Read ewe Konyifahawo 4 Bible Online

Konyifahawo 4 - ewe bible

Konyifahawo 4

¹Aleke sika nya tsiɖitsiɖi, eye sika nyui ƒe nɔnɔme trɔ? Aleke wolɔ kpe kókɔewo kɔ ɖe kpɔɖomee ƒe dzogoewo katã dzi?

²Aleke Zion ƒe vi vevi, siwo wobuna abe sika ene la, sɔ kple sonugaglɛ, si nye zemela ƒe asinudɔwɔwɔ?

³Keke amegãxi ke hã nua no viawo wonona, ke nye dukɔ ƒe nyɔnuvi le ŋlɔmie wɔm abe golo le gbe dzi ene.

⁴Tsikɔ na vidzĩewo ƒe aɖe lé de aŋɔƒome na wo, ɖeviwo bia abolo, ke amea ɖeke mekae na wo o.

⁵Amesiwo du nu vivivo tsã la, nu te wo ŋu le kpɔdomeewo, amesiwo ta aɖabɛ tsã la, le gbeɖuɖɔ me.

⁶Nye dukɔ ƒe nyɔnuvi ƒe vodadawo só gbɔ wu Sodom, si wotrɔ bu anyi le aɖabaƒoƒo ɖeka me, eye amea ɖeke mekpe asi ɖe eŋu o la ƒe nuvɔ̃wo.

⁷Woƒe amegãwo da dzo wu sno, eye wotu wu notsi, woƒe mo blã wu soe, eye woƒe nɔnɔme nɔ abe gbloti ene.

⁸Ke azɔ la woƒe dzedzeme nya wu zemabi, eye amea ɖeke medzea si wo le kpɔdomee o. Woƒe agbalẽ lé ɖe woƒe ƒuwo ŋu kpaɖii, eye wòƒu abe nake ene.

⁹Amesiwo tsi yi nu tɔ nyo wu amesiwo esi dɔwuame si me tɔ, nu li kɔ na wo, eye woku, le esi agblemenu le hiahiãm ta.

¹⁰Nyɔnu, siwo ame ƒe nu wɔa nublanui na la ƒe asi ɖa woawu ŋutɔ ƒe viwo, eye wonye nuɖuɖu na wo le nye dukɔ ƒe nyɔnuvi la gblẽɣi.

¹¹Yehowa wu eƒe dziku nu, eye wòtrɔ eƒe dɔmedzoe ƒo ɖe anyi, eɖo dzo ɖe Zion, eye wòfiã eƒe agunusɔtiwo.

¹²Anyigba dzi fiawo kple xexeametɔwo katã mexɔe se be, ketɔ kple futɔ la age ɖe Yerusalem ƒe agbowo me hafi o.

¹³Eva me le woƒe nyagblɔɖilawo ƒe nuvɔ̃wo kple woƒe nunɔlawo ƒe vodadawo la, amesiwo kɔ ame dzɔdzɔewo ƒe ʋu ɖe anyi le eme.

¹⁴Wole tsa glãla tsam le kpɔɖotnee abe ŋkunuwo ene, eye woƒo ʋu, ale be amea ɖeke mete ŋu ɖe asi woƒe avɔwo ŋu o.

¹⁵Wole ɣli dom ɖe wo ŋu be: Midzo, mi ame makɔmakɔwo, midzo, midzo, migaka asi naneke ŋu o! Eye esi wosi hele tsa glãla tsam la, wogblɔ le dukɔwo dome be: Womele anyi nɔ ge ɖiɖie o!

¹⁶Yehowa ƒe adãmo kako wo hlẽ, magaɖe ŋku ɖe wo ŋu azɔ o. Womebu nunɔiawo o, eye womeve amegã ɖeɖiwo nu o.

¹⁷Míaƒe ŋkuwo le xɔname dzodzroa ŋu, wòti kɔ na wo; eye esi míele mɔ kpɔm la, míetsa ŋku ɖo dukɔ, si mate ŋu axɔ na ame o la ŋu.

¹⁸Wole ŋku ɖem ɖe míaƒe afɔɖeɖe ŋu hã, ale be míaƒe mawo dzi toto zu dɔ; míaƒe nuwuwu tu aƒe, miaƒe ŋkekewo de, elabena míaƒe nuwuwu ɖo.

¹⁹Mía yometilawo ɖi du wu hɔ̃ le dziƒo ŋu; woyɔ mi ɖe nu le towo dzi, eye woɖe xa ɖe gbe dzi na mi.

²⁰Míaƒe agbegbɔgbɔ, si nye Yehowa ƒe amesiamina la, ge ɖe woƒe ʋe me; eya amesi ŋu míegblɔ le be: Míanɔ agbe le eƒe vɔvɔli te le dukɔwo dome la.

²¹Eɖom-nyɔnuvi, wò Uz-nyigba dzi nyɔnu, tso aseye, nakpɔ dzidzɔ; kplu la le vava ge na wò hã, eye namu aha aɖe ama.

²²Zion-nyɔnuvi, wò vodada se ɖo, eye maganyã wò ade gbe azɔ o. Edom-nyɔnuvi, ahe to na wò vodada, eye aklo nu le wò nuvɔ̃wo dzi.