Read ewe Mose IV 29 Bible Online

Mose IV 29 - ewe bible

Mose IV 29

¹Ɣleti adrelia ƒe ŋkeke gbãtɔ enye takpegbe kɔkɔe na mi eve miawɔ asinudɔa ɖeke o; kpẽkugbe wòanye na mi.

²Eye i woatsɔ nyitsuvi ɖeka, agbo ɖeka kple alẽvi adre, siwo xɔ ƒe ɖekaɖeka, eye wosɔ blibo, asa numevɔe, ne wòaʋẽ lilili ɖe Yehowa.

³Eve miatsɔ wɔ memee efa ƒe ewoliawo etɔ, si wodzaba kple ami la, awɔ nuɖuvɔsa akpe ɖe nyitsu ɖeka la ŋu eta ƒe ewoliawo eve akpe ɖe agbo la ŋu,

⁴eye efa ƒe ewoliawo ɖeka akpe ɖe alẽvi adreawo dome ɖesiaɖe ŋu.

⁵Eye woatsɔ gbɔ̃tsu ɖeka asa nuvɔ̃vɔe ahatsɔ le avu na mi,

⁶hekpe ɖe ɣleti yeye dzi numevɔsa kple eŋu nuɖuvɔsa kpakple gbesiagbe numevɔsa kple, eŋu nuɖuvɔsa ŋuti; eye woawɔ wo ŋu nunovɔsawo ɖe ɖoɖo la nu, ne wòanye dzovɔsa, si aʋẽ lilili ɖe Yehowa.

⁷Ɣleti adrelia sia ƒe ŋkeke ewolia enye takpegbe kɔkɔe na mi, míatsi nu adɔ, eye miawɔ dɔa ɖeke o.

⁸Eye miatsɔ nyitsuvi ɖeka, agbo ɖeka kple alẽvi adre, siwo xɔ ƒe ɖekaɖeka la, asa numevɔ, ne wòaʋẽ lilili ɖe Yehowa; lãwo nasɔ blibo.

⁹Eye miatsɔ wɔ memee eta ƒe ewoliawo etɔ̃, si wodzaba kple ami la, awɔ nuɖuvɔsa akpe ɖe nyitsu la ŋu, efa ƒe ewoliawo eve akpe ɖe agbo ɖeka la ŋu,

¹⁰eye efa; ƒe ewoliawo ɖeka akpe ɖe alẽvi adreawo dome ɖesiaɖe ŋu.

¹¹Emegbe miatsɔ gbɔ̃tsu ɖeka asa nuvɔ̃vɔe vɔ akpe ɖe nuvɔ̃vɔsa, si wotsɔ lé avui kple gbesiagbe numevɔsa kpakple eŋu nuɖuvɔsa kple nunovɔsa ŋuti.

¹²Ɣleti adrelia te ŋkeke wuiatɔ̃lia enye takpegbe kɔkɔe na mi miawɔ asinudɔa ɖeke o, eye miaɖu ŋkekenyuie na Yehowa ŋkeke adre sɔŋ.

¹³Eye miatsɔ nyitsuvi wuietɔ̃, agbo eve kple alẽvi wuiene, siwo xɔ ƒe ɖekaɖeka la, asa numevɔ, si enye dzovɔsa la, ne wòaʋẽ lilili ɖe Yehowa; lãwo nasɔ blibo.

¹⁴Eye miatsɔ wɔ memee efa ƒe ewoliawo etɔ̃, si wodzaba kple ami la, awɔ nuɖuvɔsa akpe ɖe nyitsu wuietɔ̃awo dome ɖesiaɖe ŋu; efa ƒe ewoliawo eve akpe ɖe agbo eveawo dome ɖesiaɖe ŋu,

¹⁵eye efa ƒe ewolia wo ɖeka akpe ɖe alẽvi wuieneawo dome ɖesiaɖe ŋuti.

¹⁶Emegbe miatsɔ gbɔ̃tsu ɖeka asa nuvɔ̃vɔe akpe ɖe gbesiagbe numevɔsa kpakple eŋu nuɖuvɔsa kple nunovɔsa ŋuti.

¹⁷Miawu nyitsu wuieve, agbo eve kple alẽvi wuiene, siwo sɔ blibo, eye woxɔ ƒe ɖekaɖeka la, le ŋkeke evelia dzi.

¹⁸Eye miawɔ nuɖuvɔsa kple nunovɔsa ɖe nyitsuawo, agboawo kple alẽviawo ƒe agbɔsɔsɔme ŋu ɖe ɖoɖo la nu.

¹⁹Emegbe miatsɔ gbɔ̃tsu ɖeka asa nuvɔ̃vɔe akpe ɖe gbesiagbe numevɔsa kpakple eŋu nuɖuvɔsa kple nunovɔsa ŋuti.

²⁰Eye miawu nyitsu wuiɖekɛ, agbo eve kple alẽvi wuiene, siwo sɔ blibo la, le ŋkeke etɔ̃lia dzi,

²¹eye miawɔ nuɖuvɔsa kple nunovɔsa le nyitsuawo, agboawo kple alẽviawo ƒe agbɔsɔsɔme ŋu ɖe ɖoɖo la nu.

²²Emegbe miatsɔ gbɔ̃tsu ɖeka asa nuvɔ̃vɔe akpe ɖe gbesiagbe numevɔsa kpakple eŋu nuɖuvɔsa kple nunovɔsa ŋuti.

²³Miawu nyitsu ewo, agbo eve kple alẽvi wuiene, siwo sɔ blibo, eye woxɔ ƒe ɖekaɖeka la, le ŋkeke enelia dzi,

²⁴eye miawɔ nuɖuvɔsa kple nunovɔsa ɖe nyitsuawo, agboawo kple alẽviawo ƒe agbɔsɔsɔme ŋu ɖe ɖoɖo la nu.

²⁵Emegbe miatsɔ gbɔ̃tsu ɖeka asa nuvɔ̃vɔe akpe ɖe gbesiagbe numevɔsa kpakple eŋu nuɖuvɔsa kple nunovɔsa ŋuti.

²⁶Eye miawu nyitsu asieke, agbo eve kple alẽvi wuiene, siwo sɔ blibo, eye woxɔ ƒe ɖekaɖeka la, le ŋkeke atɔ̃lia dzi,

²⁷eye miawɔ nuɖuvɔsa kple nunovɔsa ɖe nyitsuawo, agboawo kple alẽviawo ƒe agbɔsɔsɔme ŋu ɖe ɖoɖo la nu.

²⁸Emegbe miatsɔ gbɔ̃tsu ɖeka asa nuvɔ̃vɔe akpe ɖe gbesiagbe numevɔsa kpakple eŋu nuɖuvɔsa kple nunovɔsa ŋuti.

²⁹Miawu nyitsu enyi, agbo eve kple alẽvi wuiene, siwo sɔ blibo, eye woxɔ ƒe ɖekaɖeka la, le ŋkeke adelia dzi,

³⁰eye miawɔ nuɖuvɔsa kple nunovɔsa ɖe nyitsuawo, agboawo kple alẽviawo ƒe agbɔsɔsɔme ŋu ɖe ɖoɖo la nu.

³¹Emegbe miatsɔ gbɔ̃tsu ɖeka asa nuvɔ̃vɔe akpe ɖe gbesiagbe numevɔsa kpakple eŋu nuɖuvɔsa kple nunovɔsa ŋuti

³²Eye miawu nyitsu adre, agbo eve kple alẽvi wuiene, siwo sɔ blibo, eye woxɔ ƒe ɖekaɖeka la, le ŋkeke adrelia dzi,

³³eye miawɔ nuɖuvɔsa kple nunovɔsa ɖe nyitsuawo, agboawo kple alẽviawo ƒe agbɔsɔsɔme ŋu ɖe ɖoɖo la nu.

³⁴Emegbe miatsɔ gbɔ̃tsu ɖeka asa nuvɔ̃vɔe akpe ɖe gbesiagbe numevɔsa kpakple eŋu nuɖuvɔsa kple nunovɔsa ŋuti.

³⁵Ŋkeke enyilia enye takpegbe na mi, eye miawo asinudɔa ɖeke o.

³⁶Eye miatsɔ nyitsu ɖeka, agbo ɖeka kple alẽvi adre, siwo sɔ blibo, eye woxɔ ƒe ɖekaɖeka la, asa numevɔ, si nye dzovɔsa, ne wòaʋẽ lilili ɖe Yehowa.

³⁷Eye miawɔ nuɖuvɔsa kple nunovɔsa ɖe nyitsu la, agbo la kple alẽviawo ƒe agbɔsɔsɔme ŋu ɖe ɖoɖo la nu.

³⁸Emegbe miatsɔ gbɔ̃tsu ɖeka asa nuvɔ̃vɔe akpe ɖe gbesiagbe numevɔsa kpakple eŋu nuɖuvɔsa kple nunovɔsa ŋuti.

³⁹Esiawo miatsɔ asa vɔ na Yehowa le miaƒe ŋkekenyuiewo dzi hekpe ɖe numevɔsa, nuɖuvɔsa, nunovɔsa kple akpedavɔsa, siwo mieɖe adzɔgbe alo na le mia ɖokui si la ŋuti.