Read ewe Lododowo 7 Bible Online

Lododowo 7 - ewe bible

Lododowo 7

¹Vinye, dzra nye nuƒoƒo ɖo, eye naɣla nye sededewo ɖe gbɔwò.

²Dzra nye sededewo ɖo, ne nana agbe, kple nye nufiamewo ɖo abe wò gadaglamakui ene.

³Bla wo ɖe wò asibidewo ŋu, eye naŋlɔ wo ɖe wò dzi ƒe kpe dzi.

⁴Gblɔ na nunya be: nɔvinye nènye, eye nayɔ xɔlɔ̃ na gɔmesese;

⁵ne woadzra wò ɖo tso nyanu tutɔ si me, tso dutanyɔnu, si ɖea ami ɖe eƒe nyawo la si me.

⁶Mele nye xa ƒe fesre nu kpa nu to adzrala nu.

⁷Tete meɖe ŋku ɖe ame bebewuwo dome, eye mekpɔ ɖekakpuivi bometsilaa ɖe le ŋutsuviwo dome.

⁸Eya le tsatsam le kpɔdomee le eƒe dzogoe kasa, eye wòle zɔzɔm ɖo ta eƒe aƒe gbɔ

⁹le fiẽ, esime anyigba le tsyɔtsyɔm, le zã kple blukɔ me.

¹⁰Eye kpɔ ɖa, nyɔnua ɖe le gbolovɔ me va do goe, eye ayedzedze le tame nɛ.

¹¹Eƒe mo nyrã, eye wòɖe ku eɖokui, eye eƒe afɔwo gbe be, yewomatɔ ɖe eƒe me o.

¹²Eyae le kpɔdomee fifi, kasiaa eye nye ekem nyo ɖe ablɔ me, eye wòde xa ɖe dzogoe ɖesiaɖe dzi.

¹³Elée hegbugbɔ nu nɛ, eye wòɖo ŋku me kplalaa gblɔ nɛ be:

¹⁴Egbea metso akpedavɔsa xe nye adzɔgbedete ɖe ɖokuinye nu.

¹⁵Eyata medo be, mado go wò, eye madi wò, eye azɔ la mekpɔ wò.

¹⁶Meɖo kuntruwo ɖe nye aba dzi, avɔ ŋɔŋɔe, siwo wotsɔ Egipte-ka lɔ̃e.

¹⁷Mewu sikɔni, anowɔtre kple adrike ɖe nye aba dzi.

¹⁸Eyata na mieno lɔlɔ̃ amu vaseɖe ŋɖi, eye míaƒe dzeme nakɔ ɖe dzidzɔkpɔkpɔ me.

¹⁹Elabena srɔ̃nye mele aƒe o, eyi nugbe didia ɖe;

²⁰etsɔ gakotoku la ɖo asi yii, gbesigbe dzinu sɔ tegblẽ la ko wòagbɔ va aƒe.

²¹Etsɔ eƒe nuƒoƒo geɖegeɖeawo blee, eye wòtsɔ eƒe nuyi zɔzrɔ̃e la lẽe.

²²Ekplɔe ɖo kɔ̃ enumake abe nyitsu, si yina de ewuƒe ene, abe sẽ, si yina gege ge de mɔ̃ me ene,

²³vaseɖe esime aŋutrɔ naƒo ɖe eƒe aklã; eye abe xevi, si zɔ ɖe mɔ̃ dzi, eye menyae be, yeƒe ku wonye o la ene.

²⁴Eyata, mi viwo, miɖo tom, eye milé to ɖe nye numenyawo ŋu.

²⁵Megana wò dzi nadze ayi eƒe mawo dzi o, eye megatra yi etoƒewo o.

²⁶Elabena amesiwo tsi esi me heɖo baba ɖi la, sɔ gbɔ, eye amesiwo wowu la, ɖe ha.

²⁷Eƒe aƒe enye tsiẽƒe ƒe mɔ geɖe, siwo ɖo la ku ƒe xɔgãwo me.