Read ewe Mose IV 2 Bible Online

Mose IV 2 - ewe bible

Mose IV 2

¹Eye Yehowa ƒo nu kple Mose kple Aron bena:

²Israel-viwo naƒu asaɖa anyi ɖe woƒe aflaga, si nye wo fofowo ƒe to ƒe dzesi la gbɔ; woaƒu asaɖa anyi aƒo xlã Mawu ƒe agbadɔ la godoo va kpe.

³Yuda-to la naƒu asaɖa anyi ɖe woƒe aflaga gbɔ hamehame le ɣedzeƒe gome. Yuda-viwo ƒe amegã nye Naheson, Aminadab vi,

⁴amesi ƒe ana wɔlawo le ame akpe blaadre vo ene alafa ade.

⁵Isaxar-to la naƒu asaɖa anyi ɖe wo xa, Isaxar viwo ƒe amegã nye Netaneel, Zuar vi,

⁶amesi ƒe aʋawɔlawo le ame akpe blaatɔ̃ vɔ ene alafa ene.

⁷Eye Zebulon-to la nakpe ɖe wo ŋu. Zebulon viwo ƒe amegã nye Eliab. Xelon vi,

⁸amesi ƒe, aʋawɔlawo le ame akpe blaatɔ̃ vo adre alafa ene.

⁹Aʋawɔla, siwo katã le Yuda ƒe asaɖa me hamehame la, le ame akpe alafa ɖeka blanyi vo ade alafa ene. Ame siawo natre hoho.

¹⁰Ruben-to la naƒu asaɖa anyi ɖe woƒe aflaga gbã hamehame le dziehe gome. Ruben-viwo ƒe amegã nye Elizur, Sedeur vi,

¹¹amesi ƒe aʋawɔlawo le ame akpe blane vo ade alafa atɔ̃.

¹²Simeon ƒe to la naƒu asaɖa anyi ɖe wo xa. Simeon-viwo ƒe amegã nye Selumiel, Zurisadai vi,

¹³amesi ƒe aʋawɔlawo le ame akpe blaatɔ̃ vɔ asieke alafa etɔ̃.

¹⁴Eye Gad-to la nakpe ɖe wo ŋu Gad-viwo ƒe amegã nye Elyasaf, Reguel vi,

¹⁵amesi ƒe aʋawɔlawo le ame akpe blane vɔ atɔ̃ alafa ade blaatɔ̃.

¹⁶Aʋawɔla, siwo katã le Ruben ƒe asaɖa me hamehame la, le ame akpe alafa ɖeka blaatɔ̃ vɔ ɖeke alafa ene blaatɔ̃. Woawo nanye ha evelia, si aho.

¹⁷Emegbe Mawu ƒe agbadɔ la kple Lewitɔwo ƒe asaɖa, si le asaɖa bubuawo titina la, naho. Alesi woƒu asaɖa anyii la, nenema ŋu woaho ɖo; amesiame nanɔ eteƒe le eƒe aflaga gbɔ.

¹⁸Efrayim-to la naƒu asaɖa anyi ɖe woƒe aflaga gbɔ hamehame le ɣetoɖoƒe gome. Efrayim-viwo ƒe amegã nye Elisama, Amihud vi,

¹⁹amesi ƒe aʋawɔlawo le ame akpe blane alafa atɔ̃.

²⁰Manase ƒe to la naƒu asaɖa anyi ɖe wo xa. Manase-viwo ƒe amegã nye Gamliel, Pedazur vi,

²¹amesi ƒe aʋawɔlawo le ame akpe blaetɔ̃ vɔ eve alafa eve.

²²Eye Benyamin-to la nakpe ɖe wo ŋu. Benyamin-viwo ƒe amegã nye Abidan, Gideoni vi,

²³amesi ƒe aʋawɔlawo le ame akpe blaetɔ̃ vɔ atɔ̃ alafa ene.

²⁴Aʋawɔla, siwo katã le Efrayim ƒe asaɖa me, hamehame la, le ame akpe alafa ɖeka kple enyi alafa ɖeka. Woawo nanye ha etɔ̃lia, si aho.

²⁵Dan-to la naƒu asaɖa anyi ɖe woƒe aflaga gbɔ hamehame le anyiehe gome. Dan-viwo ƒe amegã nye Axiezer, Amisadai vi,

²⁶amesi ƒe aʋawɔlawo le ame akpe blaade vɔ eve alafa adre.

²⁷Aser-to la naƒu asaɖa anyi ɖe wo xa. Aser-viwo ƒe amegã nye Pagiel, Oxran vi,

²⁸amesi ƒe aʋawɔlawo le ame akpe blane vɔ ɖeke alafa atɔ̃

²⁹Eye Naftali-to la nakpe ɖe wo ŋu. Naftali-viwo ƒe amegã nye Axira, Enan vi,

³⁰amesi ƒe aʋawɔlawo le ame akpe blaatɔ̃ vɔ etɔ̃ alafa ene.

³¹Aʋawɔla, siwo katã le Dan ƒe asaɖa me la, le ame akpe alafa ɖeka blaatɔ̃ vɔ adre alafa ade. Woawo nanye ha mlɔetɔ, si aho tewòƒe aflagawo nu.

³²Esiawo nye amesiwo wotia xlẽ le Israel-viwo dome le wo fofowo ƒe aƒewo nu Aʋawɔla, siwo katã le asaɖa me hamehame la, le ame akpe alafa ade kple etɔ alafa atɔ blaatɔ̃.

³³Ke wometia Lewitɔwo xlẽ kpe ɖe Israel-vi bubua wo ŋu o, abe alesi Yehowa de se na Mose ene.

³⁴Eye Israel-viwo wɔ, abe alesi Yehowa ɖe se na Mose ene. Alesi woƒo asaɖa anyi la, nenema ŋu woho ɖo, amesiame kple eƒe ƒome le wo fofowo ƒe aƒewo nu?