Read ewe Nyagblɔla 6 Bible Online

Nyagblɔla 6 - ewe bible

Nyagblɔla 6

¹Dzɔgbevɔ̃ea ɖe li mekpe le ɣea te, eye wòɖo agbe ɖe amegbetɔwo dzi fu;

²Ne Mawu na kesinɔnu, nu xɔasiwo kple bubu amea ɖe, ale be nusiwo katã wòdina la, mehiãnɛ o, gake Mawu mene ŋusẽe, be wòaɖui o, ke boŋ ame tutɔ naɖul la, tofloko kple vɔ̃ gã wònye.

³Ne amea ɖe dzi vi alafa, enɔ agbe ƒe geɖe, eƒe agbe me ŋkekewo sɔgbɔ, gake meɖi ƒo ɖe nu nyuiawo ŋu o, eye ameɖiƒea ɖeke mesu esi o la, mele gbɔgblɔm be, fu gege nyo wu eyama.

⁴Elabena edzɔ de gbahlaya me, eye wòyi viviti me, eye viviti nye tsyɔ eƒe ŋkɔ

⁵Mekpɔ ɣe loo, alo dze sii hã o; etɔ me nyo ne wu ame keme tɔ.

⁶Eye nenye ƒe akpe eve wona agbe, ke meɖu agbe o la, ɖe menye teƒe ɖeka wo kam woyi oa?

⁷Amegbetɔ ƒe dɔwɔwɔwb katã la, nue wòwɔnɛ, ke womefaa nudzodzro nu gbeɖe o.

⁸Elabena nuka nunyala tsɔ wu bometsila, eye viɖe ka ame dahe, si nya zɔzɔ le agbagbeawo ŋku me la, kpɔna?

⁹Nukpɔkpɔ kple ŋku nyo wu nudzodzro ƒe tsa glalã tsatsa. Esia hã tofloko kple dagbadagba ɖe ya me wonye.

¹⁰Nusi dza la, woyɔ eƒe ŋkɔ ɖi tsa, eye nusi ame ava zu la, woɖoeɖa ɖi, eye mate ŋu ahe nya kple amesi sẽ wui o.

¹¹Elabena nya geɖe li, si dzia toflokonyenye ɖe edzi, ke viɖe ka amegbelɔ kpɔna tsoe eme?

¹²Elabena ameka nya nusi nyo na amegbelɔ le agbe me, le eƒe agbe ƒuƒlu, si wònɔ abe vɔvɔli ene la ƒe ŋkekewo katã me? Elabena ameka agblɔ nusi adzɔ le amegbetɔ megbe le ɣea te la nɛ?