Read ewe Lododowo 13 Bible Online

Lododowo 13 - ewe bible

Lododowo 13

¹Yi nyanu sea fofoa ƒe amehehe; ke mokaname metsɔa fu ɖe fewuɖula ŋu o.

²Ame ƒe nu ƒe kutsetse wotsɔna ɖua nu nyui; ke ame mawɔnuteƒewo ƒe dzodzro enye ŋutasesẽ.

³Amesi kpɔa eƒe nu dzi la, dzraa eƒe luʋɔ ɖo; ke amesi ke eƒe nuyiwo la, gbegblẽ aɖi kpee.

⁴Nu le kuviatɔ dzrom, gake dzodzroe; ke veviedola aɖi ƒo.

⁵Ame dzɔdzɔe la léa fu alakpanya; ke ame vɔ̃ɖe la dea dzu kple ŋukpe eɖokui ŋu.

⁶Dzɔdzɔenyenye kpɔa amesiwo fɔɖiɖi mele woƒe zɔzɔme ŋu o la ta; ke nu tovo wɔwɔ ƒua nu vɔ̃ɖi wɔlawo anyi.

⁷Amea ɖewo ɖoa kesinɔtɔ wo ɖokui, ke agaga hã mele wo si o; amea ɖewo ɖoa ame dahe wo ɖokui, ke nu hɔ ɖe wo si.

⁸Kesinɔnu ame tsɔna ɖea eƒe agbee; ke ame dahe mesea ŋɔdzidonyaa ɖeke o.

⁹Ame dzɔdzɔewo ƒe kekeli klẽna nyuie; ke eme vɔ̃ɖiwo ƒe akaɖi tsina.

¹⁰Dadala dzre sɔŋ ko wòhena vɛ; ke nunya le emesiwo nana woɖoa aɖaŋu na wo la dome.

¹¹Kesinɔnu, si wotso hosuhosudodo kpɔe le azu ʋee, ke nusi woƒo ƒu ʋeʋeʋe la, adzi ɖe dzi.

¹²Lala vivivo ɖe wòdoa veve na dzi; ke didi, si va me la, agbeti wonye.

¹³Amesi doa vlo nya la, atsrɔ; ke amesi sedede dzia ŋɔ na la, woaɖo eleƒe nɛ.

¹⁴Nunyala ƒe nu fia me la, agbevudo wònye, ne woaƒo asa na ku ƒe mɔ̃.

¹⁵Gɔmesese nyui hea ŋudzedzekpɔkpɔ vɛ; ke ame mawɔnuteƒewo ƒe mɔ kplɔa wo dea gbegblẽ me.

¹⁶Nugɔmeselɛ wɔa nu ɖe nunya me; ke bometsila tsɔa bometsitsi doa bobloe.

¹⁷Duxɔla vɔ̃ɖi gena ɖe dzɔgbevɔ̃e me; ke duxɔla nyateƒetɔ daa gbe le ame ŋu.

¹⁸Ahedada kple ŋukpe ava amesi gbe amehehe la dzi; ke amesi bu mokaname la, woade bubu eŋu.

¹⁹Ne ame ƒe didi va me la, evivia luʋɔ nu; ke vɔ̃tsitsri enye ŋunyɔ na bometsilawo.

²⁰Ne èzɔ kple nunyalawo la, àdze nunya; ke ne ède ha kple bometsilawo la, azu emegbegblẽ.

²¹Dzɔgbevɔe tia nuvɔwɔlawo yome; ke etsɔa nyui tua fe na eme dzɔdzɔewo.

²²Viwo ƒe viwo nyia dɔmenyotɔ ƒe dome; ke wodzraa nuvɔ̃wɔla ƒe nuwo ɖo ne ame dzɔdzɔe.

²³Agble yeye me nu naa nuɖuɖu eme dahewo fu; ke amea ɖewo tsrɔ̃na to woƒe nu madzɔmadzɔ wɔwɔ me.

²⁴Amesi vea nu le eƒe ameƒoti gbɔ la, léa fu via; ke amesi lɔ̃nɛ la, tsona ɖe tohehe ŋu bla.

²⁵Nu le ame dzɔdzɔe si wòaɖu aɖi ƒo; ke dɔkoe le ame vɔ̃ɖi ƒe ƒodo wɔm.