Read ewe Yesaya 38 Bible Online

Yesaya 38 - ewe bible

Yesaya 38

¹Le ŋkeke mawo me la Xizkiya lé kudɔ. Eye nyagblɔɖila Yesaya, Amoz vi la, va egbɔ gblɔ nɛ bena: Ale Yehowa gblɔ esi: Ɖɔ wò aƒe ɖo, elabena èle kuku ge, eye mele agbe no ge o.

²Tete Xizkiya trɔ mo ɖe gli ŋu hedo gbe ɖa na Yehowa

³gblɔ bena: Oo Yehowa, ɖo ŋu, alesi metsɔ nyateƒe kple ɖzi blibo zɔ le ŋkuwò me, eye mewɔ nu nyui le ŋkuwò me. Eye Xizkiya fa avi kple ɣli.

⁴Tete Yehowa ƒe gbe va Yesaya gbɔ bena:

⁵Yi naɖagblɔ na Xizkiya be: Ale Yehowa, fofowò Dawid ƒe Mawu la, gblɔ esi: Mese wò kokoƒoƒo, eye mekpɔ wò aɖatsiwo; kpɔ ɖa, matsɔ ƒe wuiatɔ̃ akpe ɖe wò ŋkekewo ŋu.

⁶Maɖe mia kple du sia tso Asur-fia si me, eye makpɔ du sia ta.

⁷Eye esia anye dzesi na wò tso Yehowa gbɔ be, Yehowa le nya, si wògblɔ la, dzi wo ge:

⁸Kpɔ ɖa, mana vɔvɔli nagbugbɔ ɖe megbe ɖoƒe ewo tso Axab ƒe ɣega ƒe ɖoƒe, si wòle la dzi; tete ɣe gbugbɔ ɖe megbe tso ɖoƒe, si wòle la, ɖoƒe ewo.

⁹Yuda-fia Xizkiya ƒe nuŋɔŋlɔ enye si, esime wòlé do, eye dɔ la vo nɛ:

¹⁰Megblɔ be, mage ɖe tsieƒe ƒe agbowo me le nye ŋkekewo ƒe gbɔɖemeɣi; woda adzo nye ƒe susɔea le asinye!

¹¹Megblɔ be: Nyemagakpɔ Yehowa, Yehowa le agbagbeawo ƒe anyigba dzi o, eye nyemagakpɔ amegbetɔ le tsieƒenɔlawo dome o.

¹²Wogbã nye nɔƒe, eye wòte ɖa le gbɔnye abe lãkplɔviwo ƒe agbadɔ ene. Meŋlɔ nye agbe, abe alesi avɔlɔ̃la wɔna ene; ètsom le avɔtsitsi ŋu, eye nèna wòvɔ nam le ŋkeke me, hafi zã va do.

¹³Medo boboe vaseɖe ŋdi; ègbã nye ƒuwo katã abe dzata ene, eye nèna wòvɔ nam le ŋkeke me, hafi zã va do.

¹⁴Mele fafàm abe sagbadre kple tsãlɛ ene, eye mele xɔxlɔ̃m abe ahɔne ene; nye ŋkuwò le dzi kpam nu te wo ŋu; Yehowa, meɖo xaxa me, xɔ nya ɖe nunye!

¹⁵Nya ka magblɔ, esi nèdo ŋugbe nam, eye nèwɔ edzi? Mazɔ kpookpookpoo le nye ƒewo katã me, le nye luʋɔ ƒe nuxaxa megbe.

¹⁶Aƒetɔ, esia nu ame nɔa agbe ɖo, eye esia nu nye gbɔgbɔ le agbe ɖo blibo; eyata da gbe le ŋunye, eye na manɔ agbe!

¹⁷Kpɔ ɖa, veve zu xɔname nam, ètsɔ lɔlɔ̃ he nye luʋɔ tso gbegblẽ ƒe do me, elabena ètsɔ nye nuvɔ̃wo katã ƒu gbe ɖe megbewò.

¹⁸Elabena tsieƒe mada akpe na wò o, ku saɖagatsi makafu wò o, eye amesiwo yi aʋli me la, makpɔ mɔ na wò nyateƒe o.

¹⁹Agbagbea, agbagbea koe akafu wò, abe alesi mele wɔwɔm egbe sia ene; fofo ɖea wò nyateƒe fiãa viwo.

²⁰Yehowa le xoxo ge nam, eyata mina miaƒe saŋkuwo naɖi le Yehowa ƒe me le míaƒe agbe me ŋkekewo katã me.

²¹Eye Yesaya be, woatso gbotitsetsebolo ava ɖo ƒoƒoeawo dzi, ne wòahaya.

²²Eye Xizkiya gblɔ be: Nuka nye dzesi be, mayi Yehowa ƒe me?