Read ewe Mose IV 1 Bible Online

Mose IV 1 - ewe bible

Mose IV 1

¹Esi woʋu tso Egipte-nyigba dzi ƒe eve megbe la, Yehowa ƒo nu kple Mose le ɣleti evelia ƒe ŋkeke gbãtɔ dzi le Mawu ƒe agbadɔ la me, le Sinai-gbedzi bena:

²Mixlẽ ŋutsu, siwo le Israel-viwo ƒe ha blibo la me la, ƒe ŋkuwo ɖekaɖeka le woƒe ƒomewo kple wo fofowo ƒe aƒewo nu.

³Mia kple Aron mina Israeltɔ, siwo xɔ ƒe blave kple va, eye woate ŋu ade aʋa la, xlẽ hamehame.

⁴Eye miɖe ŋutsu ɖekaɖeka le to sia to me, amesiwo nye ta le wo fofowo ƒe aƒe nu la, kpe ɖe mia ɖokui ŋu.

⁵Ŋutsu, siwo akpe ɖe mia ŋu la, ƒe ŋkɔwo nye si: Elizur, Sedeur vi, tso Ruben-to la me;

⁶Selumtel, Zurisadai vi, tso Simeon-to la me;

⁷Naheson, Aminadab vi, tso Yuda-to lãme;

⁸Netaneel, Zuar vi, tso Isaxar-to la, me;

⁹Eliab, Xelon vi, tso Zebulon-to la me;

¹⁰Yosef viwo tɔwo aye: Elisama, Amihud vi, tso Efrayim-to la me kple Gamliel, Pedazur vi, tso Manase-to la me.

¹¹Abidam, Gideoni vi, tso Benyamin-to la me.

¹²Axiezer, Amisadai vi, tso Dan-to la me;

¹³Pagiel, Oxran-vi, tso Aser-to tame;

¹⁴Elyasaf, Deguel vi, tso Gad-to la me;

¹⁵Axira, Enan vi, tso Naftali-to la me. Esiawo nye amesiwo woyɔ le ha la dome, amesiwo nye wo fofowo ƒe towo ƒe amegãwo kple tatɔwo le Israel ƒe ame akpewo nu.

¹⁶

¹⁷Mose kple Aron tia ŋutsu, siwo ŋkɔ woyɔ,

¹⁸eye woƒo ha blibo la nu ƒu le ɣleti evelia ƒe ŋkeke gbãtɔ dzi, eye wode amesiwo xɔ ƒe blave kple vo la, ƒe ŋkɔwo dzidzimegbalẽ me ɖekaɖeka le woƒe ƒomewo kple wo fofowo ƒe aƒewo nu,

¹⁹abe alesi Yehowa ɖe se na Mose ene. Eye wotia wo xlẽ le Sinai-gbedzi.

²⁰Eye woxlẽ ŋutsu, siwo katã xɔ ƒe blave kple vo, eye woate ŋu ade aʋa le Israel-ƒe ŋgɔgbevi Ruben ƒe dzidzimeviwo dome la, ƒe ŋkɔwo ɖekaɖeka le woƒe ƒomewo kple wo fofowo ƒe aƒewo nu.

²¹Amesiwo wotia xlẽ le Ruben-to me la, wole ame akpe blane vo ade alafa atɔ̃.

²²Woxlẽ ŋutsu, siwo katã xɔ ƒe blave kple vɔ, eye woate ŋu ade aʋa te Simeon ƒe dzidzimeviwo dome la, ƒe ŋkɔwo ɖekaɖeka le woƒe ƒomewo kple wo fofowo ƒe aƒewo nu.

²³Amesiwo wotia xlẽ le Simeon-to me la, wole ame akpe blaatɔ̃ vɔ asieke alafa atɔ̃.

²⁴Eye woxlẽ amesiwo xɔ ƒe blave kple vɔ, eye woate ŋu aɖe aʋa le Gad ƒe dzidzimeviwo dome la, ƒe ŋkɔwo le woƒe ƒomewo kple wo fofowo ƒe aƒewo nu.

²⁵Amesiwo wotia xlẽ le Gad-to me la, wole ame akpe blane vɔ atɔ̃ alafa ade blaatɔ̃.

²⁶Woxlẽ amesiwo xɔ ƒe; blave kple vɔ, eye woate ŋu ade; aʋa le Yuda ƒe dzidzimeviwo dome la, ƒe ŋkɔwo le woƒe ƒomewo kple wo fofowo ƒe aƒewo nu.

²⁷Amesiwo wotia xlẽ le Yuda-to me la, wole ame akpe blaadre vɔ ene alafa ade.

²⁸Eye woxlẽ amesiwo xɔ ƒe blave kple vɔ, eye woate ŋu ade aʋa le Isaxar ƒe dzidzimeviwo dome la, ƒe ŋkɔwo le woƒe ƒomewo kple wo fofowo ƒe aƒewo nu.

²⁹Amesiwo wotia xlẽ le Isaxar ƒe to me la, wole ame akpe blaatɔ̃ vɔ ene alafa ene.

³⁰Woxlẽ amesiwo xɔ ƒe blave kple vɔ, eye woate ŋu ade aʋa le Zebulon ƒe dzidzimeviwo dome la, ƒe ŋkɔwo le woƒe ƒomewo kple wo fofowo ƒe aƒewo nu.

³¹Amesiwo wotia xlẽ le Zebulon-to me la, wole ame akpe blaatɔ̃ vɔ adre alafa ene.

³²Yosef viwo tɔwo nye si: Woxlẽ amesiwo xɔ ƒe blave kple vɔ, eye woate ŋu ade aʋa le Efrayim ƒe dzidzimeviwo dome la, ƒe ŋkɔwo le woƒe ƒomewo kple wo fofowo ƒe aƒewo nu.

³³Amesiwo wotia xlẽ le Efrayim-to me la, wole ame akpe blane alafa atɔ̃.

³⁴Eye woxlẽ amesiwo xɔ ƒe blave kple vɔ, eye woate ŋu ade aʋa le Manase ƒe dzidzimeviwo dome la, ƒe ŋkɔwo le woƒe ƒomewo kple wo fofowo ƒe aƒewo nu.

³⁵Amesiwo wotia xlẽ le Manase-to me la, wole ame akpe blaetɔ̃ vɔ eve alafa eve.

³⁶Woxlẽ amesiwo xɔ ƒe blave kple vɔ, eye woate ŋu ade aʋa le Benyamin ƒe dzidzimeviwo dome la, ƒe ŋkɔwo le woƒe ƒomewo kple wo fofowo ƒe aƒewo nu.

³⁷Amesiwo wotia xlẽ le Benyamin-to me la, wole ame akpe blaetɔ̃ vɔ atɔ̃ alafa ene.

³⁸Eye woxlẽ amesiwo xɔ ƒe blave kple vɔ, eye woate ŋu ade aʋa le Dan ƒe dzidzimeviwo dome la, ƒe ŋkɔwo le woƒe ƒomewo kple wo fofowo ƒe aƒewo nu.

³⁹Amesiwo wotia xlẽ le Dan-to me la, wole ame akpe blaade vɔ eve alafa adre.

⁴⁰Woxlẽ amesiwo xɔ ƒe blave kple vɔ, eye woate ŋu ade aʋa le Aser ƒe dzidzimeviwo dome la, ƒe ŋkɔwo le woƒe ƒomewo kple wo fofowo ƒe aƒewo nu.

⁴¹Amesiwo wotia xlẽ le Aser-to me la, wole ame akpe blane vɔ ɖeke alafa atɔ̃.

⁴²Eye woxlẽ amesiwo xɔ ƒe blave kple vɔ, eye woate ŋu ade aʋa le Naftali ƒe dzidzimeviwo dome la, ƒe ŋkɔwo le woƒe ƒomewo kple wo fofowo ƒe aƒewo nu.

⁴³Amesiwo wolia xlẽ le Naftali-to me la, wole ame akpe blaatɔ̃ vɔ̃ etɔ̃ alafa ene.

⁴⁴Esiawo nye amesiwo Mose kple Aron kpakple Israel ƒe amegãwo tia xlẽ; amegãwo le wo ame wuieve, to ɖeka ame ɖeka.

⁴⁵Eye wotia Israel-viwo katã xlẽ le wo fofowo ƒe aƒewo nu, amesiwo katã xɔ ƒe blave kple vɔ, eye woate ŋu ade aʋa le Israel.

⁴⁶Amesiwo katã wotia xlẽ la, le ame akpe alafa ade kple etɔ̃ alafa atɔ̃ blaatɔ̃.

⁴⁷Ke womexlẽ Lewitɔwo fofo ƒe to kpe ɖe wo ŋu o.

⁴⁸Eye Yehowa ƒo nu kple Mose bena:

⁴⁹Megatia amewo xlẽ le Lewi-to la me o, eye megatsɔ woƒe xexlẽme kpe ɖe Israel-vi bubuawo tɔ ŋu o;

⁵⁰ke boŋ natsɔ nɔƒe, si me se la le, kple eŋu nuwo katã ade Lewitɔwo si. Woawo natsɔ nɔƒe la kple eŋu nuwo, eye woakpɔ wo dzi, eye woaƒu asaɖa anyi ɖe nɔƒe la ŋu godoo ava kpe.

⁵¹Ne nɔƒe la le hoho ge la, Lewitɔwo nakakae, eye ne nɔƒe la ɖo droƒe la, ekema Lewitɔwo natui; gake ne tame tutɔa ɖe te va la, woawui.

⁵²Israel-vi bubuawo naƒu asaɖa anyi ɖe woƒe teƒewo le woƒe aflagawo gbɔ hamehame;

⁵³ke Lewitɔwo naƒu asaɖa anyi ɖe nɔƒe, si me se la le, ŋuti godoo ava kpe, bena dɔmedzoe magabi ɖe Israel-viwo ƒe ha la ŋu o. Eyata Lewitɔwo nalé ŋku ɖe nɔƒe, si me sea le la, ŋuti ɖoɖoawo ŋu.

⁵⁴Eye Israel-viwo wɔ, abe alesi Yehowa de se na Mose ene.