Read ewe Lododowo 23 Bible Online

Lododowo 23 - ewe bible

Lododowo 23

¹Ne mia kple dziɖulaa ɖe miebɔbɔ nɔ anyi, be yewoaɖu nu la, ekema ɖe ŋku ɖe amesi le ŋkuwò me la vevie;

²nenye nudzrola nenye la, ekema naɖo hɛ wò vehlo dzi!

³Eƒe nuɖuɖu viviawo megadzro wò o, elabena alakpanuɖuɖu wònye.

⁴Meganɔ kutri kum, be nakpɔ ho o; dzudzɔ wò tameɖoɖo sia!

⁵Ne èkpɔe ɖa la, maganɔ anyi o, elabena eto aʋala hedzo yi dzi abe hɔ̃ ene.

⁶Megaɖu damevevetɔ ƒe abolo o, eye eƒe nuduɖu vivi megadzro wò o!

⁷Egblɔ na wò be, „Ɖu nu, nano nu!“ ke eƒe dzi mele ŋuwò o, elabena alesi wòbu de dzi me la, nenema eyama le.

⁸Nusi nèdu la, ele na wò be, nadzɔe, eye ètsɔ wò nya viviwo hã de aka.

⁹Megaƒo nu ɖe bometsila ƒe le me o, elabena ɖeko wòado vlo wò nunya ƒe nyawo.

¹⁰Megatrɔ liƒo xoxowo o, eye megage ɖe tsyɔ̃eviwo ƒe agble me o;

¹¹elabena woƒe xɔnametɔ sesẽ, eye wòawɔ dzre kpli wò na wo.

¹²Trɔ wò dzi ɖe amehehe ŋu kple wò to ɖe sidzedze ƒe nyawo ŋu.

¹³Megagbe tohehe na ŋutsuvi la o; ne èƒoe kple ati la, menye kuku ge wòala o.

¹⁴Eƒoe kple ati, eye nèɖe eƒe luʋɔ tso tsiẽƒe.

¹⁵Vinye, ne wò dzi dze nunya la, ekema nye hã nye dzi akpe dzidzɔ,

¹⁶eye nye ayikuwo agli kple dzidzɔ, nenye be, wò nuyiwo gblɔa nusi la eteƒe la.

¹⁷Wò dzi megaʋa ŋu nuvɔ̃wɔlawo o, ke boŋ neʋã ŋu Yehowa-vɔvɔ̃ ɣeawokatãɣi.

¹⁸Vavãe, ɣeyiɣi li gbɔna, eye wò mɔkpɔkpɔ mazu dzodzro o.

¹⁹Vinye, see, eye nadze nunya, eye naɖo wò dzi mɔ dzɔdzɔe dzi.

²⁰Meganɔ weintsunolawo kple lãtsuɖulawo dome o.

²¹Elabena ahatsunola kple nutsuɖula ɖe wodaa ahe, eye alɔ̃tsudɔla ɖe wònɔa ɖuvu me.

²²Ɖo to folowò, si dzi wò, eye megado vlo dawo, ne eku nyagã o!

²³Ƒle nyateƒe, nunya, amehehe kple gɔmesese, eye megatsɔ wo dzra o!

²⁴Ame dzɔdzɔe fofo tsoa aseye, eye ne amea ɖe dzi vi nyanu la, ekpɔa dzidzɔ le eŋu.

²⁵Fofowò kple dawò akpɔ dzidzɔ, eye dawò atso aseye.

²⁶Vinye, tsɔ wò dzi nam, eye nye mɔwo nedze wò ŋkuwo ŋu.

²⁷Elabena nyɔnu ahasitɔ la, ʋe globo wònye, eye vudo xaxɛ nye gbolo.

²⁸E, ede xa ɖi abe adzodala ene, eye wole ame dzegowo dzim ɖe dzi le amegbetɔwo dome.

²⁹Amekae ɖea hũ? amekae sea veve? amekae xaa nu? amekae xɔa abi yakatsyɔ? ameka ƒe ŋku dzie wona dɔ̃?

³⁰Amesiwo tsia wein te dedie la tɔe; amesiwo yina, be woade nu aha, si wotɔtɔ me akpɔ la tɔe.

³¹Megade ŋku de wein, alesi wòbiã kple alesi wòle dzo sim le kplu me kpakple alesi wominɛ wóli la o.

³²Ke emegbe la eɖua ame abe da ene, eye wònyɔa aɖi abe ƒli ene.

³³Wò ŋkuwo akpɔ nu tutɔwo, eye wò dzi anɔ nya baɖawo gblɔm.

³⁴Anɔ abe amesi le atsiaƒu gɔme kple amesi le abalati la me ene.

³⁵„Woƒom, ke mevem o; wotu kɔm, nyemesee o. Ɣekaɣi gɔ manyɔ, ne magaɖi eyome mɔ?“