Read ewe Lododowo 2 Bible Online

Lododowo 2 - ewe bible

Lododowo 2

¹Vinye, ne èxɔ nye nuƒoƒo wɔ tɔwòe, eye nèdzra nye sewo ɖo ɖe ɖokuiwò gbɔ,

²be nèƒu wò to anyi ɖe nunya ŋu, eye nèbi wò dzi ɖe gɔmesese ŋuti,

³ẽ, ne èyɔ nunya, eye nèkɔ wò gbe dzi ɖe gɔmesese ŋu la,

⁴ne édii abe klosalo ene, eye nèdi eyome mɔ abe kesinɔnu, si le to me ene la,

⁵ekema ãse Yehowa-vɔvɔ̃ gɔme, eye wò asi atu sidzedze Mawu.

⁶Elabena Yehowa naa nunya, eƒe nu me sidzedze kple gɔmesese dzɔ tso;

⁷edzraa dzɔgbenyuie vavã ɖo ɖi na nuteƒewɔlawo, akpoxɔnu wonye na amesiwo ƒe zɔzɔme ŋu fɔɖiɖi mele o,

⁸ne wòakpɔ nu dzɔdzɔe ƒe toƒe ta, eye wòadzɔ eƒe mawumememe ƒemɔ ŋuyi.

⁹Ekema ase dzɔdzɔenyenye, nu dzɔdzɔe kple nuteƒewɔwɔ gɔme; mɔ nyuiwo katã gɔme nase;

¹⁰ekema nunya age ɖe wò dzi me, eye sidzedze avivi wò luʋɔ nu.

¹¹Tamebubu akpa dziwò, eye gɔmesese adzɔ ŋuwò,

¹²ne woade wò tso mɔ va dzi, le amesiwo gbiɔa godzenya la ŋu,

¹³amesiwo gblẽ mɔ dzɔdzɔe la ɖi, be woazɔ blukɔ ƒe mɔ dzi,

¹⁴amesiwo le dzidzɔ kpɔm ɖe vɔ̃wɔwɔ ŋu, eye wole aseye tsom ɖe godzedze vɔ̃ɖi ŋu,

¹⁵amesiwo loƒe le gɔdɔ̃gɔdɔ̃, eye wodze tso woƒe mɔwo dzi;

¹⁶ne wòaɖe wò tso ame tutɔ srɔ̃ si me, tso dutanyɔnu, si ɖea ami de eƒe nyawo la, si me,

¹⁷amesi gblẽ eƒe ɖetugbi me srɔ̃ ɖi, eye wòŋlɔ woƒe Mawu ƒe nubabla be;

¹⁸elabena eƒe aƒe ɖo agu yi ku gbɔ, eye eƒe mɔwo yi tsiẽƒe.

¹⁹Amesiwo katã yia egbɔ la, womegatrɔna gbɔna o, eye womegava tsoa agbemɔ me o.

²⁰Ne nato ame nyuiwo ƒe mɔ dzi, eye nalé ame dzɔdzɔewo ƒe toƒe ɖe asi.

²¹Elabena nuteƒewɔlawo anɔ anyigba la dzi, eye ame madifɔwo asusɔ de edzi;

²²ke woatsrɔ̃ ame vɔ̃ɖiwo ɖa le anyigba dzi, eye woaho ame maɖianukwarewo ɖa le edzi.