Read ewe Xezekiel 9 Bible Online

Xezekiel 9 - ewe bible

Xezekiel 9

¹Emegbe wòdo ɣli ɖe to me nam sesĩe gblɔ bena: Mihe du la ƒe tohehe vɛ, eye amesiame nele eƒe amewunu de asi!

²Tete ŋutsu ade to dzigbegbo, si ɖo ta anyiehe la ƒe mɔ va, wo dome amesiame lé ametsrɔ̃nu ɖe asi, eye ŋutsua ɖe le dome na wo, amesi ta aklala, eye agbalẽŋlɔnu le aklito nɛ. Eye wova he tsi tre ɖe akɔblivɔsamlekpui la xa.

³Eye Israel ƒe Mawu ƒe ŋutikɔkɔe la ho tso Kerubiawo ta me, afisi wònɔ tsã la, heyi ɖe xɔ la ƒe kpui nu. Tete wòyɔ ŋutsu, si ta aklala, eye agbalẽŋlɔnu le aklito nɛ la.

⁴Eye Yehowa gblɔ ne bena: Yi naɖatsa le Yerusalem dua me, eye made dzesi ŋgonu na amesiwo le hũ ɖem, eye wole nu xam ɖe ŋunyɔnu, siwo katã wole wɔwɔm le eme ŋuti la.

⁵Ke egblɔ na ame kemeawo mese bena: Minɔ eyome miatsa le dua me, eye mida nu ame! Miaƒe ŋku megakpɔ nublanui o, eye migakpɔ ame ta o.

⁶Miwu amegã ɖeɖiwo, ɖekakpuiwo kple ɖetugbiwo, ɖeviwo kple nyɔnuwo, ne miatsrɔ̃ wo; ke migade asi amesiwo katã ŋu dzesi le la ŋuti o, eye midze egɔme tso nye kɔkɔeƒe la gbɔ! Tete wodze egɔme ɖe ame tsitsi, siwo le aƒea ŋgɔ la ŋu

⁷Eye wògblɔ na wo bena: Migblẽ kɔ ɖo na aƒe la, eye mitso ame kukuwo yɔ xɔxɔnu la taŋ! Miho yi! Tete woyi ɖawu amewo le dua me.

⁸Eye wòva me, esime wowu wo, eye nye ɖeka mekpɔtɔ la, metsyɔ mo anyi hedo ɣli gblɔ bena: Ao, Aƒetɔ Yehowa, Israel ƒe ame susɔeawo katãe nèbe, yeatsrɔ̃, esi nètrɔ̃ wò dziku ƒo ɖe Yerusalem dzia?

⁹Tete wòɖo ŋu nam bena: Israel ƒe aƒe kple Yuda ƒe vodada sɔ gbɔ ŋutɔ, hlɔ̃dodo yɔ anyigba dzi, eye nu madzɔmadzɔ wɔwɔ le dua me fũ; elabena wole gbɔgblɔm be: Yehowa gblẽ anyigba la ɖi, Yehowa mele mía kpɔm o.

¹⁰Eyata nye hã nye ŋku makpɔ nublanui o, eye nyemakpɔ wo la o, ke boŋ mahe woƒe zɔzɔme ava woƒe ta dzi.

¹¹Eye kpɔ ɖa, ŋutsu, si ta aklala, eye agbalẽŋlɔnu le aklito nɛ la, trɔ gbɔ gblɔ bena: Mewo, abe alesi nède se nam ene.