Read ewe Mose IV 14 Bible Online

Mose IV 14 - ewe bible

Mose IV 14

¹Tete ha blibo la do ɣlikpɛ, eye dukɔ la fa avi le zã ma me.

²Eye Israel-viwo katã li Mose kple Aron ŋu, eye ha blibo la gblɔ na wo bena: Oo, ɖe mieku le Egipte-nyigba dzi boŋ, ɖe mieku le gbe sia dzi boŋ la, ne nyo wu!

³Nukata gɔ̃ Yehowa kplɔ mí va anyigba sia dzi, bena míatsi yi nu, eye mia srɔ̃wo kple mia viwo nazu aboyonu? Ne míagbugbɔ ayi Egipte la, ɖe manyo na mí awu oa?

⁴Eye wogblɔ na wo nɔewo bena: Mina míaɖo tatɔ na mía ɖokui, eye míagbugbɔ ayi Egipte!

⁵Tete Mose kple Aron tsyɔ mo anyi ɖe Israel-viwo ƒe ha blibo la katã ŋku me.

⁶Ke Yosua, Nun vi, kple Kaleb, Yefune vi, amesiwo hã ɖe ɖatsa ŋku la, dze woƒe awuwo,

⁷eye wogblɔ na Israel-viwo ƒe ha blibo la bena: Anyigba, si dzi miede ɖatsa ŋku le la, nyo ʋuu keke tso me.

⁸Ne miaƒe nu dze Yehowa ŋu ko la, ekema akplɔ mí ayi anyigba sia dzii, eye wòatsɔ anyigba, si dzi notsi kple anyitsi bɔ ɖo la, na mi.

⁹Ɖeko migadze aglã ɖe Yehowa ŋu o, eye migavɔ̃ anyigbadzitɔwo o, elabena wole na mi abe abolo ene. Luʋɔ dzo le wo ta, ke Yehowa li kpli miawo ya, eyata migavɔ̃ wo o!

¹⁰Ke ha blibo la be, yewoaƒu kpe wo woaku, tete Yehowa ƒe ŋutikɔkɔe do ɖe Mawu ƒe agbadɔ la gbɔ le Israel-viwo katã ŋku me.

¹¹Eye Yehowa gblɔ na Mose bena: Zi nenie gɔ̃ dukɔ sia ado vlom, eye zi nenie woagbe dzinye xɔxɔ ase? Evɔ wonye mewo dzesi geɖewo le wo dome hafi?

¹²Eyata matsɔ dɔvɔ̃ atsrɔ̃ wo, eye mana dukɔ gãa ɖe, si asẽ ŋu wu wo la, nadzo tso mewo

¹³Mose gblɔ na Yehowa bena: Evɔ wònye Egiptetɔwo see bena, etsɔ wò ŋusẽ kplɔ dukɔ sia tso wo dome ɖe?

¹⁴Eye amesiwo see la, agblɔe na anyigba sia dzitɔwo bena: Wo Yehowa ŋutɔ ena dukɔ sia dome, èɖe ɖokuiwò ba wo wokpɔ kɔte, eye wò alilikpo nɔ wo dzi; wò Yehowa ŋutɔ ezɔ wo ŋgɔ le alilikpo dodoa ɖe me le ŋkeke me, eye nezɔ wo ŋgɔ le dzobibi me le zã me.

¹⁵Nenye be, awu dukɔ sia abe ame ɖeka ene la, ekema dukɔ, siwo se nyaa le ŋuwò la, agblɔ be:

¹⁶Ɖe Yehowa mekpe, be wòakplɔ dukɔ sia ayi anyigba, si ŋu woka atam ɖo na wo la dzi o; eyata wowu wo ɖo.

¹⁷Eyata Aƒetɔ, ɖe wo ŋusẽ fia, abe alesi negblɔ ene be:

¹⁸Yehowa gbɔa dzi blewu, eye eƒe amenuveve sɔ gbɔ, etsɔa vodada kple dzidada kena, ke megbea tohehe o, boŋ etua fofowo ƒe vodadawo ŋuti fe na viwo vaseɖe dzidzime etɔ̃lia kple enelia dzi.

¹⁹Eyata tsɔ dukɔ sia ƒe vodada ke wo le wò amenuveve gã la nu, abe alesi nẽtsɔe ke dukɔ sia tso Egipte ke vaseɖe afisia ene.

²⁰Yehowa ɖo ŋu be: Matsɔe ake, abe alesi nègblɔ ene.

²¹Gake zi alesi mele agbe, eye Yehowa ƒe ŋutikɔkɔe ayɔ anyigba blibo la dzi la, ayɔ anyigba blibo la dzi

²²ŋutsu, siwo katã kpɔ ŋutikɔkɔe kple dzesi, siwo mewo le Egipte kple gbeadzi, gake wotem kpo zi ewo, eye womeɖo to nye gbe o la,

²³makpɔ anyigba, si ŋu meka atam ɖo na wo fofowo la o, eye amesiwo katã do vlom la, hã makpɔe o!

²⁴Ke makplɔ nye dɔla Kaleb ayi anyigba, si dzi wògbɔ tso la dzi, eye wòazu eƒe dzidzimeviwo to, elabena gbɔgbɔ bubu le eme, eye wodze yonyeme blibo.

²⁵Ke Amalekitɔwo kple Kanaanitɔwo nɔ gbadzaƒe. Etsɔ miaho agbugbɔ aɖo ta gbedzi le Avaƒu la gbɔ!

²⁶Eye Yehowa ƒo nu kple Mose kpakple Aron bena:

²⁷Zi nenie gã ha vɔ̃ɖi sia ali ŋunye? Elabena mese alesi Israel-viwo li liʋĩliʋĩ ɖe ŋunye lae.

²⁸Gblɔ na wo be, Yehowa ƒe numegbe enye si: Meta nye agbe be, mawo mi, abe alesi miegblɔ ɖe nye to me ene!

²⁹Mia dometɔ, siwo wotia xlẽ amesiwo xɔ ƒe blave kple vo la, woaku ɖe gbe sia dzi keŋkeŋ, le esi mieli ŋunye la ta.

³⁰Miade anyigba, si ŋu meka atam ɖo na mi be, mianɔ edzi la dzi o, negbe Kaleb, Yefune vi, kple Yosua, Nun vi ko.

³¹Ke makplɔ mia vi, siwo ŋu miegblɔ le be, woazu aboyonu la, ayi edzi, bena woakpɔ anyigba, si miedo vloe la.

³²Gake miawo miaku ɖe gbe sia dzi kokoko.

³³Mia viwo anye lãnyilawo le gbeadzi ƒe blane sɔŋ, eye woaxɔ miaƒe nuvɔ̃wo atsɔ, vaseɖe esime miaku avɔ le gbeadzi keŋkeŋ hafi.

³⁴Ŋkeke blane, siwo mietsɔ ɖatsa ŋku le anyigbaa dzii la, nu miatsɔ miaƒe vodadawo ɖo ƒe blane; ŋkeke ɖeka nanye ƒe ɖeka, bena miadze su bena, metrɔ le mia yome.

³⁵Nye Yehowae gblɔe, eye alea mawɔ ha vɔ̃ɖi sia, si dze aglã ɖe ŋunye lae; gbe sia dzi woatsrɔ̃ ɖo, eye afisia woaku ɖo!

³⁶Eye Yehowa na ɖɔ vɔ̃ɖia ɖe ɖo amesiwo Mose dɔ be, woaɖatsa ŋku le anyigba dzi, amesiwo trɔ gbɔ, eye wode ŋɔdzi anyigba la ŋu hena ha blibo la li eŋu la dome,

³⁷eye woku, le esi wode ŋɔdzi anyigbaa ŋu la ta.

³⁸Ke Yosua, Nun vi, kple Kaleb, Yefune vi, koe tsi agbe le ŋutsu, siwo ɖe ɖatsa ŋku le anyigbae dzi la dome.

³⁹Esi Mose gblɔ nya siawo na Israel-viwo katã la, dukɔ la xa nu ŋutɔ.

⁴⁰Wotso ŋdi kanya, eye wolia to la hegblɔ bena: Ɖe mieva afisia, be míayi teƒe, si ŋu Yehowa ƒo nu le la; elabena miewo nuvɔ̃.

⁴¹Ke Mose gblɔ bena: Nukaŋuti miele Yehowa ƒe se la dzi dam? Mehele edzi dze ge o!

⁴²Migayi o, elabena Yehowa mele mia dome o, bena miaƒe futɔwo magasi mi o!

⁴³Amalekitɔwo kple Kanaanitɔwo le mia ŋgɔ le afima, eye míatsi yi nu. Esi mietrɔ le Yehowa yome la, eyata Yehowa manɔ kpli mi o.

⁴⁴Ke wosẽ tame helia to la, gake Yehowa ƒe nubablaɖaka la kple Mose wotsi asaɖa la me.

⁴⁵Tete Amalekitɔwo kple Kanaanitɔwo, amesiwo le to sia dzi la, va si wo, eye woka wo hlẽ vaseɖe Xorma ke.