Read ewe Konyifahawo 2 Bible Online

Konyifahawo 2 - ewe bible

Konyifahawo 2

¹Aleke Aƒetɔ la na Zion-nyɔnuvi ɖo tsizi le eƒe dɔmedzoe me! Exlã Israel ƒe atsyɔ̃ ɖe anyi tso dziƒo, eye meɖo ŋu eƒe afɔɖodzinu le dɔmedzoedogbe o.

²Aƒetɔ la gblẽ Yakob ƒe lãnyiƒewo katã, mekpɔ wo ta o, eghã Yuɖa-nyɔnuvi ƒe mɔ̃ sesẽwo wosɔ kple anyigba le eƒe dziku me, eye wogblẽ ka ɖo na fiaɖuƒe la kple eƒe amegãwo.

³Eŋe dzowo katã na Israel le eƒe dɔmedzoe heliheli me; ehe eƒe nuɖusi ɖe megbe le futɔ nu, eye wodo dzo ɖe Yakob wòbi nu goɖoo va kpe.

⁴Ehe eƒe ɖa me abe futɔ ene, eye wòtsi tre ɖi kple eƒe nuɖusi abe ketɔ ene hetsrɔ̃ nusiwo katã dze na kpɔkpɔ; etrɔ eƒe dziku ƒo ɖe Zion-nyɔnuvi ƒe agbadɔ me abe dzo ene.

⁵Aƒetɔ la trɔ zu futɔ, etsrɔ̃ Israel, eye wòtsrɔ̃ eƒe fiasãwo katã, egblẽ eƒe mɔ̃ sesẽwo, eye wòli kɔ nuxaxa ɖe nuxaxa dzi na Yuda-nyɔnuvi.

⁶Eka kpɔ le eŋu abe le abɔ ŋu ene, eye wògblẽ eƒe takpeƒe. Yehowa na woŋlɔ ŋkekenyuie kple dzudzɔgbe be le Zion, eye wòdo vlo fia kple nunɔla le eƒe dɔmedzoe heliheli me.

⁷Yehowa gbe eƒe vɔsamlekpui, eɖi gbɔ eƒe kɔkɔeƒe la, eye wòtsɔ eƒe fiasãwo ƒe gliwo ɖe asi na futɔ la; woƒe ɣli le ɖiɖim le Yehowa ƒe me abe le ŋkekenyuieɖugbe ene.

⁸Yehowa ɖo be, yeatsrɔ̃ Zion-nyɔnuvi ƒe gli; eda ka, mehe eƒe asi ɖe megbe tso nugbegblẽ me o, eye wona kpoƒuƒu kple gli le nu xam; nu le woa kple eve la siaa ŋu.

⁹Eƒe agbowo ɖo agu, eye wogblẽ eƒe gametiwo heŋe wo; eƒe fia kple eƒe amegãwo le dukɔwo dome, se mele wo si o, woƒe nyagblɔɖilawo hã mekpɔa ŋutega tso Yehowa gbɔ o.

¹⁰Zion-nyɔnuvi ƒe amegã ɖeɖiwo bɔbɔ nɔ anyigba, eye woƒe nu ɖe ga, wolɔ afi kɔ ɖe ta me, eye wota akpanya; Yerusalem-ɖetugbi de kɔ to.

¹¹Nye ŋkuwo la aɖatsi wòti kɔ na wo, nye dɔkaviwo ʋu dzo hẽ, eye nye aklã wó ɖe dɔ me nam le nye dukɔ ƒe nyɔnu ƒe anyidzedze la, esime nu te ɖeviwo kple vidziewo ŋu le ɖua ƒe kpɔdomeewo.

¹²Wogblɔ na wo ɖadawo be: Bli kple wein ɖe? Eye nu le wo ŋu le ɖua ƒe kpɔɖonieewo abe ame xɔabi ene, eye woƒe gbɔgbɔ do le wo me le wo dadawo ƒe akɔ nu.

¹³Yerusalem-nyɔnuvi, ameka matsɔ asa kpli wò, ne wòaɖi wò? Zion-ɖetugbi ameka matsɔ aɖo ŋuwò, ne mafa akɔ na wò? Elabena wò abi lolo abe atsiaƒu ene, amekae ada gbe le ŋuwò ma?

¹⁴Wò nyagblɔdilawo gblɔ alakpanya kple nya mastatsa ɖi na wò, eye womeklo nu le wò vodadawo dzi, ne woagaɖo wò te o, ke boŋ wogblɔ alakpanya kple ameflunya ɖi na wò.

¹⁵Amesiwo katã va tso eme yi la, si akpe ɖe ŋuwò, woɖe tsiã heʋuʋu ta ɖe Yerusalem-nyɔnuvi ŋu be: Du, si ŋu wogblɔ le be, enye nyonyowo seƒe kple anyigba blibo la ƒe dzidzɔ la, enye esia?

¹⁶Wò fulɔwo katã ke nu ɖe ŋuwò baa, wodo tsia heɖu aɖukli gblɔ bena: Míetsrɔ̃e! Ehɛ̃, ŋkeke, si míele mɔ kpɔm na la, enye esia, míaƒe asi su edzi, míekpɔ eteƒe kple ŋku!

¹⁷Yehowa wɔ eƒe tame, si wòɖo la, de goe, eye wòwɔ eƒe nya, si ŋugbe wòdo tso blema ka la dzi; egbã nu ƒu anyi, mekpɔ eta o, ena wò futɔwo kpɔ dzidzɔ ɖe ŋuwò, eye wòdo wò ketɔwo ƒe dzo ɖe dzi.

¹⁸Eƒe dzi do ɣli na Aƒetɔ la. Zion-nyɔnuvi ƒe gli, na wò aɖatsi nasi abe tɔʋu ene zã kple keli; megagbɔ ɖe eme o, eye megana wò ŋkuvi nakpɔ gbɔdzɔe o.

¹⁹Fɔ nado ɣli le zã le ŋudzɔɣi ƒe gɔmedzedze! Trɔ wò dzi ƒo ɖe Aƒetɔ la ŋku me abe esi ene! Wu wò asiwo dzi nɛ le viwò, siwo dɔwuame na no te wo ŋu ɖe kpɔdomeewo ƒe dzogoewo katã dzi la ƒe agbe ta!

²⁰Yehowa ɖo ŋku anyi, ne nakpɔ nu, ameka newɔ esiae? Ɖe nyɔnuwo aɖu woƒe dɔmevi, ɖevi, siwo dzi wokpɔa? Ɖe woawu nunɔla kple nyagblɔɖila ɖe Aƒetɔ la ƒe kɔkɔeƒe laa?

²¹Ɖeviwo kple amegã ɖeɖiwo ɖo baba ɖe anyigba le kpɔdomeewo, eye nye ɖetugbiwo kple nye ɖekakpuiwo tsi yi nu. Eda nu eme le wò dɔmedzoedogbe, eye nèwu ame, mèkpɔ eta o.

²²Eyɔ ŋɔdzi ɖe ŋunye godoo abe le ŋkekenyuieɖugbe ene, eye amea ɖeke mesi alo susɔ le Yehowa ƒe dɔmedzoedogbe o. Amesiwo dzi mekpɔ, eye menyi wotsi la, nye futɔ tsrɔ̃ wo.