Read ewe Lododowo 16 Bible Online

Lododowo 16 - ewe bible

Lododowo 16

¹Amegbetɔ tɔ enye dzi ƒe tãmeɖoɖowo; ke Yehowa gbɔ aɖe ƒe ŋuɖoɖo tsona.

²Ame ƒe zɔzɔmewo katã dzana le eya ŋutɔ ŋku me; ke Yehowa ye daa gbɔgbɔwo kpɔna.

³Tsɔ wò dɔwo de asi na Yehowa; ekema wò tameɖoɖowo adze dzi.

⁴Nusianu, si Yehowa wɔ la, kple etɔe li, eya ame vɔɖiwo hã hena dzɔgbevɔ̃egbe.

⁵Dadalawo katã nye ŋunyɔ na Yehowa. Mine mítso gbe; ne woahagbe tohehe na wo fi!

⁶Lɔlɔ̃ kple nyateƒe wotsɔna léa avu vodada, eye Yehowa-vɔvɔ̃ wotsɔna tsria vɔ̃e.

⁷Ne amea ɖe ƒe zɔzɔme dze Yehowa ŋu la, enana be, eƒe futɔwo ke hã nɔa ŋutifafa me kplii.

⁸Nu ʋee, si ŋu dzɔdzɔenyenye kpe ɖo, nyo wu nukpɔkpɔ geɖe, si ŋu nu madzɔmadzɔ wɔwɔ kpe ɖo.

⁹Amegbetɔ ƒe dzi susua eƒe mɔ ŋu; ke Yehowa ye fiaa mɔ eƒe afɔɖeɖe.

¹⁰Afiatsotso le fia ƒe nuyiwo me; eƒe nu mada le ʋɔnudɔdrɔ me o.

¹¹Nudanu nyui kple nudada nyui tso Yehowa gbɔ, eƒe nuwɔwɔ enye nudakpewo le akplo me?

¹²Nu vɔɖi wɔwɔ enye ŋunyɔ na fiawo; elabena dzɔdzɔenyenye nana fiazikpui lia ke.

¹³Nuyi dzɔdzɔe dzea fiawo ŋu; eye amesi ƒe nyawo le eteƒe la, wolɔ̃na.

¹⁴Fia ƒe dziku enye ku ƒe dɔla; ke nunyala faa dzi nɛ.

¹⁵Ne fia ƒe mo kɔ la, agbee wònye, eye eƒe ŋudzedzekpɔkpɔ le abe adametsiɖoɖo ene.

¹⁶Aleke gbegbe nunyakpɔkpɔ mehenyo wu sikae, ete gɔmesesekpɔkpɔ meheƒo klosalo tae o!

¹⁷Vɔ̃tsitsri enye nuteƒewɔlawo ƒe mɔtata; amesi léa ŋku de eƒe zɔzɔme ŋu la, kpɔa eƒe agbe ta.

¹⁸Dada doa ŋgɔ na gbegblẽ, eye ɖokuidodoɖedzi na anyidzedze.

¹⁹Ɖokuibɔbɔɖeanyi la hiãtɔwo dome nyo wu ne woamã aboyonu kple dadalawo.

²⁰Amesi léa to de nya ŋu la, eƒe esi sua nyui dzi; amesi ɖoa dzi ɖe Yehowa ŋu la, woayrae!

²¹Amesi si dzi nyanu le la, woyɔna be nugɔmesela; nya vivi dzia nufiame ɖe dzi.

²²Gɔmesese enye agbevudo na amesi si wòle; ke bometsitsi enye tohenu na bometsilawo.

²³Nugɔmesela ƒe dzi nana eƒe nù dzea nunya, eye eƒe nuyiwo dzia nufiame ɖe dzi.

²⁴Nya dzeto la anyitsi wonye, evivina na luʋɔ, eye wòyɔa dɔ ƒuwo.

²⁵Amea ɖewo ƒe mɔ dzɔna le wo ŋku me; ke eƒe nuwuwu nyea ku ƒe mɔ.

²⁶Dɔwɔla ƒe ɖɔwuamee wɔa ɖɔ nɛ; elabena eƒe nùe le ɖu ƒom ɖe ete.

²⁷Yakame tia dzɔgbevɔ̃e yome, eye dzo binu le eƒe nuyiwo me.

²⁸Alakpatɔ dea dzre aƒe, eye sakplitɔ mãa xɔlɔ̃wo dome.

²⁹Ŋutasẽla blea ehavi nu, eye wòkplɔnɛ ma mɔ manyomanyo dzi.

³⁰Amesi ŋku la, eɖo vɔ̃ ɖe ta me, amesi va nuyi ɖe nu me goŋgoŋ la, ewɔ vɔ̃ ɖe goe xoxo.

³¹Atsyɔ̃fiakuku enye ta ƒowɔ, dzɔdzɔenyenye ƒe mɔ dzi wokpɔnɛ lena.

³²Dzi gbɔɖitɔ nyo wu kalẽtɔ, eye amesi ɖua eɖokui dzi la, nyo wu duwo xɔla.

³³Woda dzidzenu ɖe akɔme, ke Yehowa me nye emetsotso katã.