Read ewe Mose IV 12 Bible Online

Mose IV 12 - ewe bible

Mose IV 12

¹Eye Miryam kple Aron ƒo nu le Mose ŋu le Kus-nyɔnu la ta, elabena eɖe Kus-nyɔnu

²hegblɔ bena: Alo Mose ɖeɖe koe Yehowa ƒo nu kplia? Ɖe meƒo nu kple miawo hã oa? Eye Yehowa see.

³Ke Mose la wu amesiwo katã le anyigba dzi.

⁴Eye Yehowa gblɔ na Mose kple Aron kpakple Miryam bena: Mia kple etɔ̃ la mido va Mawu ƒe agbadɔ la gbɔ, eye woa kple etɔ̃ la wodo va.

⁵Tete Yehowa ɖi va agbadɔ la nu le alilikpo dodoa ɖe me, eye wòyɔ Aron kple Miryam, eye woa kple eve la woyi.

⁶Eye wògblɔ bena: Mise gbenye! Ne amea ɖe nye Yehowa ƒe nyagblɔɖila le mia dome la, ekema meɖea ɖokuinye fianɛ le ŋutega me, eye meƒoa nu kplii le drɔ̃e me.

⁷Ke menye alea mewɔna na nye dɔla Mose, amesi nye anukwaretɔ le nye aƒe blibo la nu o;

⁸boŋ nye ŋutɔ meƒoa nu kplii ŋku me kple ŋku me, nyemetoa adzo nɛ o, ke boŋ meɖea nuawo ŋutɔ fia nɛ, eye wòkpɔ Yehowa ƒe dzedzeme. Nukaŋuti mieva nye dɔla o, eye mieƒo nu le Mose ŋua?

⁹Eye Yehowa do dɔmedzoe ɖe wo ŋu hedzo.

¹⁰Esi alilikpo la ho tso agbadɔa dzi la, kasia Miryam dze anyi, eye wòfu ɣie abe agbelimɔwɔtsi ene; eye esi Aron trɔ ɖe Miryam ŋu la, kpo ɖa, edze anyi.

¹¹Tete Aron gblɔ na Mose bena: Ao, nye aƒetɔ, megana woahe to na mí le nuvɔ̃, si míetsi bome wo la ta o.

¹²Megana wòano abe ɖevi, si ku ɖe dɔ me na dada, eye eƒe akpa ɖeka vo, hafi wodzii la ene o!

¹³Tete Mose ɖo ɣli na Yehowa bena: Ao, yɔ dɔe dzro!

¹⁴Yehowa ɖo ŋu na Mose bena; Ɖe wònye fofoa ye ɖe ta ɖe mo nɛ la, ne ŋu makpee ŋkeke adre oa? Eyata woatui ɖe xɔ me le asaɖa godo ŋkeke adre, emegbe hafi woagaxɔe.

¹⁵Ale woɖe Miryam xa ɖe asaɖa godo ŋkeke adre; ke dukɔ la meho o, vaseɖe esime wogaxɔ Miryam hafi.

¹⁶Emegbe dukɔ la ho tso Xazerot, eye woƒu asaɖa anyi ɖe Paran-gbedzi.