Read ewe Lododowo 8 Bible Online

Lododowo 8 - ewe bible

Lododowo 8

¹Ɖe nunya mele ɣli dom, eye gɔmesese ƒe gbe mele ɖiɖim oa?

²Etsi tre ɖe togbɛwo tame le mɔ to, kple mɔ ɖogoewo nu.

³Ele ɣli ɖom le agboawo xa, le dua ƒe mɔ nu kple ʋɔtruawo nu bena:

⁴Ŋutsuwo, míawoe mele ɣli dom na, eye amegbetɔviwoe nye gbe le ɖiɖim na.

⁵Mi bebewuwo, mixɔ ayedzedze na mia ɖokui, eye mi bometsilawo, míxɔ gɔmesese na mía ɖokui!

⁶Mísee, elabena nya xɔasi gblɔm mele, eye nusi le eteƒe pɛpɛpɛ la, nye nu agblɔ.

⁷Elabena nyateƒe gblɔm nye nu le, eye na vɔ̃ɖi enye ŋunyɔ na nye nuyiwo.

⁸Nye numenyawo katã le eteƒe, eye kple alakpa mele wo me o.

⁹Wo katã me kɔ ne amesiwo dze nunya eye wosɔ na amesiwo ƒe esi tu sidzedze la.

¹⁰Mixɔ nye amehehe wu klosalo kple sidzedze wu sika nyuitɔ.

¹¹Elabena nunya nyo wu adzagba, eye nu veviwo katã mede enu o.

¹²Nye, nunya, gbɔe ayedzedze te, eye asinye mee tamebubu vavã ƒe sidzedze le.

¹³Yehowa-yɔvɔ̃ enye fuléle vɔ̃; melé tu dada, ɖokuidodoɖedzi, mɔ vɔ̃ɖi kple alakpanu.

¹⁴Tɔnyee nye aɖaŋudede kple edzisusu; nyee nye gɔmesese, eye tɔnyee nye ŋusẽ.

¹⁵Dzinyee fiawo tonu ɖua fia eye amegãwo ɖea se dzɔdzɔe.

¹⁶Dzinyee tatɔwo tona ɖua amegã, eye anyigba dzi ʋɔnudrɔ̃lawo katã nyea ame ŋkutawo.

¹⁷Melɔ̃a amesiwo lɔ̃m, eye amesiwo diam la, kpɔam.

¹⁸Kesinɔnu kple bubu, nu xoxowo kple dzɔdzɔenyenye le asinye.

¹⁹Nye kutsetse xɔ asi wu sika kple sika nyuitɔ, eye nye nukpɔkpɔ nyo wu klosalo nyuitɔ.

²⁰Dzɔdzɔenyenye ƒe mɔ dzi zɔm mele kple nu dzɔdzɔe ƒe toƒe,

²¹ne mana kesinɔnu amesiwo lɔ̃am, eye made nu nudzraɖoƒe na wo fũ.

²²Yehowa wɔm menye eƒe mɔ ƒe gɔmetoto, eƒe nuwɔwɔwo ƒe gbãtɔ tso blema ke.

²³Tso tititi woɖom, tso gɔmedzedzea me ke, esime anyigba dzo kelekele.

²⁴Wodzim, hafi to goglowo navaɖo anyi, hafi ne tsidzɔƒe, siwo me tsi le taŋtaŋ la, neva do anyi.

²⁵Wodzim, hafi ne woava ɖi towo ɖe agu me; meɖo ŋgɔ na togbɛwo,

²⁶hafi ne woava wɔ anyigba kple gbegbe kpakple anyigba goɖoo ƒe anyikɔ gbãlɔwo.

²⁷Mele eteƒe, hafi wòwɔ dziƒo, esime wòdzidze dziŋgɔli ɖe tɔ gogloawo dzi;

²⁸esime wosa alilikpowo ɖe dzi me, eye tɔ goglowo dzi tsi bɔbɔbɔ.

²⁹Esime wòɖo seƒe na atsiaƒu, ne magagbɔ eƒe sedede dzi eyi o, eye wòdo anyigba ƒe zɔ anyi la,

³⁰menye dɔnunɔla le egbɔ, nye dzeme kɔ gbesiagbe, eye mewɔ dɔ abe fefe ene le eŋku me ɣeawiokatãɣi;

³¹mele le eƒe anyigba dzi godoo, eye mekpɔ dzidzɔ le amegbelɔviwo ŋu.

³²Eyata, mi viwo, miɖo tom. Woayra amesiwo dzra nye mawo ɖo.

³³Miɖo to amehehe, ne miadze nunya, eye migagbee o.

³⁴Woayra amesi ɖoa tom hedzɔa nye ʋɔtru nu gbesiagbe, eye wòkpɔa nye agbo ƒe agbalinu dzi.

³⁵Elabena amesi ƒe asi tum la, eƒe asi tu agbe, eye wòkpɔa amenuveve tso Yehowa gbɔ.

³⁶Ke amesiwo dam ƒu la, wowɔ nu vevi wo ɖokui; amesiwo katã lé dim la, ku lɔ̃m wole.