Read ewe Lododowo 18 Bible Online

Lododowo 18 - ewe bible

Lododowo 18

¹Amesi ɖe eɖokui ɖe aga le eya ŋutɔ ƒe dzodzro yome dim la, etsia tre ɖe nunyanyawo katã ŋu.

²Gɔmesese medzea bometsila ŋu o, ke boŋ be, wòaɖe eƒe tamesusu ɖe go.

³Afisi ame vɔ̃ɖi va la, vlododo, alɔmeɖeɖe kpakple ŋukpe vana.

⁴Ŋutsu ƒe numenya enye tɔ goglo, eye tɔʋu, si le tsotsom kpakakpaka la, enye nunya ƒe vudo.

⁵Ame vɔ̃ɖi dziɖeɖe, ne woate ame dzɔdzɔe ɖe anyi le ʋɔnudɔdrɔ̃ me la, menyo o.

⁶Bometsila ƒe nuyiwo dea dzre aƒe, eye eƒe nu yɔa ameƒoƒo ɖa.

⁷Bometsila ƒe nu enye eƒe gbegblẽ, eye eƒe nuyiwo nye mɔ na eya ŋulɔ ƒe agbe.

⁸Sakplitɔ ƒe nyawo le ahe nuɖuɖu ŋanɛ ene, woɖea ɖɔme ke.

⁹Amesi wɔa alɔgblɔlɔ le ɖɔ ŋu la, nugblẽla nɔvl wonye.

¹⁰Yehowa ƒe ŋkɔ enye mɔ sesẽ; afima ame dzɔdzɔe la sina yina, eye wònɔa dedie.

¹¹Kesinɔtɔ ƒe nuwo nye eƒe du sesẽ, eye wobuna be, gli kɔkɔwo wonye.

¹²Hafi ame nadze anyi la, eƒe dzi dana gbã; ɖokuibɔbɔ doa ŋgɔ na bubu.

¹³Ne amea de mekpe se nya, hafi do eŋu o la, bometsitsi kple ŋukpe wonye nɛ.

¹⁴Ŋutsu ƒe dzidodo tsɔa eƒe fukpekpewo, ke ne wɔna vɔ le dzidodo ŋu la, ameka atsɔ eya?

¹⁵Nugɔmesela ƒe dzi kpɔa sidzedze, eye nunyala ƒe to dia sidzedze yome.

¹⁶Amegbetɔ ƒe nunana naa alɔmeɖeƒee, eye wòkplɔnɛ yia ame ŋkutawo ŋku mee.

¹⁷Ame gbãtɔ dzena ahe dzɔdzɔetɔ ene le dzrenya me; ke evelia va ɖea egɔme ɖe go.

¹⁸Nudzidze tsia dzre nu, eye wòtsoa nya me na ŋusẽtɔwo.

¹⁹Nɔvi, si ŋu woda vo ɖo la, tri akɔ wu du sesẽ, eye dzrewɔwɔ le abe fiasã ƒe gametiwo ene.

²⁰Ŋutsu ƒe nu ƒe kutsetse aɖi ƒo na eƒe ƒoɖo, eye eƒe nuyiwo ƒe nukpɔkpɔ aɖi ƒo nɛ.

²¹Ku kple agbe le aɖe si me, amesi dze xɔlɔ̃e, aɖu eƒe kutsetsewo.

²²Amesi si nyɔnu su la, eƒe asi tu nu nyui, eye eƒe nu anyo Yehowa ŋu.

²³Ame dahe ƒoa koko, ke kesinɔtɔ ɖoa ŋu kple mo kplala.

²⁴Xɔlɔ̃ geɖe dzedze aʋlie; ke xɔlɔ̃a ɖewo kuna ɖe ame ŋu wu ame nɔvi gɔ̃ hã.