le agbe, mekuna o, eye wòɖe eƒe luʋɔ tso tsiẽƒe si me? Sela.

⁵⁰Aƒetɔ, afika wò amenu veve tsãtɔ, siwo dzi nèta wò nuteƒewɔwɔ ɖo na Dawid la le?

⁵¹Aƒetɔ, ɖo ŋu wò dɔla ƒe vlodoame, siwo katã metsɔ ɖe akɔnu tso dukɔ geɖewo gbɔ,

⁵²siwo wò futɔwo tso le alɔme ɖemi, Yehowa, wotsɔ le alɔme ɖemi le wò amesiamina la ƒe afɔtoƒewo ŋui!

⁵³Woakafu Yehowa tegbee! Nenɔ alea, ẽ, nenɔ alea!