Read ewe Nyagblɔla 4 Bible Online

Nyagblɔla 4 - ewe bible

Nyagblɔla 4

¹Eye megade ŋku de ameteteɖeanyi, siwo katã dzɔna le ɣea te la, eye kpa da, amesiwo woto de anyi la ƒe aɖatsiwo le tsyɔtsyɔm, ke akɔfalaa ɖeke meli na wo o; amesiwo te wo de anyi la, se ŋuta le wo ŋu, ke akɔfalaa ɖeke meli na wo o.

²Tete mekafu amesiwo ku gbaɖegbe ke la, wu agbagbeawo, siwo gale agbe;

³eye amesi medzɔ gɔ̃, ne wòayi nuwɔwɔ vɔ̃di, siwo dzɔna le ɣea te, kpɔ ge o la tɔ me nyo wu wo ame eve la tɔ.

⁴Eye mekpɔ agbagbadzedzewo katã kple aɖaŋudzedzewo katã de dɔwɔwɔ ŋu be, ŋuʋaʋã wonye de amehavi ŋu. Esia hã tofloko kple dagbadagba de ya me wonye.

⁵Bometsila ɖe asi asitɛ me hele eya ŋutɔ ƒe ŋutilã ɖum.

⁶Gbɔɖeme asiʋlo ɖeka nyo wu agbagbadzedze kple dagbadagba ɖe ya me asiʋlo eve taŋ.

⁷Eye megakpɔ tofloko le ɣea te;

⁸Amea de eya ɖeka kolia li, eye evelia mekpe de eŋu o, ŋutsuvi alo nɔviŋutsu hã mele esi o, gake eƒe agbagbadzedzewo mewua enu o, eye kesinɔnuwo meɖia ƒo na eƒe ŋkuwo o. Ke ameka la gɔ̃e mehele agbagba dzem, eye mele nu nyui tsrim na ɖokuinye do? Esia hã tofloko kple agbagbadzedze vɔ̃di wònye!

⁹Ne ame le eve la, enye wu ame ɖeka, elabena woakpɔ fam nyui de woƒe agbagbadzedzewo la.

¹⁰Elabena ne wo ɖometɔ ɖka dze anyi la, nana ame de tsitre; ke haha na amesi tsi akogo, elabena ne edze anyi la, evelia meli afɔe de tsitre o.

¹¹Nenema ke ne ame eve womlɔ wo nɔewo gbɔ la, woléa dzo de wo nɔewo ŋu; aleke ame ɖeka alé dzo de eɖokui ŋui?

¹²Eye ne ame ɖeka kpɔ ŋusẽ de amesi tsi akogo dzi hã la, ame eveawo ya anɔ te ɖe enu, eye ka ŋukplaba eta mateŋu alã bɔbɔeo.

¹³Ɖekakpui dahe nyanu nyo wu fia tsitsi tsibome, si menana woxlɔ̃a nui o.

¹⁴Eya la gaxɔ mee wotso, ne woava ɖu fia, eye ahedada me wodzii ɖo ɖe fiaɖuƒe la me.

¹⁵Mekpe be, agbagbeawo katã, siwo le zɔzɔm le ɣea te la, xa ɖe ɖekakpui, si ana ame kemea teƒe la dzi.

¹⁶Dukɔ, siwo katã nu wole la seƒeɖo meli na wo o; ke wo megbeviwo meva kpɔ dzidzɔ de eŋu o. Esia hã tofloko kple dagbadagba ɖe ya me wònye.

¹⁷Ne èyina de wò Mawu ƒe me la, kpɔ wò afɔ dzi; elabena vava, ne woase nya, nyo wu bometsilawo ƒe akpedavɔsa; elabena numanyamanyae na wole nu vɔ̃ɖi wɔm.