Read ewe Hawo ƒe ha 2 Bible Online

Hawo ƒe ha 2 - ewe bible

Hawo ƒe ha 2

¹Nyee nye seƒoƒo le Saron kple dzogbenya le baliwo me.

²Alesi dzogbenya noa aŋɔka mea le nenema xɔ̃nye le nyɔnuviwo domee.

³Alesi atɔlɔŋutiti le avemetiwo domee la, nenema nye lɔlɔ̃tɔ le ɖekakpuiwo domee. Melɔ̃a eƒe vɔvɔli te nɔnɔ, eye eƒe kutsetsewo vivina le nye nu me.

⁴Ekplɔm yi weinxɔ me, eye lɔlɔ̃ enye eƒe aflaga le dzinye.

⁵Mi tso weintsetsebolo de agbe ŋunye, eye mitsɔ atɔtɔŋuti fa dzi nam, ale bena lɔlɔ̃ de dɔ la me nam.

⁶Etsɔ eƒe mía de nye ta te, eye wòtsɔ eƒe nuɖusi kple kɔ nam.

⁷Yerusalem-nyɔnuviwo, meta sãde alo zinɔ le gbe me ne mi: Miganyɔ lɔlɔ̃ o, migaʋuʋui o, vaseɖe esime wòadze eya ŋutɔ ŋu hafi!

⁸Nye lɔlɔ̃tɔ ŋkɔ le ɖiɖim! Kpɔ ɖa, eya nye ekem gbɔna; ele kpo dzom flɔ towo, eye wòle kpo tim flɔ togbɛwo.

⁹Nye lɔlɔ̃tɔ le abe sãde alo zivi ene, ele tsitre ɖe míaƒe gli te xoxo. Ele nu kpɔm to fesre nu, eye wòɖo ŋku ɖe adzrala nu.

¹⁰Nye lɔlɔ̃tɔ xɔ edzi gblɔ nam bena: Xɔ̃nye, tso; nye tugbedzɛ, va!

¹¹Elabena vuvɔŋɔli yi aƒe, tsidzadza ke, eye enu yi.

¹²Seƒoƒowo ɖo ɖe anyigba dzi, weinkawo ŋu ɖeɣi ɖo, eye wole akpakpa ƒe xɔxlɔ sem le míaƒe anyigba dzi.

¹³Gboti ƒe tsetsewo ɖe asi ɖiɖi me, eye weinka ƒe seƒoƒowo le ya ɖem nyuie. Tso, xɔnye, nye tugbedzɛ, va!

¹⁴Nye ahɔne le kpetowo me, le agawo ƒe globoeaƒe; na makpɔ ŋkuwò me, na mase wò gbe! Elabena wò gbe vivina, eye ŋkuwò me nyo.

¹⁵Milé abeiwo na mi, abeiviwo, siwo gblẽa weingblewo; elabena míaƒe weingblewo ƒo se.

¹⁶Tɔnyee nye nye lɔlɔ̃tɔ la, eye nye hã menye etɔ, eya amesi nyia lãwo le dzogbenyawo me.

¹⁷Nye lɔlɔ̃tɔ, trɔ gbɔ, hafi anyinu nafa, eye vɔvɔli nu nayi, eye nanɔ abe sãde alo zivi le atike ʋeʋẽe towo dzi ene!