Read ewe Hawo ƒe ha 1 Bible Online

Hawo ƒe ha 1 - ewe bible

Hawo ƒe ha 1

¹Salomo hawo ƒe ha.

²Etsɔ wo nu gbugbɔ nu nam, elabena wo lɔlɔ̃ nyo wu wein.

³Wò ami le ya ɖem nyuie; wo ŋkɔ le abe ami, si wowu ene, eyata ɖetugbiwo lɔ̃a wo nya ɖo.

⁴Kplɔm yii, na míaɖe abla! Fia la kplɔm yi eƒe xɔ me. Míatso aseye, eye míakpɔ dzidzɔ, eye míakafu wò lɔlɔ̃ wu wein; amewo lɔ̃a wò ɖe eteƒe.

⁵Yerusalem-nyɔnuviwo, menye ame yi, gake menye abe Kedar ƒe agbadɔwo kple Salomo ƒe kuntruwo ene.

⁶Migamɔ kpɔyem be, menya alea o, elabena ɣee ɖum. Danye viŋutsuwo ɖo dɔmedzoe ɖe ŋunye; wotsɔm ɖo weingbledzɔlae, ke nyemedzɔ nye ŋutɔ nye weingble ŋu o.

⁷Wò, amesi nye lunɔ lɔ̃na, gblɔe nam dzro: Afikanènyia lãwo le, eye afika wotsyɔa akɔ ɖo le ŋɖɔ me? Nukaŋuti manɔ tsa glãla tsam le hawòviwo ƒe lãhawo gbɔ?

⁸Wò tugbedzɛ le nyɔnuwo dome, ne mènyae o la, ekema do go, eye naɖo lãhawo ƒe afɔ, eye nanyi wò gbɔ̃viwo le lãkplɔlawo ƒe agbadɔwo gbɔ!

⁹Xɔ̃nye, èle abe nye sɔnɔ le Farao ƒe tasiaɖam ŋu ene.

¹⁰Dzonu le tonu na wò nyuie, eye adzagba le kɔ na wò.

¹¹Míatu sikakɔsɔkɔsɔ kple klosalokpeviwo na wò.

¹²Esime fia la bɔbɔ nɔ eƒe ablegɔ me la, nye gbe ʋeʋẽewo ɖe ya.

¹³Nye lɔlɔ̃tɔ le ahe miregoe le akɔnu nam ene.

¹⁴Nye lɔlɔ̃tɔ nye koferseƒoƒo nam le Engedi-weingblewo me.

¹⁵Edze tugbe, xɔ̃nye, èdze tugbe loo! Wò ŋkuwo le abe ahɔne ƒe ŋkuwo ene.

¹⁶Nye lɔlɔ̃tɔ, èdze ɖeka, eye nènyo; mía dɔƒe ɖe ama.

¹⁷Míaƒe xɔ ƒe daɖedziwo nye sedertiwo, eye míaƒe xɔmeɖoʋuƒowo nye fɔfɔlĩ.