Read ewe Mose III 15 Bible Online

Mose III 15 - ewe bible

Mose III 15

¹Eye Yehowa ƒo nu kple Mose kpakple Aron bena:

²Miƒo nu kple Israel-viwo, eye miagblɔ na wo bena: Ne ŋutsua ɖe le afu ɖɔm la, ekema eŋu mekɔ o.

³Ne tsi le dodom le eƒe ŋutsu me alo enu xe la, ekema eŋu meka o.

⁴Aba sia aba, si dzi afuɖɔla mia la, eŋu mekɔ o, eye nusianu, si dzi wònɔ la, ŋu mekɔ o.

⁵Amesi ka asi eƒe aba ŋu la, nanyã eƒe avɔwo, eye wòale tsi, eye eŋu meka o vaseɖe fiẽ.

⁶Amesi no nusi dzi afuɖɔla no la, nanyã eƒe avɔwo, eye wòale tsi, eye eŋu meka o vaseɖe fiẽ,

⁷eye amesi de asi afuɖɔla ŋu la, nanyã eƒe avɔwo, eye wòale tsi, eye eŋu mekɔ o vaseɖe fiẽ.

⁸Ne afuɖɔla ɖe ta ɖe amea ɖe, si ŋu ko ŋu la, ekema ame la nanyã eƒe avɔwo, eye wòale tsi, eye eŋu mekɔ o vaseɖe fiẽ.

⁹Sɔkpa, si dzi afuɖɔla na la, ŋu meka o.

¹⁰Ne amea ɖe de asi nusianu, si dzi wono ŋu la, eŋu meka o vaseɖe fiẽ, eye amesi atsɔ nua la, nanyã eƒe avawo, eye wòale tsi, eye eŋu meka o vaseɖe fiẽ.

¹¹Ne afuɖɔla meklɔ asi hafi de asi amea ɖe ŋu o la, ekema ame la nanyã eƒe avɔwo, eye wòale tsi, eye eŋu mekɔ o vaseɖe fiẽ.

¹²Ne afuɖɔla de asi anyinua ɖe ŋu la, ekema woagbãe; ke nenye atinue la, ekema woaklɔe kple tsi.

¹³Ne afu la vo na amea, eye eŋu ko la, ekema wòaxlẽ ŋkeke adre; emegbe woanyã eƒe avɔwo, eye wòale tsi le tɔsisi me, ekema eŋu ko.

¹⁴Le ŋkeke enyiagbe la woatso akpakpa eve alo ahɔnevi eve ava Yehowa ŋku me le Mawu ƒe agbadɔ la nu, eye woatso wo na nunɔla,

¹⁵eye nunɔla la nawɔ wo ŋu dɔ; wòatsɔ ɖeka asa nuvɔ̃vɔe, eye wòatsɔ evelia asa numevɔe. Ale nunɔla la alé avu nɛ le Yehowa ŋku me le eƒe afu la ta.

¹⁶Ne ŋutsua ɖe nyẽ tsi la, ekema wòale tsi, eye eŋu meka o vaseɖe fiẽ.

¹⁷Eye wòanyã avɔ sia avɔ kple lãgbalẽ sia lãgbalẽ, si dzi wònyẽ tsi la ɖo, eye eŋu mekɔ o vaseɖe fiẽ.

¹⁸Ne ŋutsua mlɔ nyɔnua ɖe gbã, hafi nyẽ tsia la, ekema woa kple eve la nale tsi, eye wo ŋu mekɔ o vaseɖe fiẽ.

¹⁹Ne nyɔnua ɖe kpɔ dzinu, eye ʋu le dodom le eƒe nyɔnu me la, ekema eŋu mekɔ o ŋkeke adre, eye amesiame, si ka asi eŋu la, eŋu mekɔ o vaseɖe fiẽ.

²⁰Nusianu, si dzi wòmia le eƒe dzinukpɔɣiawo me la, ŋu mekɔ o, eye nusianu, si dzi wòna la, ŋu mekɔ o.

²¹Amesiame, si ɖe asi eƒe aba ŋu la, nanyã eƒe avɔwo, eye wòale tsi, eye eŋu mekɔ o vaseɖe fiẽ;

²²eye amesiame, si ɖe asi nusi dzi wònɔ ŋu la, nanyã eƒe avɔwo, eye wòale tsi, eye eŋu mekɔ o vaseɖe fiẽ.

²³Ne nane le eƒe aba alo nunɔdzi dzi, eye amea ɖe de asi eŋu la, ekema ame la ŋu meka o vaseɖe fiẽ.

²⁴Ne ŋutsua ɖe mlɔ egbɔ, eye ʋu la ɖe ɖe eŋu la, ekema eŋu meka o ŋkeke adre, aba sia aba, si dzi ŋutsua mlɔ la, ŋu mekɔ o.

²⁵Ne nyɔnua ɖe mekpɔ dzinu, hafi ʋu le dodom le eŋu o, alo eƒe dzinukpɔŋkekewo de, hafi ʋua gale dodom ko la, ekema ŋkeke alesi ʋu le dodom le eŋu la, eŋu mekɔ o.

²⁶Ŋkeke alesi ʋu le dodom le eŋu, eye wòmlɔ abaa ɖe dzi la, ekema aba la le abe eƒe dzinukpɔtɔ ene, eye nusianu, si dzi wònɔ la, ŋu mekɔ o, eye wòle abe eƒe dzinukpɔtɔ ke ene.

²⁷Amesiame, si ɖe asi nusiawo ŋu la, eŋu mekɔ o, wòanya eƒe avɔwo, eye wòale tsi, eye eŋu mekɔ o vaseɖe fiẽ.

²⁸Ne ʋu la nu tso la, ekema wòaxlẽ ŋkeke adre, emegbe eŋu kɔ.

²⁹Le ŋkeke enyiagbe la wòatsɔ akpakpa eve alo ahɔnevi eve avae na nunɔla le Mawu ƒe agbadɔ la nu?

³⁰Eye nunɔla la natsɔ ɖeka asa nuvɔ̃vɔe, eye wòatsɔ evelia asa numevɔe. Ale nunɔla la alé avu ne le Yehowa ŋku me, le eƒe ʋu makɔmakɔ la ta.

³¹Ale miaxlɔ̃ nu Israel-viwo le nu makɔmakɔwo ŋu, bena ne wo ŋu mekɔ o la, woagagblẽ kɔ ɖo na nye nɔƒe, si le wo dome la, eye woaku o.

³²Esia nye se na amesi le afu ɖom kple amesi nyẽ tsi, eye eŋu mekɔ o,

³³nyɔnu, si kpɔ dzinu, ŋutsu, si le afu ɖɔm, kple nyɔnu, si ŋu ʋusisidɔ le, kpakple ŋutsu, si mlɔ nyɔnu makɔmakɔa ɖe gbɔ.