Read ewe Mose III 26 Bible Online

Mose III 26 - ewe bible

Mose III 26

¹Migawɔ legba na mia ɖokui o, migawɔ aklama kpakpɛ alo aƒeli na mia ɖokui o, eye migatsɔ kpe kpa nɔnɔme aɖo miaƒe anyigba dzi, be miaɖe ta agu nɛ o; elabena nyee nye Yehowa, mia Mawu.

²Miɖo ŋku nye dzudzɔgbewo dzi, eye vɔvɔ̃ nanɔ nye kɔkɔeƒe la ŋu na mi. Nyee nye Yehowa!

³Ne mielé ŋku ɖe nye ɖoɖoawo ŋu, eye miedzra nye seawo ɖo hewɔ wo dzi la,

⁴ekema mana tsi nadza na mi le edzaɣi, anyigba awɔ nu, eye agblemetiwo atse ku.

⁵Luƒoɣi adidi vaseɖe weinhaɣi, eye weinhaɣi adidi vaseɖe nuƒãɣi, eye míakpɔ abolo geɖe aɖu, eye mianɔ miaƒe anyigba dzi bɔkɔɔ.

⁶Mana anyigba dzi nata, miadɔ alɔ, eye amea ɖeke maɖo voɖi na mi o; manye lã wɔadãwo ɖa le miaƒe anyigba dzi, eye yi mato miaƒe anyigba dzi ayi o.

⁷Mianya miaƒe futɔwo, eye woatsi miaƒe yi nu.

⁸Mia dometɔ atɔ̃ anyẽ ame alafa ɖeka, eye mia dometɔ alafa ɖeka anyã ame akpe ewo, eye miaƒe futɔwo atsi miaƒe yi nu.

⁹Matrɔ ɖe mia ŋu, eye mana míadzi asɔ gbɔ, eye mawɔ nu, si mebia kpli mi la dzi.

¹⁰Mianɔ agblemenu xoxoawo ɖum, eye ne yeyea ɖo aƒe la, ekema ɖeko miaɖe xoxoawo ɖa.

¹¹Maɖo nye nɔƒe ɖe mia dome, eye nyemanyɔ ŋu mi o.

¹²Mazɔ mia dome, eye manye miaƒe Mawu, eye miawo mianye nye dukɔ.

¹³Nyee nye Yehowa, mia Mawu, si kplɔ mi tso Egipte-nyigba dzi, bena miaganye kluviwo na wo o; meŋe kɔkuti ɖa le kɔ dzi na mi, eye mievo le yiyim.

¹⁴Ke ne mieɖo tom o, eye miewɔ se siawo katã dzi o,

¹⁵ne mieɖe nye ɖoɖoawo ɖa, mieɖo vlo nye seawo, eye miewɔ nye seawo katã dzi o, eye mietu nye nubabla la,

¹⁶ekema nye hã mawo nu siawo mi, eye vovɔ̃ alé mi: Kpetri kple asrã ana miaƒe ŋkutome anyẽ ɖe me, eye miagbɔdzɔ: yakatsyɔ miaƒã nukuwo, elabena miaƒe futɔwo ava ha wo.

¹⁷Maɖe ŋku ata mi, miaƒe futɔwo asi mí, eye miaƒe adikãtɔwo aɖu mia dzi, eye ne amea ɖeke mele mia nyãm o hã, miade afa du me.

¹⁸Ne nusiawo va tso, hafi miegaɖo tom o la, ekema mahe to na mi ɖe dzi zi adre le miaƒe nuvɔ̃wo ta.

¹⁹Maŋe miaƒe dada vivivo la nu, eye mana dziƒo nana na mi ate ga ene, eye miaƒe anyigba nana abe akɔbli ene.

²⁰Yakatsyɔ miawo do, ŋusẽ nava le mia ŋu, elabena anyigba mawɔ nu o, eye agblemetiwo matse ku o.

²¹Gake ne miaƒe nuwɔwɔwo gatsi tre ɖe ŋunye ko, eye miegbe toɖoɖom la, ekema magaɖe fu na mi de dzi zi adre le miaƒe nuvɔ̃wo ta.

²²Maɖo lã wɔadãwo ɖe mia dome; eye woaɖe viwo le mia ŋu, eye woatsrɔ̃ miaƒe aƒemelãwo; miaƒe xexlẽme azu sue, eye miaƒe mowo ato gbe.

²³Ke ne miena metso nusiawo xlã nu mi o, boŋ miegatsi tre de ŋunye ko la,

²⁴ekema nye hã matsi tre ɖe mia ŋu, eye magaɖe fu na mi ɖe dzi zi adre le miaƒe nuvɔ̃wo ta.

²⁵Maɖo yi de mia dome, bena woabia hiã de nubabla la ta, eye ne miesi aʋa yi de miaƒe duwo me la, ekema maɖo dɔvɔ̃ ɖe mia dome, eye matsɔ mi ade asi na miaƒe futɔwo.

²⁶Magblẽ abolo, si nye miaƒe agbe la dome, eye nyɔnu ewo aƒo abolo de kpo ɖeka me, eye woaxlẽ abolo de do nu na mi, eye miaɖui maɖi ƒo na mi o.

²⁷Ke ne nusiawo va tso hafi mieɖo tom o, boŋ mietsi tre ɖe ŋunye la,

²⁸ekema nye hã mado dɔmedzoe atsi tre ɖe mia ŋu, eye mahe to na mi ɖe dzi zi adre le miaƒe nuvɔ̃wo ta.

²⁹Eye miaɖu mia viŋutsuwo kple mia vinyɔnuwo ƒe lã.

³⁰Magbã miaƒe vɔsamlekpuiwo, eye matutu miaƒe ɣelegbawo aƒu anyi, malɔ miaƒe ame kukuwo atrɔ ɖe miaƒe legba gbagbãwo dzi, eye miazu ŋunyɔnu nam.

³¹Magbã miaƒe duwo woazu glikpo, eye mana miaƒe teƒe kɔkɔewo nazu aƒedo, eye miaƒe numemewo magaʋẽ ɖem lilili o.

³²Mana anyigba la nazu gbegbe, eye miaƒe futɔ, siwo le edzi la, ƒe mo awɔ yaa.

³³Maka mi ahlẽ ɖe dukɔwo dome, eye maɖi yi anɔ mia yomee, miaƒe anyigba azu gbegbe, eye miaƒe duwo azu glikpo.

³⁴Ekema anyigba la akpo gbɔdzɔe: le ɣeyiɣi, siwo katã me wònye gbegbe; ne miele miaƒe futɔwo ƒe anyigba dzi la, anyigba la ŋu avo, eye wòagbã ɖe me.

³⁵Agba ɖe me le ɣeyiɣi, siwo katã me wònye gbegbe, elabena tso esime miele edzi la, megbɔ de me le miaƒe dzudzɔɣiwo me alea kpo o.

³⁶Made vɔvɔ̃ lã me na mia dometɔ, siwo susɔ ɖe woƒe futɔwo ƒe anyigba dzi, eye aŋgba, si ʋu ya anyẽ wo, eye wòasi, abe alesi wosina le yi nu ene, eye wòadze anyi, wònye amea ɖeke mele wo nyãm o hafi.

³⁷Mialɔ mia nɔewo aƒu anyi, abe alesi wotsia yi nu ene, wònye amea ɖeke mele mia nyãm o hafi, eye mianɔ te ɖe miaƒe futɔwo nu o.

³⁸Miatsrɔ̃ ɖe dukɔwo dome, eye miaƒe futɔwo ƒe anyigba ami mi.

³⁹Eye mia dometɔ kpɔtɔeawo atsrɔ̃ ɖe woƒe vodadawo me, le woƒe futɔwo ƒe anyigba dzi, eye woatsrɔ̃ le wo fofowo ƒe vodadawo ta abe woawo ke ene.

⁴⁰Emegbe ne woaʋu woawo ŋutɔ kple wo fofowo ƒe vo, si woda hewɔ nuvɔ̃, eye wotsi tre ɖe ŋunye,

⁴¹eye nye hã metsi tre ɖe wo ŋu hekplɔ wo va woƒe futɔwo ƒe anyigba dzii la, me la, ne woƒe dzi masenuwo bɔbɔ, eye wokpɔ woƒe vodadawo tɔnua la,

⁴²ekema mado ŋku nu, si mebia kple Yakob, Isak kple Abraham la dzi, eye maɖo ŋku anyigba la dzi.

⁴³Elabena esi wogblẽ anyigba la ɖi wòzu gbegbe la, ekpa gbɔdzɔe. Woakpɔ woƒe vodadawo tɔnua, elabena wogbe nye sewo, eye wodo vlo nye ɖoɖowo.

⁴⁴Ke ne wole woƒe futɔwo ƒe anyigba dzi la, nyemagbe wo o, eye nyemanyɔ ŋu wo o, nyematsrɔ̃ wo keŋ o, eye nyematu nye nubabla le mia kpli wo dome o, elabena nyee nye Yehowa, woƒe Mawu.

⁴⁵Le woƒe nyui didi ta maɖo ŋku nu, si mebia kple wo tɔgbuiwo, amesiwo mekplɔ tso Egipte-nyigba dzi le dukɔwo ŋku me, bena manye woƒe Mawu la dzi; nye Yehowa.

⁴⁶Esiawo nye ɖoɖowo, sewo kple mɔnufiamewo, siwo Yehowa ɖo eya ŋuta kple Israel-viwo dome, eye wòde asi na Mose le Sinai-to la dzi.