Read ewe Lododowo 3 Bible Online

Lododowo 3 - ewe bible

Lododowo 3

¹Vinye, megaŋlɔ nye nufiame be ti, eye wò dzi nedzra nye sededewo ɖo;

²elabena woade agbenɔnɔ didi, ƒe nyuiwo kple ŋutifafa va na wò kpaŋkpaŋ.

³Amenuveve kple nyateƒe megate ɖa le ŋuwò o; tsɔ wo de kɔ, ŋlɔ wo ɖe wò dzi ƒe kpe dzi;

⁴ekema amenuveve kple gɔmesese nyui asu asiwo le Mawu kple amegbetɔwo ŋku me.

⁵Ɖo ŋu ɖe Yehowa ŋu tso dzi blibo me, ke megaɖo dzi ɖe wò gɔmesese ŋu o.

⁶Le ŋku ɖe eŋu le wò mɔwo katã dzi, ekema ata mɔ na wò.

⁷Meganye nunyala le ɖokuiwò ŋku me o, vɔ̃ Yehowa, eye natsri va;

⁸ekema esia ada gbe le wò ƒodo ŋu, eye woana wò ƒuwo me nafa miaa.

⁹Tsɔ wò kesinɔnuwo kple wò agblemenuwo katã ƒe gbãlɔwo du bubu Yehowa ŋu,

¹⁰ekema nu ayɔ wò ava taŋtaŋ, eye wein agbagba ɖe wò ahafiãƒe.

¹¹Vinye, megagbe Yehowa ƒe amehehe o, eƒe mokaname megaɖu dzi na wò o!

¹²Elabena amesi Yehowa lɔ̃na la, eya wòhea to na abe vi, si gbɔ fofoa melɔ̃a nu le o ene.

¹³Woayra amesi tu nunya kple amesi ƒe asi su gɔmesese dzi.

¹⁴Elabena eƒeƒle nyo wu klosaloƒeƒle, eye eƒe viɖe ƒo sika ta.

¹⁵Exɔ asi wu adzagba, eye wò nuveviwo katã mede enu o.

¹⁶Agbenɔnɔ didie le eƒe ɖusi me, eye kesinɔnu kple bubu le eƒe mia me.

¹⁷Eƒe mɔwo nye mɔ vivi, eye eƒe toƒewo katã nye ŋutifafa.

¹⁸Agbeti wònye na amesiwo lee ɖe asi, eye woayra amesi vãe goŋgoŋ la.

¹⁹Nunyae Yehowa ŋutɔ tsa ɖo anyigba gome anyii, eye gɔmesese wòtsɔ li ke dziƒoe.

²⁰Eƒe sidzedze na towo gɔme ŋɔ, eye alilikpowo dza zãmu.

²¹Vinye, megana woate da le ŋkuwò me o; le nunya vavã kple tamebubu me ɖe asi sesie;

²²ekema woanye agbe na wò kple atsyɔ̃ɖonu na wò kɔ.

²³Ekema ale wò mɔ atsɔ dedie, eye wò afɔ makli naneke o.

²⁴Ne èmlɔ anyi la, màɖi vo o, ke boŋ alɔ̃ avivi na wò.

²⁵Ne ŋɔdzi ƒo ɖi kpoyi, eye gbegblẽ va ame vɔ̃ɖiwo dzi la, dzika metso ƒowò o.

²⁶Elabena Yehowa ye nye wò ŋuɖoɖeŋutɔ, eye wòakpɔ wò afɔ dzi tso mɔ̃ me.

²⁷Megãte nu nyui hiãtɔ, nenye be ŋutete le ŋuwò na ewɔwɔ o.

²⁸Ne ele asiwò la, megagblɔ na hawòvi be: „Heyi, ne nagava, etsɔ hã mana wò“ o!

²⁹Megabu vɔ̃ ɖe hawòvi ŋu, esime wòɖe dzi ɖi le gbɔwò o.

³⁰Megawɔ dzre kple amea ɖeke yakatsyɔ, ne mewɔ vɔ̃a ɖeke wò o.

³¹Megaʋã ŋu sesẽnuɖula o, eye eƒe mɔã ɖeke megadze ŋuwo o.

³²Elabena godzela enye ŋunyɔ na Yehowa, ke tsi metoa eya kple dzime dzɔdzɔe tɔ domee o.

³³Yehowa ƒe fiƒode le ame vɔ̃ɖi la ƒe me, ke eyraa ame dzɔdzɔe la nɔƒe.

³⁴Eɖua fewu le fewuɖulawo ŋu, ke evea ame bɔbɔɖeanyiwo ya nu.

³⁵Bubu anye nunyalawo ƒe gome, ke ŋukpe alé bometsilawo.